سلام عليكم ورحمة الله وبركاته وصلاة وسلام على من لا نبي بعده أما بعد ...
انهارده هنتكلم كلام مهم اوي
عن حبيبك
وعن حبيب الله
عارفه يعني ايه حبيب الله؟
وهقولك برده ممكن جدا الشيطان حالا يصورلك ان الموضوع طويل وتقيل على قلبك ارجوكي متسمعيش كلامه واتحديه واوعي تقفلي رساله ربنا
ممكن كام سؤال فكري ف اجابتهم كويس بعقلك ومتتسرعيش ف الاجابة
1/ بتحبي رسول الله صلى الله عليه وسلم؟
اه بحبه طبعا يا نسمة والله
طب ايه الدليل؟؟ يعني مثلا بتصلي عليه كتير؟؟ بتتمني تشوفيه ف يوم من الايام؟؟ بتقري سيرته؟ بتحفظي وتفهمي الاحاديث اللي قالها؟؟
بتعملي حاجه من دول؟؟
ممممممم مش اوي يعني يا نسمة بس بحبه والله
2/طيب مين اغلى انسان عندك؟؟
مامتك // باباكي// ولادك/ جوزك.....
والّذِي نفسي بيدِهِ ، لا يُؤمِنُ أحدُكمْ حتى أكونَ أحَبَّ إليه من والِدِهِ ووَلَدِهِ
الراوي:أبو هريرة المحدث:الألباني المصدر:صحيح الجامع الجزء أو الصفحة:7084 حكم المحدث:صحيح
يعني ايه يا نسمة يعني لو رسول الله عليه الصلاة والسلام مكانش هو الاول ف حياتي ابقى كافرة؟؟
لا طبعا
كلمه لا يؤمن هنا مش معناها الكفر
بس معناها اكتمال الايمان
لو الرسول مش الاول ف حياتك يبقى ايمانك ناقص للاسف
طب يعني يا نسمة ازاي يكون هو الاول .. يعني بصراحه انا بحب نفسي اكتر ... وانا بحب ابني .....
لالالالا لااااااااااازم يكون هو الاول معلش
طب ازاي؟
الكلام ايلي هندردش فيه سوا باذن الله هتعرفي بعده ازاي
هقولك على سر يغير فكرتك 180 درجة عن سيدنا محمد ..هتنبهري من الاخر
للاسف بجد اني هقول كده بس دي حقيقه عند اغلب الناس
وهي ان سيدنا النبي اصبح مجرد شخصية تاريخيه في اذهان كتير مننا
وبمجرد ما تيجي سيرته اما انك متصليش عليه اساسا
اما انك تصلي عليه بس مجرد ترديد باللسان .. حاجه روتينيه ..
بس انتي معذورة!!
لانك متعترفيش او نسيتي يعني ايه رسول الله
يعني ايه لما تيجي سيرته تصلي عليه من قلبك
يعني ايه حتى لو سيرته مجتش تخصصيله من ذكرك طول اليوم وتصلي عليه
يعني ايه تبحثي عن معلومات عنه
يعني ايه توصلي لربنا عن طريق رسول الله
يعني ايه تحبيه!!
دا انتي لو عرفتي بيحبك اد ايه هتبكي من الفرحه ومن الندم
انا جايه افكرك وافكر نفسي بانسان غالي عليا وعليكي وعلى ربنا
افضل انسان عرفته البشريه على مر التاريخ
حاولت اجمعلك اسرار عن النبي عليه الصلاة والسلام
اسرار لما تفتكريها وتعرفيها بجد هتنبهري باذن الله بس افتحي قلبك وصلي عليه
هقولك على سر يغير فكرتك 180 درجة عن سيدنا محمد ..هتنبهري من الاخر
السر الاول
صفاته..
