Tweet
أيوه احنا مش زي بعض !!!
كل واحده فينا لها شخصيتهاوكل واحده فينا ليها مميزات وعيوب!!
طيب أنا معرفش شخصيتي!!!
ولا ايه هى مميزاتها وعيوبها!!
علشان كده
النهاردة بإذن الله تعالى عايزين ندردش مع بعض شوية في موضوع مهم جدا وهو
((اعرفي نفسك!!!))اعرف نفسك وافهم نفسك تفهم من حولك وتفهم كيف يكون الطريق إلى الله عز وجل!!
من خلال درس النهاردة ان شاء الله هنقدر نجاوب على تساؤلات كتيرة جدا
زي:
إيه نوع شخصيتي؟؟؟
مزاياها...
عيوبها...
امراض قلبها...
ازاي اختار الزوج الصالح بعد الاستعانة بالله عز وجل والدعاء؟؟؟
وهل شخصيته تتوافق مع شخصيتي؟؟؟
كل ده إن شاء الله هنعرفه النهارده
من خلال ربط القرآن والسنة بالعلوم النفسية الحديثة
هنبدأ موضوعنا((بكلام ابن القيم))بيقول:
يعني إيه الكلام ده؟؟!!!
يعني مينفعش يحصل أي تغيير في حياتي إلا بالعلم والعمل..
.....
بردو مش فاهمه !!!!!
هشرحلك مثال بسيط دلوقتي نعرف بيه قصد ابن القيم بكلامه
(بس صلي على حبيبك المصطفى الاول))
...
.......
............
((أميرة مثلا عارفه فضل قيام الليل
وإن النبي صلى الله عليه وسلم قال:
(عليكم بقيام الليل فإنه دأب الصالحين..)
{ دي قوة علمية}
يبقى مينفعش اسمي نفسي صالحه او اي اسم جميل يطلق على اللي بيقيموا الليل من غير ما اقوم أنا ... صــــــــــح؟؟
طيب أميرة عندها القوة العلمية ((عارفه فضل قيام لليل))
بس مش بتقوم الليل (القوة العملية)
يبقى هى عندها خلل في القوة دي ومستفاديتش اي حاجه من المعلومة اللي عرفتهايبقى معادلة ابن القيم بتقول:::
بعد كده ابن القيم قسم القوة العلمية كده::
أول حاجة:
معرفة الإنسان بربهودي تيجي بـ
1. بتعلم اسماء الله وصفاته
2. القرآن
(لأنه لا يعرف الله إلا الله ولا يتحدث عن الله إلا الله)
يبقى عليكي بالقرآن
...
......
طيب ليه مهم اوي اعرف عن ربنا؟؟؟؟
مش كفايه اني بحب ربنا والرسول وبصوم واصلي؟؟؟؟
......
شوفي حبيبتي ربنا بيقول::
إن اللي بيعمل الذنب وهو مش عارف هو اللي ربنا هيتوب عليه؟؟
لأ مش كده المعنى
اومال ايه؟؟؟؟
معناها ((كل من عصى الله هو جاهل بالله))
جاهل بالله يعني:
مش عارفه يعني ايه بصير يراني وأنا بعمل الذنب ومش هاممني
مش عارفه يعني ايه صبور ربنا صبر عليا كتير علشان أتوب ومفيش فايده
هو ده معنى إني لو عرفت ربنا مش هعصيه .....
..........
تاني حاجه:
معرفة الانسان بالطريقودي بردو ليها شرطين:
1.معرفة الطريق نفسه
2.معرفة عوائق الطريق
مثال:
سارة مسافره من سوهاج للقاهرة
هى عارفه هتاخد صحراوي ولا زراعي (الطريق نفسه يعني أنا عارفه طريق ربنا منين)
لكن سارة مرحتش قبل كده القاهرة مش عارفه الاستراحات ع الطريق فين
مش عارفه المطبات فأكيييييد هتتعب جامد
احنا كده لو معرفناش المطبات في طريقنا لربنا مش هنعرف نمشي كويس فيهالمطبات زي:
الشيطان
ظروف اجتماعية
صحبة السوء
تالت حاجه والأخيرة هي:
معرفة الإنسان بنفسهوهو ده موضوعنا النهاردة
اعرف نفسي بحاجتين:
1.طبيعة النفس (امارة-لوامة-مطمئنة)
طيب الأصل في النفس إيه؟؟؟؟؟
..
....
..........
الأصل فيها أمــــــــــــــــــــــــــارة
لكن مع شوية تدريب
ومعرفة الله عز وجل وطاعته تبتدي تبقى لوامــــــــــــــــــة
{لَا أُقْسِمُ بِيَوْمِ الْقِيَامَةِ(1) وَلَا أُقْسِمُ بِالنَّفْسِ اللَّوَّامَةِ}
والمرحلة الأعلى بقى هى
النفس المطمئنة(رزقنا الله وإياكم)
والنفس خطيرة جدا إن لم تسحبيها لطاعة الله
سحبتك لمعصيته
علشان كده النبي صلى الله عليه وسلم دائما يقول::
طيب إزاي بقى نتصرف مع نفسنا اللي هتودينا في داهية دي؟؟؟!!!!احكيلكوا قصة
عارفين قصة الفيل والسلسلة؟؟؟؟
الحكاية بتقول:
إن فيه حديقة حيوان جابت فيل جديد بس الفيل ده كان شرس قوي فكانوا عايزين يروضوه فربطوا الفيل في سلسلة صخمة وقوية جدا
طبعا الفيل مستسلمش وقعد يشد في السلسة ويخبط فيها بيحاول يكسرها وفضل ع الحال ده يوم
اتنين
ثلاثة
ويحاول ويحاول لحد ما عدى أسبوع
...
