Tweet
غض البصر يقوي النظر
غض البصر يقوي النظر
ايييييه دااا مش معقول
شفتي يا بت يا فتكات الشاب اللي هناك داا
اه شفته دا شاب كيوت اوووي
ولا النضارة شكلها تحفة عليه
اكرمنا يااارب بواحد حليوة ذي كداا
ياارب يا عطيات ياارب
كاااات هايل يا فناااان
والمشهد داا بيتكرر كل يوم ما بينا
كل يوم بنلاقي فتكات وعطيات وكل البنات بيعاكسوا الشباب
اه والله يا جماااااعة
الامر بقي عادي خالص الايام دي
مفيش حياء خااالص
وتيجي تسأل فتكات وعطيات وتقولهم غلط كداا يا بنات
يقولوا بنتأمل في خلق الله يا اوختشي
كتيييير من البنات فاكرة ان غض البصر دا بالنسبة للشباب وبس
لا يا عفيفة القلب
انتي كمان مطلوب منك غض البصر
وداا مش كلامي داا كلام ربنا سبحانه وتعالي
" وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ (النور:31).."
امر صريح اهوو من ربنا
زي ما ربنا امر الشباب امرك انتي ياعفيفة
تعرفي يا جميلة
ان ذنوب كتييير ممكن يكون سبب نظرة
وتيجي تقولي انا مخنووقة ليه
انا مش حاسة بلذة الصلاة
انا بعيدة عن ربنا !!!!
اوعي تستهوني بالذنب مهما صغر
ساعات كتير بيكون الذنب الصغير داا هو سبب لذنب كبير
اصل الشيطان شاطر مش هياخدك علي الذنب الكبير مرة واحدة
بس انتي اشطر منه
ايوة اشطر منه ..
انتي اشطر لو التزمتي بكل امرربك
وغضيتي بصرك عن كل حرام
تعرفي كمان يا جميلة
لما تغضي بصرك وتعفي قلبك عن الحرام
زوجك المستقبلي هيغض بصره عن بنات الناس من قبل ما يشوفك
لانه نسخة منك
انتي اغلى من انك تتعلقي بواحد في الحرام عشان نظرة
انتي اغلى من انك تتعلقي بذنب عشان نظرة
انتي احلي بحيائك وعفتك
روشتة النهاردة بقي
♡ باذن الله من النهاردة هنغض بصرنا عن اي حرام سواء شاب او صور ممثلين
♡هجاهد نفسي عشان الجنة تستاهل غض البصر يقوي النظر انتي اغلى بحيائك
سندريلا ملتزمة
تعليق