نفسك تسلمي على الرسول عليه الصلاة والسلام ؟
قال أنَس رضي الله عنه: “كان رسولُ اللهِ صلَّى اللهُ عليهِ وسلَّمَ أزهرَ اللونِ . كأنَّ عرقَه اللؤلؤُ . إذا مشى تكفَّأَ . ولا مسستُ ديباجةً ولا حريرةً ألينَ من كفِّ رسولِ اللهِ صلَّى اللهُ عليهِ وسلَّمَ .
الراوي:أنس بن مالك المحدث:مسلم المصدر:صحيح مسلم الجزء أو الصفحة:2330 حكم المحدث:صحيح
نفسك تشمي ريحته وتشتكيله من اللي تاعبك؟
يااااااااه
عَنْ أَنَسٍ ، قَالَ : " مَا شَمَمْتُ عَنْبَرًا قَطُّ وَلا مِسْكًا و لا شيئا أَطْيَبَ مِنْ رِيحِ النَّبِيِّ صَلَّى اللَّهُ عَلَيْهِ وسلم
الراوي : أنس بن مالك | المحدث : مسلم | المصدر : صحيح مسلم الصفحة أو الرقم: 2330 | خلاصة حكم المحدث : صحيح | انظر شرح الحديث رقم 11820
عارفين يا بنات
انا في سؤال كل شويا طول حياتي يخطر على بالي
عايزة اسألهولكم يمكن تعرفوا تجاوبوا
لو انتي كنتي عايشه ف زمن الرسول عليه الصلاة والسلام كانت حياتك هتكون احلى ولا دلوقتي؟؟
استني متتسرعيش ف الاجابه وفكري
زمن الرسول عليه الصلاة والسلام كان مليان تعب اكتر من دلوقتي بكتيييييييييير كفايه الحروب مع الكفار وكفاية اذى الكفار لكل واحد يسلم زي ما بنشوف ف الافلام الدينيه كده شوفتوا تعذيب الكفار للمسلمين عشان يرجعوا عن اسلامهم ومع ذلك كانوا بيثبتوا وكانوا بيموتوا من العذاب يعني الموت عندهم كان اهون من كلمه ولو بالكدب انهم مش مسلمين
لو انتي مكانهم كنتي هتعملي ايه
لو حد جه عذبك او قتل ولادك قصادك عشان تكفري والعياذ بالله هتثبتي ولا هتعملي ايه؟؟
تخيلي كده الموقف
هقولك على سر يغير فكرتك 180 درجة عن سيدنا محمد ..هتنبهري من الاخر
السر الثاني
هقولكم قصة كلنا عارفينها تقريبا
عام الحزن
تخيلوا معاياا الموقف بقى كده
الرسول عليه الصلاة والسلام كان بيحاول يهدي مكة للاسلام وينشر الاسلام وكده وكانوا اكتر اتنين بيساعدوه ومعتمد عليهم اوووووووي : عمه ابو طالب وزوجته السيده خديجة رضي الله عنهم
تخيلوا الاتنين يموتوا ف نفس السنه
فطبيعي ان الرسول عليه الصلاة والسلام يحزن اوي ويزعل ويحس ان الازمة زادت
لكن هو بعد وفاتهم زود طاقته اكتر عشان بقى لوحده
تخيلوا عمل ايه
مشي على قدمه من مكة للطائف حوالي 100 كيلو بحالهم عشان عايز يدعي اهل الطائف للاسلام
100 كيلو بياخدوا بالعربيه وقت حوالي ساعه ونص ع الاقل او ساعتين
تخيلوا بقى لو ماشية كده على رجلك 100 كيلو
لا وايه بقى
سن الرسول ف الوقت دا كان حوالي 50 سنه مخضوضة يعني كبير ف السن برده
وبعد ما وصل وكان تعبان جداااااااااااااااااااااااااااااااااااااااااااااااا ااااا طبعا
اتصدم من رد فعل الناس لان محدش استجابله واستقبلوه استقبال وحش اوووووي وبارد
وياريتها جت على كده
دول كمان اتجمعوا كلهم وكانوا بيحدفوا الرسول عليه الصلاة والسلام بالحجارة( الطوب)
لحد ما قدمه اتعورت جامد اوي وكان معاه زيد بن حارثه بيحاول يحميه
لحد ما في طوبة جت ف رأسه عليه الصلاة والسلام
