Tweet
واحد كان بيقول: كنت فى مكان كده , وكان فى أغنيه شغاله فسمعت جمله بيقولها المغنى بتقول
ஓ♥♡((حبيت عشان خاطرك حاجات مبحبهاش))
تخيلت وقتها ياترى فعلا الواحد يقدر يكون واصل لمرحلة الحب دى بس مع الله عز وجل ,
فتلاقيه بيقول يارب أنا حبيت الطاعه دى وحبيت أمرك ده من أجلك حتى ولو ده اللى مش على هوايا
وده لأنى بحب اللى إنت بتحبه بس ,فأنا سعادتى فى عمله
يعنى حبيت إنى ألبس واسع وأستر جسمى حتى ولو كان نفسى أكون زى باقى البنات
والموضه وكده , لكن حبك إنت أهم وأغلى
ஓ♥♡ஓ♥♡ஓ♥♡
*حبيت عشان خاطرك حاجات مبحبهاش*
لو سألتك عن حبك لربنا
هو إنت بتحب ربنا ؟؟
هتكون الإجابة
طبعاً طبعاً
طبعاً خالص
طبعاً جداً
الحب مش أقوال بس ..
<<الكاميرا الخفيه>>
*فى مسجد الجامعه*
منال : ايه دا البنت الى بتوزع حجات ديه تعالى نساعدها انا بحب اوزع
منه : ماشى يلا بينا :))
منال: دا ورق عن الحجاب الشرعى لا لا بلاش احنا يعم
منه: ايه يابنتى ماحنا زى الفل الحمد لله بصى الشروط كدا
ان يكون ساترا لجميع البدن الحمد لله ياستى مغطيين جسمنا وكلو تمام
وايه .. ان يكون واسع الحمد لله انا بلبس بنطلون (اسكينى) واسع مش ضيق خالص;)
وسعات بلبس جيبات كملى يابنتى احنا احسن من غيرنا كتير الحمد لله
شوفى البنات بتلبس ايه اليومين دول !!
منال: ماشاء الله بصى البنت الى وشها بينور الى هناك ديه معانا فى الدفعه
كل الناس بتحبها وطيبه اوى
لما لقتهم بيبصولها قربت..
خديجه : سلام عليكم(بتبتسم) فى درس عشر دقايق كدا
قبل ما المحاضره تبدأ تحبو تحضرو ؟
منال: تبتسم وعليكم السلام طبعا معندناش مانع.
منه ((مستغربه))
وفى الدرس...
خديجه: اولا لازم تعرفو اننا مش ملايكه وكلنا بنغلط بس بننصح بعض بس لو شوفنا حاجه عشان
احنا كلنا اخوات
خديجه : الحمد لله والصلاه والسلام على رسول الله -صلى الله عليه وسلم-
بصو حبايبى اولا لازم نعرف ان الحجات الى بنشوفها دلواتى ملهاش اصل او اساس يعنى مش عشان شوفنا
ناس بيعملو حاجه يبقى هم صح واحنا غلط للاسف المجتمع بتاعنا دا بقى صعب ومحدش عجبو حاجه لو البنت التزمت ولبست
كويس يقولو مش عرفه ايه ولو لبست ضيق برضو هيكلمو فاحنا نتفق اننا ملناش دعوه بحد وبس يهمنا اننا نرضى ربنا فى لبسنا ؟ اتفقنا ؟
تعالو نراجع الشروط بتاعه الحجاب الى فى الورقه الى معانا ونقارنها بالواقع الى بيحصل دلواتى ونشوف الصح ايه
1- أن يكون ساترا لجميع البدن (تقرأ بصوتها الجميل)
((يَا أَيُّهَا النَّبِيُّ قُلْ لأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلابِيبِهِنَّ ذَلِكَ أَدْنَى أَنْ يُعْرَفْنَ فَلا يُؤْذَيْنَ وَكَانَ اللَّهُ غَفُورًا رَحِيمًا))
يعنى بلاش تشمير الكم .. بلاش الرجل الباينه ولو حته صغيره او الرقبه ((الطرحه الاسبانش)) او تبينى شعر من الطرحه
2-واسع فضفاض :الجيبه الضيقه (الليكرا) لا ..
منه: يعنى نلبس بنطلون ؟ انتو مش عجبكو حاجه ليه؟!
منال : ._. منه
خديجه: حبيبتى احنا اتفقنا احنا نرضى ربنا بس ولا نقلد حد ولا نلبس زى اى حد ربنا يحفظك ياجميله نكمل
منه (اتكسفت) انا اسفه بس عشان صعب اوى واصحابى هيتريقو عليا ويقولولى الشيخه منه وانا اصلا وحشه ومينفعش
خديجه: اسمعى بقلبك كدا .. تقرأ..
(( فَمَا لَنَا مِن شَافِعِينَ *وَلَا صَدِيقٍ حَمِيمٍ*))
اعز أصحابك ولا كأنو يعرفك لو مكنش صالح هيهرب منك .. هيبقى عدوك كمان!
((الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ))
وحكايه انك وحشه لا لا انت احسن منى يامنه ربنا يحفظك وكلنا بنغلط بس
(ما لايدرك كله لا يترك كله) .. نكمل:)
واحده تقولك دا بدى كرينا واسع او بنطلون واسع بقى عادى .. لا لا يا أختى مفيش كارينا واسع كلو بيصف حجم الجسد
ويبين التخينه من الرفيعه يبقى بلاش دول كمان تمام
((صِنفانِ من أَهْلِ النَّارِ لم أرَهُما : قومٌ معَهُم سياطٌ كأذنابِ البقَرِ يضربونَ بِها النَّاسَ ونساءٌ كاسياتٌ عارياتٌ مُميلاتٌ مائلاتٌ، رؤوسُهُنَّ
كأسنِمةِ البُختِ المائلةِ، لا يدخُلنَ الجنَّةَ، ولا يَجِدنَ ريحَها، وإنَّ ريحَها ليوجَدُ من مَسيرةِ كذا وَكَذا)) صحيح
كاسيات عاريات: يعنى يلبسو لبس خفيف يصف ما تحته
ويدخل في معنى الحديث أيضًا: اللباس الضيق
يبقى لا يصف ولا يشف
3-لا يشبه ملابس الرجال: اتفقنا بلاش بنطلونات ولا أوسع واحد فى العالم .. أو بنطلون تحت فيست
4-الا يكون لباس شهره : فلانه الى بتلبس كذا وكذا قصدها بيه غير رضا ربنا بس المباهاه والتفاخر بلبسها
دايما حطى فى الشروط قدامك هدفك : بحب ربنا بجد وعاوزه ارضيه
ايه الدليل ؟؟
قال رسول الله صلى الله عليه وسلم: " من لبس ثوب شهرة في الدنيا، ألبسه الله ثوب مذلة يوم القيامة" رواه أحمد وغيره
5-لا يشبه ملابس الكافرات : بلاش نمشى ورا الموضه هتودينا فى داهيه:)
6-الا يكون زينه فى نفسه يبقى نتفق ان الحجاب من اسمو يحجب الزينه ودى بتشمل حجتين
اولا: الحجات الى بتزين الحجاب مثلا الترتر والخرز وتداخل الالوان بصوره ملفته واللفات الجديده وموضه 2015 وكدا
ثانيا: الالوان نتجنب الفسفورى ,الاحمر, البمبى, الطرح المشجره و الاصفر والفرح الى فى الطرحه دا .D
لو لون غير الاسود يبقى هادى وممكن غامق والاسود أفضل
كدا عرفنا
الحجاب بقى مش اى طرحه على راسنا اسمها حجاب حبيبتى
بصى فى طرحه جديده مثلا اسمها ليكرا حتى فى بنات بيتريقو عليها ويسموها منديل عشان قصيره اوى يبقى الطرحه
تكون طويله ياجميله^^ تغطى جسمك من فوق كلو مش الرقبه بس
ولا ننزل مثلث كدا من الطرحه وكدا غطينا الجزء الى فوق والحمد لله على خير
وقربنا نبقى من العشره المبشرين بالجنه
لا لا انا كنت كدا وفهمه اوى.D
((*بيضحكو*))
- [*=center]7-الا يكون معطراً : لقول حبيبنا –صلى الله عليه وسلم-
((أيما امرأةٍ استعَطرَتْ ، فمرَّتْ على قوم لِيَجدوا رِيحَها فهي زانيةٌ)) صحيح
وطبعا كل واحده فيكم هتاخد الخطوه من دلواتى واهم حاجه بجد الصحبه
لازم يبقى حواليكى رفقه طيبه دايما عشان لما حد يتريق او كدا تبقى ورااكى تلاقى رجااله
يساعدوكى وياخدو بايدك لربنا واوعى تنصحى حد من اصحابك دلواتى خدى خطوه الالتزام وخليكى مع اصحاب
صالحيين بعدين روحى معاهم عشان ياما سمعنا عن ناس رجعو بسبب اصحابهم وماتو بسبب معاصى
اصحابهم كانو السبب فيها وفى الاخر هيروحو لوحدهم ويتحاسبو ولا ام هتنفع ولا اب ولا "ماما موافقه عادى"
ولا "كل الناس كدا دلواتى"
معلش اخرتكو بقى ربنا يحفظكو يارب ويرزقكم ارتداء النقاب بحبكم فى الله
هستاذنكم سلام عليكم
وطبعا كل واحده فيكم هتاخد الخطوه من دلواتى واهم حاجه بجد الصحبه
لازم يبقى حواليكى رفقه طيبه دايما عشان لما حد يتريق او كدا تبقى ورااكى تلاقى رجااله
يساعدوكى وياخدو بايدك لربنا واوعى تنصحى حد من اصحابك دلواتى خدى خطوه الالتزام وخليكى مع اصحاب
صالحيين بعدين روحى معاهم عشان ياما سمعنا عن ناس رجعو بسبب اصحابهم وماتو بسبب معاصى
اصحابهم كانو السبب فيها وفى الاخر هيروحو لوحدهم ويتحاسبو ولا ام هتنفع ولا اب ولا "ماما موافقه عادى"
ولا "كل الناس كدا دلواتى"
معلش اخرتكو بقى ربنا يحفظكو يارب ويرزقكم ارتداء النقاب بحبكم فى الله
هستاذنكم سلام عليكم
تعليق