مفكرتيش تطلعى .....

[ام الخليفه]

السلام عليكم
ياترى فكرتى تطلعى عمرة ؟؟؟
ايه منفسكيش تطوفى حول الكعبه وتصلى فالحرم
والله ده هناك الحياة حلوه وحاجه تانى خالص
طيب هتقولى منين ده اللى جى على اد اللى رايح
هقولك جربى حاجه غيرك جربها وبفضل الله نجحت معاهم
اولا اصدقى النية مع ربنا انك فعلا نفسك تروحى وتجددى ايمانك
ثانيا اعملى علبة وحطى فيها الفلوس الزيادة ...يعنى مثلا مصروف الشهر ده اتبقى منه عشره جنيه ونصف ...حطيها وحطى النصف جنيه كمان
وقولى لزوجك كمان لو اتبقى حاجه من مصروفه يحطها
وقضيها بقى ...يعنى يوم لحمه ويوم عدس ويوم عجه
والله زيارت البيت الحرام يستاهل تكلوها بملح :)
ومع مرور الوقت والله هتلاقى ربنا وسع رزقكم وهتلاقى الفلوس جت متعرفيش منين
المهم فلوس العمرة ميطلعش منها مليم لاى سبب كان ...الفلوس اللى هتدخل العلبة متطلعش


وافضلى حوشى سنه سنتين زى ماربنا يكرمكم
واطلعى انتى وزوجك واستمتعى باحلى رحلة فى حياتكم
ولو حماتك مطلعتش عمرة من قبل ...فمتنسيش تعملى حسابها فى تحويشتك
ده انتى وخده ابنها يعنى اغلى حاجه عندها


وابقى ادعيلى معاكى لما تطلعى

[fatma22]

رد: مفكرتيش تطلعى .....

وعليكم السلام ورحمه الله وبركاته
ربنا يبارك فيكى يا ام الخليفه ويرزقنى وإياكى حج بيته ويتقبل يارب
اللهم تقبل دعائى اللهم تقبل
لاحول ولاقوه الله بالله
اوجعتينى حتى ابكيتينى

[براءة لله]

رد: مفكرتيش تطلعى .....

يااااااااه شوقتينا لله ولزيارة بيته ....
الواحد لما بيشوف الكعبة علي شاشة قلبه بيحن، اومال لو شفتها علي الطبيعة ......!
ربنا يرزقنا زيارتها وكل مشتاق يا ربي .....
جزاكى الله خيرا .....

[سلمى أم عمر]

رد: مفكرتيش تطلعى .....

رزقنا الله و اياكم عمرة و حج بيته

[ام الخليفه]

رد: مفكرتيش تطلعى .....

ربنا يتقبل منا ومنكم صالح الاعمال
ويجمعنا جميعا وازواجنا واهلينا فالفردوس الاعلى بلا حساب ولا سابقة عذاب
fatma22 ...انتى زعلتى ليه ؟؟
ربنا يرزقنا واياكى حج وعمرة كل عام
ولا تنسى اختى من يصدق الله يصدقة

[سُميـہ بنتُ الخيَّاط]

رد: مفكرتيش تطلعى .....

جزاكم الله خيرا أختنا
والله إنا لمشتاقون إلى زيارة بيت الله الحرام أشد اشتياق،
سبحان الله هذه الفترة شعور ملح يسيطر علي بالرغبة في الذهاب هناك،
وعندي ثقة كبيرة في الله -تعالى- أن يمن علي وأهلي بزيارة بيته هذه العام
بوركتِ أختاه

[((سلسبيل))]

رد: مفكرتيش تطلعى .....

ليه بس الوجع على الجرح

يارب ارزقنا من عندك حج وعمرة

بخت اللى رايح عمرة وحج ياريتنى كنت معاهم

[خديجة أحمد]

رد: مفكرتيش تطلعى .....

وعليكم السلام ورحمة الله وبركاته
الله المستعان
نسأل الله أن يرزقنا وإياك وكل مشتاق
جزاك الله خيرا