بخصوص النقاب ..انصحوني اخواتي ف الله في مشكلتي دي

[zhrt_alislam]

السلام عليكم ورحمة الله وبركاته

اخواتي في الله - أخوات موقع الطريق الى الله

احبكن في الله
وعايزاكوا تعتبروني اخت ليكم في الله
انا ماليش اخوات هنا ف بلدي - كان ليا ف القاهرة - ربنا ييسر لهم الحال
المهم
ربنا حبب ليا النقاب بشكل مكنتش اتصورة
وجيت فاتحت بابا ف الموضوع رفض جدااااا
وانا بطبيعتي شخصيتي ضعيفة جدا جداااا خصوصا مع بابا وخجولة معاه
وانا اصلا طبيعتي خجولة الى حد ما خصوصا مع الناس اللي سنهم كبير
المهم انا طبعا زعلت جداااا
وقولتله اكتر من مرة وقال حيسأل شيوخ وعلماء - بس انا حساه انه مش مقتنع ابدا
مع اني سمعته كلام الشيخ حسان عن النقاب ف شريط حجاب المرأة المسلمة
فى اخر مرة قولتله قال مضغطش عليه -حكون وانا و مشكلة اخويا - ( انه اتخرج وقاعد ف البيت قدام النت والتليفزيون وبس ومش بيخرج خااالص بقالة يجي سنتين كدا )
المهم محبتش اضغط عليه اكتر من كدا لان بابا طبعه عصبي وبيتأثر
وانا طبيعتي حساسة جدااااا وبتأثر جدااا
لان بصراحة مشكلة اخويا هي نقطة الضعف عندي مش بحب اضغط على ماما وبابا بسببة
لانهم حزنانين جدا عشانه
وكنت قلت لماما برضه فكرتني بمشكلة اخويا
المهم انا دلوقتي بشتغل للاسف ف مكان بيدخل عليا فيه رجال ( مكتبة)
ولما حد راجل يبصلى بحس باشمئزاز فظيع
فاضطريت احط على وشي منديل لما راجل يخش وكمان ف الشارع
فهل كدا اكون ملفته؟؟
وانصحوني أخواتي اعمل ايه؟

[رحيق العفة]

رد: بخصوص النقاب ..انصحوني اخواتي ف الله في مشكلتي دي

السلام عليكم ورحمة الله وبركاته

اهلا بكِ معنا وسط أخواتك

واسأل الله العظيم ان يثبتك ويشرح صدر والدك ليساعدك على لبس النقاب

اولا اود ان اقول لكي إذا اخلصنا النية لله عز وجل ستحل كل مشاكلنا و ييسر لنا أمورنا

وادعي ربنا دائما ان ييسر لكِ حالك وكلمي والدك مرة واثنان وثلاثة ولا تملي ولا تتعبي واعلمي ان هذا اختبار

من الله فهل انتِ صادقة فعلا ام لا ؟

الموضوع محتاج مجاهده وصبر و مثابرة ......

وإن شاء الله قريبا ستبشرينا بإرتدائك للنقاب ونعمل لكي أكبر احتفال وربنا يجعل كل خطوة في ميزان حسناتك

[لؤلؤ ومرجان]

رد: بخصوص النقاب ..انصحوني اخواتي ف الله في مشكلتي دي

اختي الحبيبة اهلا بك بين اخواتك

اؤكد عليكي حبيبتي كلام سلمى فاياك ان تملي من الكلام مع والدك ووالدتك وحاولي معهم بشتى الطرق واعلمي انه على قدر اهل العزم تاتي المعازم فكوني اختي قوية العزيمة واري الله صدقك في طلبك للبس النقاب حتى ييسره لك وطريقة المنديل دي كويسة وفي طريقة اخرى حاولي بقدر الامكان انزال ايشارب الخمار ليغطي جزء كبير من وجهك وضعي لثام على منطقة الذقن وعندما يرى والديك ذلك سيعلمون انك صادقة وليس شيئ انت شبطانه فيه وخلاص وادعو الله لك بالثبات والتوفيق

[فاطمة ام عمر]

رد: بخصوص النقاب ..انصحوني اخواتي ف الله في مشكلتي دي

حاولي بقدر الامكان انزال ايشارب الخمار ليغطي جزء كبير من وجهك وضعي لثام على منطقة الذقن
كيف هذا اريد توضيح انا البس ملحفة وطرحة عليها كيف لى ان افعل ذلك

[بحبك يااارب]

رد: بخصوص النقاب ..انصحوني اخواتي ف الله في مشكلتي دي

اختى انا ايضا اعانى كثييييييييرا من نفس الموضوع

لكن انصح نفسى و اياكى بالصبر و الدعاااااااااااااااااااااااااااااااااء

اصبرى لعل الله يحدث بعد ذلك امرا بسسسسسس اهم حاجه اصدقى النيه لله و هاتى نقاب و خليه عندك عشان ف اى وقت يوافقوا تلبسيه على طول ان شاء الله

بصى يا اختى احسبها مشكله عندنا احنا بمعنى !! ان ربنا بحانه و تعالى بيده قلوب البشر يقلبها كيف يشاء و اذا اراد امرا يقول له كن فيكون احسب ان المشكله اللى احنا فيها دى مننا احنا ربنا سبحانه و تعالى يبلتيكى بالحزن هذا ليطهركى و يهذبكى لا ليعذبكى عشان كل ما هتضايقى اكتر هتقربى منه اكتر هينطلق لسانك بالدعاء اكتر و ربنا سبحانه و تعالى يريد سماع كلمه يارب من عبده و كل ما اشتد الامر تلجأى اليه و تشعرى فعلا ان محدش بيحبك غيره و ملكييييييييييش غيره

من غير ما اطول عليكى حاولى تتقربى الى الله بالطاعات الاخرى مثلا حفظ القرآن و العلم الشرعى و اكثرى من العبادات على قد ما تقدرى ما الالتزام بالدعااااااء
وان شاء الله تبشرينا قريييييييييييييييييبا