[هام] °˚‏◦ ♥ ღ سلسلة بذور رمضان ღ♥ ◦˚°...متجدد إن شاء الله

[lulwa]

كل شويه حد يقولنا استعدوا لرمضان
استعدوا لرمضان....
استعدوا لرمضان

طيب أنا مش عارفه إزاى استعد لرمضان!!

بصي يا ستي متزعليش نفسك..

هنعمل سلسله إن شاء الله اسمها
#بذور_رجب

فى كل مره نقول على عباده علشان نبذرها فى شهر رجب..
ونستمر عليها ان شاء الله...
يلا جاهزين....

[lulwa]

رد: °˚◦ ♥ ღ سلسلة بذور رمضان ღ♥ ◦˚°...متجدد إن شاء الله

بذرة النهارده هى الصلاة

أنابصلي!!

لا يا حبيبتي..انا اقصد الصلاة على وقتهاااااا..

يعني لما الاذان يقولالله اكبر

يبقى....
الله أكبر من كل شئ
الله أكبر من المحاضرة
الله أكبر من المذاكرة
الله أكبر من الشغل
الله أكبر من أولادي
الله أكبر من النوم


قال تعالى:
(فَوَيْلٌ لِّلْمُصَلِّينَ (4) الَّذِينَ هُمْ عَن صَلَاتِهِمْ سَاهُونَ (5)) سورة الماعون


يعني بالفعل الناس دول بيصلوا
ولكن....بياخروا الصلاة عن وقتها


--------------

وعاوزه أقولكم على مفاجاة جميلة...

حديث عن النبي صلى الله عليه وسلم::

َ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ
( مَنْ صَلَّى لِلَّهِ أَرْبَعِينَ يَوْمًا فِي جَمَاعَةٍ يُدْرِكُ التَّكْبِيرَةَ الْأُولَى
كُتِبَتْ لَهُ بَرَاءَتَانِ بَرَاءَةٌ مِنْ النَّارِ وَبَرَاءَةٌ مِنْ النِّفَاقِ )
رواه الترمذي(241) وصححه الشيخ الألباني رحمه الله


يعني إل يصلى أربعين يوم فى الجامع يلحق أول تكبيرة مع الإمام ...يتكتبله برائتان

براءة من النار
وبراءة من النفاق


أنا عارفه إن الحديث خاص بالرجال..
لكن احنا نحتسب الأجر ونحافظ على الصلاة فى أول ربع أو تلت ساعه.. وبإذن الله ربنا لن يحرمنا الاجر
يلا بسرعه اعملى جدول الصلاة بتاعك

لو صليتي فى أول تلت ساعة اكتبي رقم(3)

لو اخرتيها عن تلت ساعه اكتبي رقم(2)

لو اخرتيها عن وقتها لاقدر الله اكتبي رقم(1)

#رجب_شهر_البذر
#ابذر_اقامة_الصلاة
#حي_على_الصلاة

[سلمى أم عمر]

رد: °˚◦ ♥ ღ سلسلة بذور رمضان ღ♥ ◦˚°...متجدد إن شاء الله

ربنا يرزقنا الاستعداد لرمضان
اللهم بلغنا رمضان لا فاقدين و لا مفقودين
جزيتي خيرا أخية

[الواتقة بالله]

رد: °˚◦ ♥ ღ سلسلة بذور رمضان ღ♥ ◦˚°...متجدد إن شاء الله

السلام عليكم ورحمة الله تعالى وبركاته

موضوع رائع

بارك الله فيكِ وجعله في موازين حسناتك

[lulwa]

رد: °˚◦ ♥ ღ سلسلة بذور رمضان ღ♥ ◦˚°...متجدد إن شاء الله

بذرة النهارده هى الصلاة
الجزء الثاني

ندى:: الووووو ازيك يا علا

علا:: ازيك يا ندى حبيبتي عامله ايه

ندى:: كده يا علا استناكي في المعاد اللي اتفقنا عليه متجيش........
وانتي عارفه ان المقابلة دي كاانت مهمة اوووووووي❗❗❗؟؟؟


