Tweet
كبسولات ... حبوب ..... حقن .... كله عندنا قرب قرب
كبسولات ... حبوب... حقن وريد ... حقن عضل
كله عندنا قرب قرب هنا
قرب يا باشا
قربي يا هانم
قرب يا بيه اللى انت عاوزه هتلاقيه
بس انت بس قولى عليه
ايوة يا بيه عاوز اية
كبسولات سعادة
حقن وريد الصدق
حقن عضل الغنى
طيب حبوب السعاده الزوجية
او حتى محاليل الحياه من غير هموم
قولى بس عاوز ايه وانا بمهارة ادلك عليه
--------------------------------------------------------------------------------
اكيد كل واحدة فينا نفسها في بياع السعادة
صح ولا ايه
طيب مسالتيش نفسك ايه هى السعادة الحقيقة والابدية ........؟
هتقولى هو في سعادة ابدية
هقولك... اه ,, بس انتِ مسكينة لسة معرفتيهاش
عارفه ليه ,,, عشان دورتى في الطريق الغلط
افتكرتى ان السعادة يعنى
خروج مع الشلة و البارتى
والشباب والحركات والصور السيلفي
ويعدى اليوم من غير تفكير عدى ازاى
المهم انه خلص
وكل يوم زى اللى قبله
ولما تزهقوا تسافروا مصيف ولا معسكر سفاري
واهى الحياه تبقي قشطة تمام
مش صح ولا ايه!!
طيب مكن اسالك سؤال ...؟
== اوك بس ميبقاش سؤال فاكس وحمضان
هو انت سعيدة بجد؟؟؟؟
يعنى حاسة انك طايرة فووووق في السما من الفرحة
ولا السعادة معاكى مسألة وقت وخلاص
ماهو أكيد كل الحاجات اللى بتعمليها دى
عشان انتى مش سعيدة وحاسة ان مكانك مش في كل دول
يعنى من الاخر بتضحكى على نفسك صح ....!
==هاه هه ××
طيب ايه رايك أدلك على طريق السعادة بجد ...؟
==ااااه هتقوليلى قي الحجاب والصلاة و و و و و
لالالا مش هقولك عليهم انتى اللى هتعمليهم لوحدك لما تعرفي الطريق
==انا ازاى يعنى
السعادة يا اختى اللى بجد انك تبقي عايشة مع حبيبك وليه وبيه
== حبيبى ... حبيبى مين ؟؟؟
حبيبك ربنا طبعا يا اختى هو فيه غيره
انتى لو عرفتيه بجد هتعرفي معنى السعادة الابدية
==طيب ما انا عارفاه
لاء انتى عارفه معرفه سطحية اوى
انما عمرك عرفتى اسماء الله عز وجل ((مش اللى بتتغنى في اول كل فرح عياذا بالله ))
عمرك عرفتى صفاته سبحانه وتعالى وقراتى عنهم
عمرك حسيتى بمعنى كل اسم وعشتي حياتك بيه
ماهو محدش بيحب حد من غير مايكون عارفه كويس!!!
وبصدق لو عرفتيه بجد هتحبيه اوووى ى ى
ايه رايك بقي ياغالية نبدأ مع بعض سلسه شرح اسماء الله عز وجل
ونعيش بكل اسم حياتنا وازاى نتعبد لله عز وجل بيها و
كمان نعيش المعانى الايمانية في كل اسم
انتظروووووونى مع اول اسم بإذن الله تعالى ....
ايه رايك بقي ياغالية نبدأ مع بعض سلسه شرح اسماء الله عز وجل
ونعيش بكل اسم حياتنا وازاى نتعبد لله عز وجل بيها و
كمان نعيش المعانى الايمانية في كل اسم
انتظروووووونى مع اول اسم بإذن الله تعالى ....
تعليق