[هام] لكل أم

[راجيه رضا المنان]

السلام عليكم ورحمة الله وبركاته
سأتحدث عن موضوع كلنا معرضين ان يحدث لنا
ماذا تفعلي اذا شرب طفلك او طفلتك الصغيره كلور او فنيك او بطاش او مسحوق غسيل او حتي الخل اللى بنستخدمه فى البيت الطفل يشربه على إنه ماء ؟؟!!
ما الحل وايه الإسعافات اللى ممكن اعملها ؟؟
طبعا احب اقول لكل أم غلط جدا جدا انك تحاولى تخلى ابنك يرجع او تشربيه لبن
طيب إيه الصح ؟؟
الصح إنك تروحى بطفلك على اقرب مستشفى او مركز سموم وهناك هيتعمله اللازم
ولإن احنا دايما بنقول الوقاية خير من العلاج فلازم نعرف ازاي احمي اطفالى
خاصة ان كل بيوتنا لا تخلو من هذه الأشياء
أولا عدم وضع هذه المواد فى زجاجات المشروبات الغازية مثل وضع الكلور فى زجاجات السفن اب
او وضع الفنيك فى زجاجات الكولا او البيبسي فربما شربها الكبير ايضا عن طريق الخطأ .
ثانيا عدم وضع هذه المواد فى متناول ايدي الأطفال مثل وضعها تحت حوض المطبخ او فى الحمام.
مهم جدا فصل المواد المتشابهه كالسكر وملح الليمون والخل ومياه الشرب
وربنا يحفظ لكم أولادكم
دمتم بأمان الله

[إيمان عيد]

رد: لكل أم

وعليكم السلام ورحمة الله وبركاته
موضوع مهم جدًا، جزاكِ الله خيرًا
فعلًا الحذر والانتباه ضروري،
وضروري برضو يكون الأمهات عارفين عالأقل الإسعافات الأولية
علشان أي حاجة ممكن تحصل لاقدر الله
ربنا يحفظ الجميع
أحسن الله إليكِ

[مشروع ملتزمه]

رد: لكل أم

فعلا معلومه هاامة جدا

وأضيف عليها ان تعرف الام ابنائها على شكل هذة المواد وتحذرهم من أخطارها

جزاكم الله خيرا