علا:: اااااااه اسفه جدا....
كنت قاعده ع الفيس بوك والوقت سرقني خاااالص .......
سااامحيني يا ندى انتي عارفه غلاوتك عندي قد اييييييه


ندى:: خلاص سامحتك بس علشان انتي غاليه عليا
نتفق بقى ع معاد تاني ...والمرة دي تيجي هاااااه


علا:: ااااه طبعا طبعا هااااجي ومش هتأخر
...........
(( اتفقوا الاتنين ع ميعاد جديدواستنت
ندى علا تيجي في معادها لكن..!!))
............
ندى::بقى كده بردو يا علا تاني مرة استناكي ومتجيش ......
المقابلة مكنتش هتكمل 10 دقايق


علا:: مش عارفه اقولك ايييييييييييه والله
بس اتشغلت بالمذاكرة وكده
انتي عارفه الامتحانات ع الابواب........
ساااامحيني بقى ونتقابل تاني

ندى:: خلااااااص مسامحااااكي ........

(( وفضلت ندى تدي مواعيد في مواعيد وعلا ولا ع بالها وكل شويه تتحجج بحاجة وندى كل مرة بتسامحها❗❗))

...................................
يااا ترى لو زميلك أو زميلتِك او أغلى حد عندك عمل فيك كده هيكون رد فعلك اييييييييه ❗❗❗

هتسامحيه؟؟
هتجددي الميعاد؟؟
هتخاصميه؟؟
ولله المثل الأعلى

احنا بنعمل كده في صلاتنا كل يوم ......
ونتأخر عن ميعادنا❗❗❗

الله أكبر.....الله أكبر

يووووووه...انا لسه صاحي دلوقتي وضيعت اليوم....اروح اعمل اللي ورايا وبعدين أصلي إن شاء الله

الله أكبر.....الله أكبر

أخلص بس الفصل ده مذاكرة واقووووم أصلي على طوووول
.........

وخد عندِك بقى اليوم كله من ده.... ويوووم ورا يوم والصلاة بتضيع ....وإحنا بنضيع معاها ...

وبعد كده نشتكي إحنا ليــــه مكتئبين؟؟

ليه وقتنا مفهوش بركه؟؟

وشوفوا الكارثة الأكبر بقى

إقرأو معايا الآيه دي::

"....وَإِذَا قَامُواْ إِلَى الصَّلاَةِ قَامُواْ كُسَالَى
يُرَآؤُونَ النَّاسَ وَلاَ يَذْكُرُونَ اللّهَ إِلاَّ قَلِيلاً (142)"
سورة النساء

هما ميــــــــــــــــن دوووول؟؟!!
...
المنـــــــــافقين
...

(نعوذ بالله أن نكون منهم)

#عايز_السعاده تيجي لحد عندك ....أقم الصلاة لوقتهاا
#عايزه_ربنا يوفقك في دنيتك...أقم الصلاة لوقتهاا

يلاااا خد القرار من دلوقتي مش هأخر صلاة تاااني أبداااا إن شاء الله
وخلي ...
#الصلاة_أسلوب_حياة
#إلا_صلاتي
#تبت_إليك_ورجعت_أليك_وندمت_على_ما_فعلت
#بقلمي

[lulwa]

رد: °˚◦ ♥ ღ سلسلة بذور رمضان ღ♥ ◦˚°...متجدد إن شاء الله

سلسلة بذور رجب2

على فكره الصلوات خمسة مش اربعة!!

#ياااه على المعلومه الرهيييييبة!!‼
ما احنا عارفين!!!!

طيب لما انتى عارفهاخيتي مبتصليش الفجر ليييه؟؟


#لا بصليه...بصليه صبح..


ياغالية.....قال تعالى :
إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتًا (103)سورة النساء

---

---

يعني ليها معاد ثابت
هى اصلا اسمها صلاة الصبح

ووقتها يبدأ من اذان الفجر الى شروق الشمس

مش لغايه الظهر!..