وفجاة لقوا بستان فقالوا ندخل نستخبى فيه
وف عز كل التعب ايلي هو فيه تعب نفسي وجسدي كان مش راضي يدعي عليهم عشان كان بيتمنى ان يطلع منهم ومن ابنائهم واجيالهم ( احنا) انسان مؤمن وتقي ( زينا كده الحمد لله ابتسامة)
تخيلوا حرصه الفظيييييييع على الاسلام وعلى رضا ربنا؟
هقولك على سر يغير فكرتك 180 درجة عن سيدنا محمد ..هتنبهري من الاخر
السر الثالث
طب فاكرين غزوة احد؟
اكتر موقف اتأذى فيه الرسول حبيبك عليه الصلاة والسلام
اسنانه اتكسرت ف عز الغزوة فنزل دم كتير منه
وف اللحظه دي ييجي كافر يضربه على الخوذة كده بالسيف فمن قوة الضربه الخوذة سقطت اكتر على راسه
والخوذه كان فيها سنان كده حامية اوي عبارة عن حديد عامله زي السكينه
الحديد دا دخل جااامد ف وش حبيبك عليه الصلاة والسلام مخضوضة
وبقى الدم بينزل من كل وجهه
وكل الصحابة يحاولوا يخرجوا الحديد من وشه مش عارفين خالص
لحد ما خرج بمعجزة على ايد صحابي خرجهم بسنانه ومن قوتهم اتكسرت سنان الصحابي دا وقتها
وف عز الم الرسول عليه الصلاة والسلام والدم ايلي نازل منه يقوم ويرفع ايده للسما ويقول ايه؟؟؟؟؟؟
اللهم اهدي قومي فانهم لا يعلمون مخضوضةمخضوضة
ايه داااااااااااا
بيدعيلهم بدل ما يدعي عليهم؟؟؟
بصي اكتر انسان ربنا بيحبه حصله ايه ؟؟
تفتكري ليه حصل كده للرسول عليه الصلاة والسلام اشرف الخلق وأحب انسان الى الله ؟؟
عشان ربنا يعرفك ويفهمك ان الاسلام غالي اووووووووووووي
عشان تتكسفي من نفسك
بصي الرسول حبيبك حصله ايه ؟؟ وحضرتك بتعملي ايه؟؟
الحديد دخل ف وش الرسول عليه الصلاة والسلام عشان الاسلام وانتي لحد دلوقتي مش قادره تصلي الفجر؟؟؟!!!!!!!!!!!!!!!!!!!!
أحب انسان لربنا واغلى انسان لربنا ف الدنيا والاخرة يحصله ايه
اتوجعتي ربع وجعه حتى؟
سواء وجع جسدي ولا نفسي ؟
حسيتي بربع الوجع ايلي رسول حبيبك حس بيه؟
يابنتي فوئي دا عمل كل دا وحصله كل دا عشان انتي تكوني مسلمه
لازم تفهمي ان اسلامك دا غالي عليكي اووووووي انتي اخدتيه بالساهل متعبتيش زي ما الرسول عليه الصلاة والسلام تعب ومع ذلك لحد دلوقتي بتفوتي صلاة؟؟
هقولك على سر يغير فكرتك 180 درجة عن سيدنا محمد ..هتنبهري من الاخر
تخيلي نفسك دلوقتي قابلتي الرسول عليه الصلاة والسلام
تفتكري هيكون فرحان بيكي؟؟
السر الرابع
ايه ربنا قالها بحبها جداااااااا
وَمَا كَانَ اللَّهُ لِيُعَذِّبَهُمْ وَأَنتَ فِيهِمْ ۚ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ (33) (الأنفال)
يعني لو ربنا نظر لقلبك ولقاكي بتحبي النبي مستحيل يعذبك
حب النبي هيشفعلك عند ربنا
هقولك على سر يغير فكرتك 180 درجة عن سيدنا محمد ..هتنبهري من الاخر
السر الخامس
( قل إن كنتم تحبون الله فاتبعوني يحببكم الله ويغفر لكم ذنوبكم والله غفور رحيم ( 31 ) ال عمران
لو بتحبوا ربنا اتبعوا الرسول عشان ربنا يحيكم
حتى بصي ربنا بيقول للنبي ايه: في كتاب ابن القيم جلاء الافهام ص 441