......
فجأه لقوا الفيل ساكت مش بيعمل أي حاجة ولا بيقاوم السلسة !!!
بعد كده راحوا بدلو السلسلة دي بحبل عادي وقعدوا يراقبوه هيعمل إيه......
لقوا الفيل مش بيعمل أي حاجة واستسلم استسلام تام رغم إن الحبل ضعيف جدا ممكن لو هز رجله كده يقطعه !!!!
طيب ليه حصــــــــــــــل كده؟؟؟؟
الفيل بقى عنده
قناعة سلبية
إنه خلاص مش هيقدر يقطع السلسلة ويهرب ابدا حتى بعدما ربطوه بحبل!!!
يبقى الحل إننا نعمل كده مع نفسنانربطها بسلسلة كل ما تحاول تتمرد أو تقولك اعملي حاجه غلط
قوليلها لأ.....
....ولو ضعفتي وعملتي الحاجة عاقبيها عقاب مبتحبهوش...
مثال:
مصحتيش تصلي الفجر النهارده >>>>> صومي اليوم اللي بعده ع طول
أو اتصدقي بمبلغ كبير ((الفلوس غالية بردوو ))
حتقعد النفس تحاول معاكي يمين شمال مش هتلاقي فايده هتستسلم زي ما استسلم صاحبنا الفيل
عارفين ربنا أقسم بالنفس وقال إيه
قال::
النفس اتخلقت وهى عندها:
ميل للتقوي وميل للفجور
بس الشاطر بقى هو اللي يعمل الصح مع نفسه
ويطبق الآيه اللي بعد كده::
معنى زكاها :
نماها يعني زودتي التقوى عندك ورفعتيها عن الفجور
دساها يعني خبيتي التقوى عندك وزوتي الفجور
مثال بسيط علشان نفهم :
ابن تيمية بيقول (لا يخلو حسد من حسد ...)
الحسد ده هو الفجور هنا
يعني مفيش إنسان في الدنيا دي مش عنده حتة الحسد دي باقي كلام ابن تيميه ::(ولكن الكريم يخفيه واللئيم يبديه!!))
يعني اييييييييييييه؟؟؟؟!!
نطبق الكلام على أميرة وعلياء المرة دي:
أميرة هتبقى اللئيمة
وعلياء الكريمة
((ملحوظة الاسماء بتيجي بالصدفة في دماغي وأي تشابه هو محض صدفه علشان محدش يضربني ))
المهم:
أميرة المسكينة (اللئيمة) متشحططه في الواصلات والزحمة
علشان تروح وظيفتها الحكومية اللي في اخر الدنيا ....
شافت واحده صحابتها كانت معاها في الدفعة راكبه عربية احدث موديل ...
أميرة شافت صاحبتها كده اشتغل بقى الحسد عندها: اشمعنى هي ؟؟!!! الله يرحم لما كنت بغششها في الامتحانات!!! حسبيى الله ...ماهو فرح بقى دي تركب عربية وانا اتبهدل مواصلات !!!!
اميرة هنا عملت ايه :اخفت التقوى اللي فيها واظهرت الحسد (ولكن اللئيم يبديه)
..
..
أما صاحبتنا علياء فهي شافت نفس الموقف لكن قالت : ما شاء الله لا قوة إلا بالله(خايفه تحسدها)
ربنا يزيدها ويرزقني مثلها وزيادة يااااا رب
علياء نمت التقوى عندها واخفت الحسد (ولكن الكريم يخفيه)
يااااا رب نكون فهمنا المثال
..
..
..
وعلشان مطولش عليكم ندخل بقى على تحليل الشخصية بتاعتنا ونشوف ايه نمط شخصية كل واحده فينا
النظرية بتاعتنا النهارده اسمها
{{نظرية هيرمن}}هيرمن قسم العقل البشري لقسمين:
عاطفي وعقلاني
وبعد كده قسمة اربعة زي ما الصورة موضحة تحت
اتنين عاطفي :شخصية عاطفية وشخصية ابداعية
واتنين عقلاني:شخصية عملية وشخصية قيادية
.........
.....
هنفهم مع بعض ان شاء الله كل شخصية وهنعرف منها:
انتي مين؟؟
شخصيتك إيه؟؟
إيه الخطر اللي بيواجهك إيمانيا؟؟؟
إيه نمط شخصية زوج المستقبل(إن شاء الله) المناسب ليكي ؟؟؟
يتبـــــــــــــــــــــــــــــــــــــــــــــــ ـــــــــــــــــــــــــــــــــــــع
تعليق