كوني مع الشاب عنيفة ولو كان كأبي حنيفة

[جويريه*]

فعلا ربنا مش بيسيب حق حد...كما تدين تدان...لا تستهين به!


منشور لكل بنت!



وكذلك لكل ولد!



رسالة وصلتني...



لعل هذه الرسالة تقوى المناعة وتنبه الغافل وتوقظ النائم!


( تعبت أدور على عروسة ’ من كتر ما بشك فى كل البنات اللى حواليا ’ بالنسبالى كان



سهل عليا اوى إنى اوقع اى بنت فى غرامى



" أصل كنت دنجوان عصرى " البرنس اللى مفيش اى بنت تعرف تعدى من تحت إيديه



-- تعرف " مفيش حاجة اسمها بنت صعبة " البنت سهل جدًا مهما ملكت امرها إنك



تسيطر عليها ’ منكرش إن فى شخصيات قوية جدًا ’ لكن القوة دى بتنهار بسرعة مع



شوية اصرار ومحاولة منك معاها واحنا كشباب عندنا صبر خاصة مع البنات التقيلة دى



اللى دماغها ناشفة ’



عارف مرة عرفت واحدة منهم عملت فيا العبر ’ بهدلتنى ودوختنى السبع دوخات ’



مكنتش عارف أخد منها لا حق ولا باطل " قافلة على نفسها الباب ومتربساه " لكن على



مين ؟؟ قررت امشى معاها الطريق لاخره وحلفت لأجيب اخرها -- كنت أجيلها يمين



مفيش فايدة -- أجيلها شمال مفيش فايدة ’



واللى زى دى كانت سكتها هو باب بيتها ’قولت آمين بس عشان اثبتلها إنى غرضى



شريف وإنى استنيت سنة واتعذبت عشان فعلًا بحبها ’ صاحبتنا بلعت الطعم !! ومع



الوقت بدات اكسر الحواجز اللى بينى وبينها والترابيس اللى كانت عملاها ’



بعد فترة خطوبة بشهرين بدأت أنا اللى اعمل تقيل ’ مبقتش حتى أسأل عليها ولا اطمن



-- وقبل الــ شهرين كنت مغرقها هدايا وكلام حلو فى رسايل من غير ما اعبر ليها



بلسانى -- خلتها بيا مجنونة من كتر إهتمامى بيها ’



كنت بحس ده فى لمعة عنيها وشوقها ليا ’ قررت أزود بنزين الحرمان شوية كمان ’



وفجأة لقتها بتقولى " انت اتغيرت مبقتش تحبنى زى زمان !!! قولتلها مين قال " انا



سايب مسافة بينى وبينك عشان متحسيش إنى بطلب منك اللى انتِ مش عاوزاه ’ أنا



بحبك ومش عاوز أضايقك ’ بخاف أقولك تعالى نخرج تزعلى منى !! بسيب الحدود اللى



انتى عاوزاها مش اللى انا عاوزها ’ أنا نفسى أكسر كل ده واتخطاه معاكى بس لسه



الآوان مجاش ’ --



حسستها بإنى البرىء الطاهر اللى بيدور بس على راحتها ومش مهم الحرمان اللى



عايشه ’ لحد ما بقت زى الخاتم فى صباعى ’ والبنت الجامدة التقيلة بقت خف الريشة ’



وفى النهاية قدرت أوصل للى أنا عاوزه وسبتها زى ما سبت غيرها ’ لكن هى برغم



الانتصار اللى كنت حاسه ’ لسه شايف عنيها وهى بتبصلى بنظرة المظلوم -- وبرغم إنى



كسرت كتير غيرها ’ لكن هى نظرتها كانت مختلفة ’ !!



عارف ياطيب ادينى عديت الــ35 وبرضوا مش لاقى عروسة وهفضل كده لإنى عقدة



الشك جوايا مش بتنتهى ’ ونظرة ظلم البنت اللى أنا ظلمتها هى وغيرها ’ محسسانى



بإنى مستحيل مخدش ورقة مش متشخبط فيها كتير اوى " تقدر تقول الورق الابيض



احنا لطخناه سواد "



وفعلًا لولا الرجال ما فسد النساء -- إحنا شوية شياطين ’ ورسالتى لكل بنت انت قولتها



من كام يوم

" كونى مع الشاب عنيفة ولو كان كأبى حنيفة "



ظلم المشاعر نار بتاكل في كل حاجة حلوة فينا مع مرور الوقت واحنا مش حاسين ’



بنفضل نسرق مشاعر البنات ونخليها شبه العروسة اللعبة فى ايدينا ’ لحد ما نطفيهم



ونسيبهم كوم رماد ’ لكن ربنا مش بيسيب حق حد )


أ/ محمد سعد الأزهري.


-----------------------



طريق المعاصى .. طريق للأمراض النفسيه والمشاكل فى الحياه .. فى حد خسر الدنيا



والاخره لانه مشى فى الطريق الغلط وفى واحد كسب دين ودنيا واخره عشان مشى فى



الطريق الصح مشى مع الصحبه الصالحه المصلحه.. مع أهل القرآن .. وقرر يسيب كل



المعاصى ويبدأ صفحه جديده مع ربنا عشان يرضيه ويبقى سعيد دائماً وراضى بالله ..



مين مش عاوز يبقى سعيد ؟؟؟!!


مهم جدا جدا


https://www.youtube.com/watch?v=gLoL4uB0uPI

للتحميل

هنا

[محبة الحبيب محمد]

رد: " كونى مع الشاب عنيفة ولو كان كأبى حنيفة "

جزاك الله خيرا

ربنا يسترنا وكل نساء المسلمين وذريتنا اللهم آمين

[سلمى أم عمر]

رد: كوني مع الشاب عنيفة ولو كان كأبي حنيفة

الله المستعان
أصلح الله حالي و حال جميع المسلمين
جزيتي خيرا

[العائدة لربها]

رد: كوني مع الشاب عنيفة ولو كان كأبي حنيفة

اللهم استرنا وبنات المسلمين جميعا
جزاك الله خيرا