وعزتي وجلالي لو أتوني من كل طريق أو استفتحوا من كل باب لما فتحت لهم حتى يدخلوا خلفك
بعيده عن ربنا ومش عارفه تقربي وكل شويا تقعي وتبعدي
اوصلي لربنا عن طريق النبي وشوفي هيحصل ايه صدقيني
هقولك على سر يغير فكرتك 180 درجة عن سيدنا محمد ..هتنبهري من الاخر
السر السادس
طب سيبك من الماضي مع انه مهم اوي
خلينا ف المستقبل ( يوم القيامه مخضوضة)
بصي الرسول هيعمل ايه بقى عشانك عشـــــــانك فاهمه
اول مشهد من مشاهد يوم القيامه بعد ما ربنا يحييكي بعد الموت
كل البشرية هتكون واقفة ف مكان واحد
متخيله كل البشرية يعني مش مصر بس ومش الدول العربية بس ومش المسلمين بس
كل العالم كل المخلوقات
هنكون واقفين سوا ان شاء الله يوم بس بيساوي من ايامنا دلوقتي 50 الف سنه مخضوضة
ركزي يا بنتي
انتي هتعيش اد ايه اصلا
انتي متخيله 50 الف يعني ايه
مش 50 الف يوم ... لأ ..... سنــــة
وياريتنا هنقف مثلا ف مكان حلو
لا دا مكان زي الصحرا كده والشمس هتكون مركزة فوق دماغنا والحر طبعا فظيييييييييع وظلام قااااااااااااااتم
ياللي بتشتكي من الحر دلوقتي اومال لما تقفي 50 الف سنه والشمس قريبة منك اوووووووووي ومفيش لا اكل ولا مياه يعني المفروض نموت من العطش ومع ذلك مش هنموت
50 الف سنه واقفين محدش سائل فينا مش عارفين رايحين فين ولا جايين منين مرعوبين من الانتظار مش عارفين داخلين جنه ولا العياذ بالله نار بنزق ف بعض عطشانين جدا جدا وجعانين والعرق مغرق كل واحد فينا حسب ذنوبه بقى
وف وسط كل دا نلف على كل الانبياء ونتحايل عليهم يشفعولنا عند ربنا عشان بس الحساب يبدأ
هنجري على سيدنا ادم اول واحد لكن هو يرفض
وبعدها نجري على سيدنا ابراهيم ويرفض وبعدها سيدنا نوح وموسى وعيسى وكلهم يقولوا نفسي نفسي
وف الاخر خالص نجري على سيدنا محمد عليه الصلاة والسلام وحبيبك يقولك انا لها انا لها
ودا نص الحديث
اقريه عشان بجد هيلمس قلبك جدا
: ((يأتون النبي صلى الله عليه وسلم : فيقولون : يا نبي الله , أنت الذي فتح الله بك , وختم بك , وغفر لك ما تقدم من ذنبك وما تأخر , قم فاشفع لنا إلى ربك فيقول : نعم , أنا صاحبكم فيخرج يحوش النار , حتى ينتهي إلى باب الجنة , فيأخذ بحلقة في الباب من ذهب , فيقرع الباب , فيقال : من هذا ؟ فيقال : محمدا قال : فيفتح له , قال : فيجيء حتى يقوم بين يدي الله , فيستأذن في السجود , فيؤذن له , قال : فيفتح الله له من الثناء والتحميد , والتمجيد ما لم يفتحه لأحد من الخلائق , فينادى يا محمدا ! ارفع رأسك وسل , تعطه , ادع يجب , قال : فيرفع رأسه , فيقول : رب أمتي أمتي , ثم يستأذن في السجود فيؤذن له , فيفتح له من الثناء والتحميد والتمجيد , ما لم يفتح لأحد من الخلائق فينادى يا محمد ارفع رأسك , سل تعطه , واشفع تشفع , وادع تجب , قال : يفعل ذلك مرتين أو ثلاثا , فيشفع لمن كان في قلبه حبة من حنطة , أو مثقال شعيرة , أو مثقال حبة من خردل من إيمان قال سلمان : فذلك المقام المحمود)).