ولا لغاية ما تصحي من النوم‼


#طيب اعمل ايه انا مش باقدر اصحى؟


طيب لو كان امتحانك فى الكليه فى الوقت دا كنتى
هتصحي ولا لأ‼
لو قلتلك ان فى عريس هيجى يختار واحده من ال هتكون بتصلى الفجر النهارده
هتصحي ولا لأ‼
طيب لو مسافره رحله..ومعاد الطياره فى الفجر ....
هتصحي ولا لأ‼


بلاش نجرى على الدنيا ومنجريش على ربنا


#طيب اعمل ايه؟؟؟
اديني خطوات عملية علشان فعلا اقدر اصحى❗


1-تنامى بدري....مش تنامى الساعه 2
وانتى عارفه انك مش ممكن هتصحى بعد ساعتين


2-تظبطى منبهات...كتييير
وتقولى لواحده من اصحابك ترن عليكى
او مامتك تصحيكى باي وسيله بقى


3-تدعي ان الله عز وجل يعينك و يصحيكي


طيب ما انا باعمل كل دا وبردوا مش بصحي❗
يبقي انتى محتاجه رقم اربعة


4-توبي من الذنوب...لان اكيد فى ذنب انتى مصرة عليه هو ال حرمك من صلاة الفجر..


أبشري يا من تصلى الفجر ...لانك فى ذمة الله


#الصلاة خير من النوم
#رجب شهر البذر
#ابذر صلاة الفجر

[lulwa]

رد: °˚◦ ♥ ღ سلسلة بذور رمضان ღ♥ ◦˚°...متجدد إن شاء الله

حااااااااالة طوارئ جيييم ...
عندنا حاااااااالة طوارئ جيييييييييييم

اصحى يااااااشلبي


إيييييييييييييه فيه إيـــــــــــــــــــــــــــــــه؟؟

إصحى علشان تصلي


الفجر.....


الفجر!!!....اااه الفجر حاضر أول ما أصحى هصليه ان شاء الله......

معقوووووووله يا شلبي هتنام من غير ماتصلي الفجر في معاده....

مش قااااادر......


وبعدين أنا بصليه صبح قبل ما أروح المحاضرة .....


الفجر يتصلى في الفجر يا شلبي مش الصبح و اسمع الحديث ده ::

قال النَّبِيَّ صلى الله عليه وسلم :

«يَعْقِدُ الشَّيْطَانُ عَلَى قَافِيَةِ رَأْسِ أَحَدِكُمْ، ثَلَاثَ عُقَدٍ إِذَا نَامَ،
بِكُلِّ عُقْدَةٍ يَضْرِبُ: عَلَيْكَ لَيْلًا طَوِيلًا، فَإِذَا اسْتَيْقَظَ فَذَكَرَ اللَّهَ،

انْحَلَّتْ عُقْدَةٌ،وَإِذَا تَوَضَّأَ انْحَلَّتْ عَنْهُ عُقْدَتَانِ،فَإِذَا صَلَّى انْحَلَّتْ الْعُقَدُ،
فَأَصْبَحَ نَشِيطًا طَيِّبَ النَّفْسِ، وَإِلَّا أَصْبَحَ خَبِيثَ النَّفْسِ كَسْلَانَ»


يااااااااااه ..علشان كده بصحى مضايق ومش طايق نفسي...
سامحني ياااا رب أنا مش هفوت صلاة للفجر تاااني أبدااا إن شاء الله....

بس أنا نومي تقيل أعمل إيه بقى؟؟...

أنت ماقريتش الرسالة اللي فاتت ولا إيه يا شلبي....

لا مخدتش بالي.....

هقولك يا شلبي:::

1-تنام بدري....مش تنام الساعه 2
وانتى عارف انك مش ممكن هتصحى بعد ساعتين
2-تظبط منبهات...كتييير
وتقول لواحد من اصحابك يرن عليك
او مامتك تصحيك باي وسيله بقى
3-تدعي ان الله عز وجل يعينك و يصحيك
طيب ما انا باعمل كل دا وبردوا مش بصحي❗
يبقي انت محتاج رقم اربعة
4-توب من الذنوب...لان اكيد فى ذنب انت مصر عليه هو ال حرمك من صلاة الفجر..

يلاااا بقى يا شلبي الإقامة خلاااااص......

#كووول_الدنيا_هنا_بتقووول
#هصلي_الفجر_في_معاده_على_طوووول
#الصلاة_أسلوب_حياة