[حصري] اذاي خشوعك يزيد في الصلاه ^_^

[امة الله تقوى]

اذاي خشوعك يزيد في الصلاه ^_^)

اولا كدة احنا نتفق على حاجة هنعمل خطوات جديدة علشان نحس بالخشوع اكتر
1- قبل الصلاة والاذان كمان هنعمل ايه هنقضى 5 دقايق فى الاستغفار فى التسبيح اى حاجة تخلينا نستشعر بالدين شوية تمام
2- اما الاذان يأذن رددة بقلبك ولو كنت بتعمل اى حاجة اقفلها دول ربع ساعة هتسعتد فيهم لربنا يعنى وهتفوز بالجنة بيهم ان شاء الله مستخسرهم
هتردد الاذان بقبك ازاى
اولا بيقول الله اكبر يعنى ربنا الى اكبر من كل شئ بينده عليك فأنت لبى النداء اسشعر كلام ان الله اكبر هتحس ان الدنيا صغيرة
اشهد ان لا اله الا الله يعنى انا متأكد ان فعلا مفيش اله غير ربنا
كل اما تردد قول المعنى من كل كلمة هتحس انك مقبل على الصلاة
3- طيب خلصنا الاذان نتوضأ بقى ونطرد الشيطان
4- بعدين بقى تشوف مكان فى البيت حلو كدة او روح المسجد
لو فى البيت اختار مكان هادئ مفيهوش اى دوشة وياريت تكون لوحدك ومحدش معاك علشان تعرف تركز فى الصلاة ولو فى المسجد يبقى تمام بيبقى الجو هدوء نسبيا
5- هنبدا نصلى اولا وانت بتقول الله اكبر قول فعلا الدنيا متسواش دة ربنا اكبر من كل شئ وعاوزنى شوية اتكلم معاه بلاش
6- طيب تمام اول حاجة هنقول دعاء الاستفتاح فى الصلاة تمام وبعدين هنبدا فى سورة الفاتحة طبعا كلنا من كتر ماقلناها هنقولها بسرعة
طب انتوا تعرفوا دى وقد ثبت عن رسول الله - صلى الله عليه وسلم - أنه قال : ((يقول الله - عز وجل - : قسمت الصلاة بيني وبين عبدي نصفين ، فإذا قال العبد : الحمد لله رب العالمين ، قال الله - سبحانه - : حمدني عبدي ، وإذا قال العبد : الرحمن الرحيم ، قال الله - جل وعلا - : أثنى عليَّ عبدي ، وإذا قال العبد : مالك يوم الدين ، قال الله - سبحانه -: مجَّدني عبدي ؛ - لأن التمجيد هو : تكرار الثناء والتوسع في الثناء – فإذا قال العبد: إياك نعبد وإياك نستعين ، يقول الله - عز وجل - : هذا بيني وبين عبدي ولعبدي ما سأل))
يعنى ربنا بيرد عليك فى كل ايه بتقولها وانت بتقرأ بسرعة ازاى بقى
دة ولله المثل الاعلى طبعا انت لو بتقرأ كتاب لحد صحبك بتقول براحة وبتفهمة كل حاجة ولو سألك فى حاجة بتستنى على اما يخلص كلامه
طب دة ربنا مش قادر تأخر فى القرآة شوية
7- بعد الفاتحة بنقرأ سورة كمان طيب فيها ايه لو حفظنا كل يوم 3 او 4 ايات من سورة جديدة ونقرأها كل يوم لانها بتخليك تركز
لانك اتعودت على السور الى بتقرأها وحفظت معناها فمحتاج تجدد
8- تمام هتيجى تركع ياة بتقول سبحان ربى العظيم
يعنى انت بتقولة يارب انت عظيم ومحدش زيك يارب انك اعظم منهم جميعا
رفعت وبتحمد ربنا فبتقول ربنا ولك الحمد حمدا كثيرا طيبا مباركا ملئ السموات والارض وملئ مابينها
يعنى يارب انا بحمدك على كل شئ
خلى قلبك يردد المعنى علشان متنساش انك قدام ربنا وتخشع اكتر
9- كذلك السجود هتقولى سبحان ربى الاعلى يارب انت اعل منهم كلهم
بس هنا بقى انت فى اقرب مايكون العبد لربه احكى مع ربنا اشكيلة لو حزين واقولة يارب اجعل فرحتى دايما لو فرحان
خلى ربنا اول حاجة واول حد يجى على بالك تحكيلة الحاجاة الى بتحصل ليك
وخلاص اتشهدت وخلصت الصلاة جربت مرة كدة وحسيت بشوية تغيررر او محستش
طيب جربت قبل ماتصلى تقول دى ممكن تكون اخر صلاة ليا فى حياتى وممكن دى الى تدخلنى الجنة او تدخلنى النار
طيب جربت لو جالك الشيطان وانت بتصلى هتعمل فيه ايه
انت هتتفل عن شمالك 3 مرات تتفيلة صغيرة وتقول اللهم انى اعوذ بك من الشيطان الرجيم 3 مرات
واى استفسار انا موجودة اهووة او ابعتوا وانا لما افتح هارد لانى لا اجلس كثيرا :) :)
#جزيتم_الجنة
#يارب_اكون_افدت#منقول

[طالبة للعزة]

رد: اذاي خشوعك يزيد في الصلاه ^_^

جزاكِ الله خيرا