الراوي : سلمان الفارسي | المحدث : ابن خزيمة | المصدر : التوحيد
الصفحة أو الرقم: 707/2 | خلاصة حكم المحدث : [أشار في المقدمة أنه صح وثبت بالإسناد الثابت الصحيح
ياحبيبي يارسول الله
ومش بس هيشفعلنا عشان يبدأ الحساب
لا دا كمان هيشفعلك لو كانت حسناتك اد سيئاتك هيشفعلك عشان تدخلي الجنه وهتدخلي
وهيشفع لكل ايلي هيدخلوا النار من المسلمين هيشفعلهم عشان ربنا يخرجهم من النار ويدخلوا الجنه
يعني حبيبك مش هيهدا غير لما يلاقي كل امته دخلوا الجنه
شوفتي هو بيحبك اد ايه؟
هقولك على سر يغير فكرتك 180 درجة عن سيدنا محمد ..هتنبهري من الاخر
السر السابع
تصدقي انك غاليه جدااااااااا على الرسول عليه الصلاة والسلام؟
بصي الحديث دا
كان ف مرة الرسول عليه الصلاة والسلام قاعد مع الصحابة بيسالهم مين اكتر ناس مؤمنه وايمانها عظيم جدا عند ربنا؟
الحديث اهو
عن جد عمرو بن شعيب أن رسول الله صلى الله عليه وسلم
قال يوما لأصحابه :أي المؤمنين أعجب إليكم إيمانا ؟
قالوا : الملائكة .
قال : وكيف لا يؤمنون وهم عند ربهم ؟ !
وذكروا الأنبياء ,
قال : وكيف لا يؤمنون والوحي ينزل عليهم ؟
قالوا : فنحن .
قال : وكيف لا تؤمنون وأنا بين أظهركم ؟ ! .
قالوا : فأي الناس أعجب إيمانا ؟
قال :" قوم يجيؤون من بعدكم يجدون صحفا يؤمنون بما فيها "
الراوي:جد عمرو بن شعيب المحدث:الألباني المصدر:تخريج مشكاة المصابيح الجزء أو الصفحة:6243 حكم المحدث:إسناده ضعيف [ ثم تراجع الشيخ وأورده في " السلسلة الصحيحة " رقم : 3215 ]
احنا يا بنات
الكلام علينا احنا
عشان كده المؤمن ف زمن كله فتنه ايلي هو الزمن بتاعنا ايمانه كده قوي جداااااااااااا عند ربنا والرسول عليه الصلاة والسلام بيفخر بيكي ابتسامة
طب تصدقي بقى دي كمان
تصدقي ان الرسول عليه الصلاة والسلام ف اواخر ايامه كان مشتااااااق ليكي !! ومن كتر مانتي وحشاه بكي مخضوضة
بكى الرسول صلى الله عليه وسلم
فقالوا :ما يبكيك يا رسول الله ؟
قال: اشتقت لإخواني
قالوا: اولسنا إخوانك يا رسول الله
قال: لا انتم أصحابي اما إخواني
فقوم يأتون من بعدي يؤمنون بي ولا يروني.
