Tweet
خطة رمضان
خطة رمضان
*-*-*-*
ان شاء الله نطبقها كلنا ونشجع بعض عليها
دي خطه رمضان السنة دي
حاجات بسيطه اووى ممكن تخلى رمضانك مختلف يعنى
مثــــــلا:
تابع برامج دينيه للداعيه اللى بتحبه
روق اوضتك وامسحها وغير نظامها شويه
اعمل فيها ركن صغير كده مهما كانت ضيقه هتعرف تعمله
اشترى سبحه جديده ومصحف جديد ومصليه جديده عادى
حط الحاجات اللى اشتريتها دى فى الركن اللى عملته
كلم ربنا من الحته الصغيره دى ادعيه من المكان ده اعبده واتقرب منه من المكان ده هيشهدلك يوم القيامه .
انزل اى مكتبه واشترى note جديده وقلم واكتب فيها اللى عملته اول يوم رمضان واللى عملته تانى يوم رمضان
وهكذا وشوف نفسك بتطلع لقدام ولا بترجع لورا وبتقل فى الطاعات
جهز 30 جنيه وطلع كل عشر ايام فى رمضان 10 جنيه صدقه يعنى كل يوم جنيه تقريبا
مش مبلغ خالص
عدد ((( نوايا ))) اى عمل بتعمله فى رمضان عشان ثوابك يضاعف
بلااااش تليفزيون لان هما 30 يوم مش مستحملين دقيقه تضيع منهم
كل نص ساعه تقعدها ع الفيس تقعد
قصادها ساعه تقرأ فى الورد بتاعك وتسبح ربنا
اعمل حجه وعمره كل اسبوع مره !
ايوه اختارلك يوم واحد فى الاسبوع صلى الفجر واقعد اذكر ربنا وسبحه واقرأ ما تيسر لحد شروق الشمس
تاخد اجر حجه وعمره تامه تامه تامه
اختار اى سوره من القرأن واحفظها
وخد ثواب الحفظ مضااااعف
رمضان 30 يوم اختار 3 من صحابك واتبناهم فى دعائك يعنى ادعى لفلان وفلان وفلان كل يوم لمده 30 يوم واتفق معاهم هما كمان يدعولك وشوفوا النتيجه اخر رمضان وكفايه ان الملايكه هيقولولك ولك بمثله
استغفر كتير اوووى فى رمضان لنفسك
ولاهلك ولناس كتير بتحبها وعدد نوايا الاستغفار ان ربنا يوسع رزقك فى المال والزوجه الصالحه والذريه الصالحه وهكذا
المصحف الشريف عارفه طبعا هاتلك 5
ووزعهم على 5 من صحابك وثواب قرأتهم طول رمضان يتحط فى ميزان حسناتك انت كمان صدقه جاريه ..
خليك فاكر ان الشيطاطين اتسلسلت ,,
خلاص يعنى اللى باقيه معاك وبتوسوسلك دى هى نفسك الاماره بالسوء
فعلمها الادب فى رمضان واثبتلها, ان انت اللى ممشيها مش هى اللى ممشياك
تعليق