لو سمحت.....بلاش

[يمامة المسجد]

لو سمحت..بلاش النظره دى ...دى حرام .

ياعم بلاش اوى كده....دا ذنب صغير !!!

بعد إذن حضرتك...بلاش تحطى مسكره..دى حرام.

ياستى بلاش تضييق كده...دا ذنب صغير !!!

ياباشا ...سجاير ايه بس اللى بتشربها..صحتك هتبوظ...وكمان حرام.

ياعم الحاج طنش وعيش...صحة ايه فى السقعه دى...وبعدين..دا ذنب صغير !!!

ذنب صغير .. .ذنب صغير .. .ذنب صغير...

بأه دى كلها ذنوب صغيره !!! وإزاى حددناها انها صغيره !!!

طيب ناخدها واحده واحده...عشان فعلا لو ذنب صغير...نطنش ونعيش على رأي اخونا المُدخن..

تخيل وانت طالب فى المدرسه لسه..

وقاعد فى الفصل...وهاتك ياطبل ورقص وغُنى....

ومره واحده ...اتفتح باب الفصل...بحركه فجائيه...

كله قلبه وقف..

والجميع اتجه بعينه للباب...

فلاقيت العامل..

هههههههههههههههههههه

مش ضحكتى دى...لا دى ضحكة الطلاب...وهيكملوا الفرح اللى عملينه..

طيب لو طلع اللى فتح الباب موظف فى المدرسه !!!

يعنى هيبقى فى شوية خوف فممكن يبطلوا عشانه..

طيب لو طلع مدرس !!!

لا دا كده ممكن يكون فى عقاب....وهتبقى فى مشكله..

طيب لو وكيل المدرسه !!!!

المشكله أكبر..وممكن فيها نزول للمشرف الاجتماعى...

طب لو مدير المدرسه !!!

المشكله أكبر وأكبر..

طب لو وزير التعليم !!!

مشكله كبيره جدااااا

طيب لو ؟؟؟؟؟؟

المشكله اختلفت باختلاف الشخص اللى عملنا المشكله معاه..

فهى مشكله صغيره ...لصغر عظمة العامل..
ومشكله كبيره جدا...لكبر عظمة الوزير

ولله المثل الأعلى..

انت بتعصى مين ؟؟؟ عامل فى مدرسه ؟؟؟مدير مدرسه؟؟؟بتعصى رئيس الجمهوريه حتى؟؟؟؟

انت بتعصى الله....بتعصى ربك ورب العامل ورب المدير...ورب كل عظيم...

انت بتعصى صاحب الملكوت...العظيـــــــــــــــــــــــــــــــــــ ـــــــــــــــم...

ينفع يكون فى ذنب صغير وانت بتعصى العظيم !!!!

بل كلها معاصى كبيره تستحق المراقبه والمواظبه على البعد عنها...والتطهر منها إن وقعت..

أخى...انما الجبال بُنيت من الحصى...وما صنع النار إلا صغار الشرر...

فلا تعصى...وتستهين بالمعصيه...حتى لا تاتى فتجد جبالا منها يوم القيامه...تكون سبب لهلكتك..

ودائما وأبدا لا تتذكر صغر المعصيه...ولكن تذكر عظمة من تعصيه..

اللهم استرنا فوق الأرض وتحت الأرض ويوم العرض عليك

[mero]

موضوع رااااااااااااااااااااااااااااااااااائع يا يمامة انا برشحه

[حفيدة عائشة]

ما شاء الله راااااااااااااااااااااااااااااائع جدا ربنا يكرمك ويعزك يا يمامة
وأنا كمان برشحه
وممكن انقله لمنتدى تانى بعد إذنك

[رحمته أرجى لى]

موضوع رائع
جزاكى الله خيرا

[يمامة المسجد]

جزانا وإياكم
طبعا ً ممكن تنقلية
طيب ماشي

[e_z]

اه من الذنوب الصغيرة الفرد لا يتذكر التوبة منها وان تاب كانت توبة باهتة وهى كما فى حديث النبى صلى اللة علية وسلم ان المؤمن يرى ذنوبة كانة فى اصل جبل يخاف ان يقع علية وان الفاجر يرى ذنوبةكذباب وقع على انفة قال بة هكذا فطار (اخرجة الترمذى وصححة الابانى)ويقول الشيخ حسين يعقوب ان العلاج الوحيد للاستهانة بالذنوب هو تعلم العقيدة الصحيحةو التوحيد

[يمامة المسجد]

جزاكم الله خيرااااااااااااااااااااا ً