السيرة النبوية لابن هشام
تخيلي فرحته وهو ماسكك يوم القيامه من ايدك وبيقول لسيدنا ابي بكر والسيده عائشة ولكل الصحابى : البنت دي عملت كذا وكذا وانا فخور بيها عشان طاعتني ف وقت كانت كل الناس بعيده فيه
هقولك على سر يغير فكرتك 180 درجة عن سيدنا محمد ..هتنبهري من الاخر
السر الثامن
خطبة الوداع يابنات معقول في حد مقرهاش قبل كده؟؟
عييييييييييييييب والله العظيم عيب
اقريها وحسيها
اخر كلام حبيبك المصطفى عليه الصلاة والسلام قالوا ف حياته
وصيته ليكي وليا ولكل المسلمين ايه ؟
اهي الخطبة بالنص بس ركزوا ف الكلام ايلي بالاحمر:
فقال النبي : ( أيها الناس، كأنكم تخافون علي )
فقالوا : نعم يارسول الله . فقال :
( أيها الناس، موعدكم معي ليس الدنيا، موعدكم معي عند الحوض.. والله لكأني أنظر اليه من مقامي هذا. أيها الناس، والله ما الفقر أخشى عليكم ، ولكني أخشي عليكم الدنيا أن تنافسوها كما تنافسها الذين من قبلكم ، فتهلككم كماأهلكتهم ) .
ثم قال ( أيها الناس ، الله الله في الصلاه ، الله الله في الصلاه )
(بمعنى أستحلفكم بالله العظيم أن تحافظوا على الصلاه) ، وظل يرددها ، ثم قال :
( أيها الناس، اتقوا الله في النساء، اتقوا الله في النساء، اوصيكم بالنساء خيرا )
( شايفه بيحبك ازاي وليكي مكانه خاصه عنده حتى وهو تعبان فاكرك)
ثم قال ( أيها الناس إن عبدا خيره الله بين الدنيا و بين ما عند الله، فاختار ما عند الله ) فلم يفهم أحد قصده من هذه الجمله ، وكان يقصد نفسه ،سيدنا أبو بكر هوالوحيد الذي فهم هذه الجمله ، فانفجر بالبكاء وعليّ نحيبه ، ووقف وقاطع النبي وقال : فديناك بآبائنا ، فديناك بأمهاتنا ، فديناء بأولادنا ،
فدينك أزواجنا فديناك بأموالنا ، وظل رددها..
فنظر الناس إلى أبو بكر كيف يقاطع النبي .. فأخذ النبي يدافع عن أبو بكر قائلا أيها الناس ، دعوا أبوبكر ، فما منكم من أحد كان له عندنا
من فضل إلا كافأناه به ، إلا أبوبكر لم أستطع مكافأته ،فتركت مكافأته إلى الله عزوجل ، كل الأبواب إلي المسجد تسد إلا باب أبوبكر لا يسد أبدا وأخيرا قبل نزوله من المنبر ...بدأ الرسول بالدعاء للمسلمين قبل الوفاة كأخر دعوات لهم فقال : (أواكم الله حفظكم الله ، نصركم الله ، ثبتكم الله، أيدكم الله)آخر
كلمه قالها ، آخر كلمه موجهه للأمه من على منبره قبل نزوله ، قال :
( أيها الناس ، أقرأوا مني السلام كل من تبعني من أمتي إلي يوم القيام ) . .
عليك افضل الصلاة والسلام يا رسول الله
معقول في حد فينا دلوقتي مش بيتمنى يشوف النبي عليه الصلاة والسلام ف المنام؟؟
يااااااااااااااااااه انا كل ما ادعي الدعوة دي عيني تدمع من كتر مانا ملهوفه اشوفه عليه الصلاة والسلام
معقول منفسكيش كده تقابليه وتقوليله انا تعبت اوي من الدنيا دي وايلي فيها بس اكيد متعبتش اكتر منك ودا ايلي مصبرني وماشية في طريقك لانك قدوتي لحد ما اقابلك وارتاح
هقولك على سر يغير فكرتك 180 درجة عن سيدنا محمد ..هتنبهري من الاخر
السر التاسع
كثرة الصلاة على النبي
بجد عباده رهيييييييبة بتعمل رابطه غريبة بينك وبين النبي عليه الصلاة والسلام
وبينك وبين ربنا سبحانه وتعالى
طب ما تصلي على حبيبك يا بخيله .. عليه افضل الصلاة والسلام
مش قادره تقولي طول مانتي قاعده اللهم صل ولسم وبارك على سيدنا محمد وعلى اله وصحبه وسلم
قوليها باي صيغه بس قوليها وشوفي ثوابها ايه وركزي اوي واتحدي الكسل بقى يا شيخه حرام عليكي
بصي الحديث دا
حياتي خيرٌ لكم وموتي خيرٌ لكم تُعرَضُ عليَّ أعمالُكم فما كان من حسَنٍ حمَدتُ اللهَ عليه وما كان من سيِّءٍ استغفرتُ اللهَ لكم
الراوي:عبدالله بن مسعود المحدث:السيوطي المصدر:الخصائص الكبرى الجزء أو الصفحة:2/281 حكم المحدث:إسناده صحيح
اعمالك بيشوفها النبي
يعني عارفك ويعرف اسمك
ياترا اعمالك بتعجبه ولا بتوجع قلبه؟؟
2/انتي متخيله من كتر غلاوة الرسول عليه الصلاة والسلام عند ربنا وعد انك لو صليتي على الرسول مرة هيرد عليكي ربنا المـــــلك 10 مرات
وصلاة الله رحمة ليكي وتعلي شانك وتنجيكي من المصائب ويرفع عنك البلاء ويسلمك من كل سوء
كل دا بمجرد كلمه تقوليها بس كلمة غاليه جدا عند ربنا
قال رسول الله صلى الله عليه وسلم :
(( من صلى علي واحدة صلى الله عليه عشرا )) (لفظ مسلم)
3/قال رسول الله " من صلى علي مرة كتب الله له عشر
حسنات ومحا عنه عشر سيئات ورفع له عشر درجات "
4/ وقال صلى الله عليه وآله وسلم:-
"من صلى على حين يصبح عشرا وحين يمسى عشرا أدركته شفاعتى يوم القيامة"
5/ وقال صلى الله عليه وآله وسلم:-
"إن أولى الناس بى يوم القيامة أكثرهم على صلاة"
يابناااااات
لو قدرتي تخصصي كل ذكرك طول اليوم صلاة على النبي ياريت تعملي كده
دا اعظم باب تدخلي لربنا عن طريقه
انا خلصت والله تعبت اووووووووي اقسم بالله وكل ايلي بتمناه من ربنا انكم تستوعبوا الكلام ارجوكم
الا رسول الله
عليه الصلاة والسلام
لازم نخصص على الاقل وقت من يومنا عشان نصلي عليه
محدش يقول بنسى
محدش يقول بكسل
والله حرام عليكي
انتي دلوقتي عرفتي قيمه الصلاة ع الرسول عليه الصلاة والسلام يعني ملكيش حجه يوم ما تقابليه ويسالك يافلانه كان ايه شاغلك عني شوفي بقى هتردي تقولي ايه وقتها
اللهم بلغت اللهم فاشهد
اللهم صل على سيدنا محمد وعلى ال سيدنا محمد كما صليت على سيدنا ابراهيم وعلى ال سيدنا ابراهيم انك حميد مجيد وبارك على سيدنا محمد وعلى ال سيدنا محمد كما باركت على سيدنا ابراهيم ولا على ال سيدنا ابراهيم انك حميد مجيد
ياااااااااارب اجمعنا برسولك حبيبك عليه الصلاة والسلام كما ءامنا به ولم نره ولا تحرمنا صحبته يوم القيامه
قولوا امين
...........................
تقيم لتعم الفائدة بارك الله فيكم
![Rose](https://forums.way2allah.com/core//images/smilies/MSN/rose.gif)
تعليق