تعالوا نمشى لربنا خطوة

[المفتقره الى الله]

بسم الله الرحمن الرحيم

السلام عليكم و رحمة الله و بركاته

كتير مننا يا جماعة بيكون نفسه يصلح من نفسه بس مش عارف
و مستنى الحل ينزل من السماء عشان يتصلح
مستنى إنه ييجي اليوم .. اللي يصحى فيه من النوم
يلاقي نفسه بقى بني آدم تاني خالص
فجأة كده
يلاقي نفسه بقى بيكره المعاصي و عمره مابيفكر فيها
و بقى مجتهد في العبادة و الدعوة إلى الله و طلب العلم ... إلخ

و لحد ما تحصل المعجزة دي
هو مستنى .. و مش عاوز ياخد خطوة
و كل ماتيجي قدامه حاجة يعملها .. يستهيفها
يقول في نفسه .. يعني دي هي اللي هتصلحني يعني
أنا لازم أعمل حاجةكبيرة جدااا

ربنا بيقول في الحديث القدسي
( إذا تقرب العبد إلي شبرا تقربت إليه ذراعا ، وإذا تقرب إلي ذراعا تقربت منه باعا ، وإذا أتاني مشيا أتيته هرولة ) رواه البخاري

خدت بالك ؟؟؟
العبد يتقرب الأول شبر .. ربنا يتقرب ذراع
يعني انت لازم تاخد الخطوة الأول
و ربنا هييسرلك
امشي في الحاجة المتاحة قدامك .. و تبقى خدت خطوة
و ربنا سيأتيك هرولة

احنا في الموضوع ده هناخد خطوة
عشان نقرب بيها من ربنا
خطوة ممكن تكون في نظر بعض الناس صغيرة
و لكنها خطوة .. ناس كتير اتقدمت في طريق ربنا و عليت في الدين بسببها

كل أسبوع بإذن الله هنختار شريط مميز يخاطب القلب

ايه رأيكم ؟؟؟؟؟؟؟؟لأحد مشايخنا الفضلاء
و نضع الرابط في الموضوع هنا
و نسمع الشريط خلال الأسبوع و نتناقش حوالين اللي استفدناه من الشريط
الموضوع ده .. فعلا هيعليك إيمانيا جدا
أولا هتسمع دروس مميزة هتشحن قلبك بالإيمانيات
ثانيا هتتعلم علم نافع
ثالثا هتعلم الناس اللي انت اتعلمته بإنك تقوللنا هنا انت استفدت إيه
رابعا كلامك اللي انت هتقوله ده هيبقى من باب الدعوة إلى الله .. و ممكن انت تقول كلام .. محدش خد باله منه في الشريط .. و ربنا يهدي بكلامك ده حد
و لئن يهدي الله بك رجلا واحد خير لك من حمر النعم

جزاكم الله خيرا

[فجـــــــــــــــر]

رد: تعالوا نمشى لربنا خطوة

ماشاااااااااااااااء الله موضوع راائع
جزاكي الله كل خير ياقمر
ونفسي أطبقه من زمان بس كل ما أحاول الناس بتفتر ومش بتكمل

بس أتمنى إن الناس تتابع موضوعك ياقمر

وأسجل متابعتي معك

[هدى الروح]

رد: تعالوا نمشى لربنا خطوة

ماشاء الله الله اكبر
بارك الله فيكى ولكى
انا فعلا احب اقولك ان كلامك مظبوط جدا جدا
و بشاركك وجهة نظرك
ونفسى اكون انا اول حد يحط شريط دينى
اول ما سمعت الشريط ده اثر فيا بشكل غريب
وبدأت اغير من حياتى بسبب الكلام اللى سمعته فيه
ربنا يهدى كل بنت ان شاء الله وكل شاب كمان
ربنا يصلح حالنا جميعا


مستنية ايه ؟؟
للدكتور / حازم شومان


http://www.way2allah.com/modules.php?name=Khotab&op=Detailes&khid=93#UP

اللى مش سمعوا يسمعه
واللى سمعه

يسمعه تانى

[تبوك]

رد: تعالوا نمشى لربنا خطوة

جزاكم الله خيرا
ربنا يبارك فيكم
اللهم ارزقنا لين القلوب
فكرة جميلة

[تبوك]

رد: تعالوا نمشى لربنا خطوة

جزاكم الله خيرا
ربنا يبارك فيكم
اللهم ارزقنا لين القلوب
فكرة جميلة

[المفتقره الى الله]

رد: تعالوا نمشى لربنا خطوة

أختى الحبيبة هدى الروح أشكرك جدا على هذا الشريط الجميل

المفيد وأتمنى أن يستفيد منه جميع الأخوات فهو والله شريط رائع

وأرجو من جميع الأخوات أن يسجلن أرائهن عن هذا الشريط و

لقد تأثرت جدا بكلام الشيخ حازم فعلا يا أخواتى إحنا مستنين إية

هنلتزم أمتى بالحجاب الشرعى وأنك طول ما أنت بحجابك الشرعى

عداد حسنات ماشى وكل من تقتدىبيكى من أخواتك فى ميزان

حسناتك وأنك إذا أقبلتى على الله وأطعتية يرزقك الله بزوج صالح

يكون هو جنتك فى الدنيا ولا تخافى وفى النهاية مستنياكم أخواتى

بعد سماعكم هذا الشريط

[رحيق العفة]

رد: تعالوا نمشى لربنا خطوة

جزاكِ الله خيرا اختي

ما شاء الله فكره جميله يلا نسمع ونتناقش معا

كل اخت تسمع الشريط وتوضح الاشياء التي استفادتها ونفتح موضوع للنقاش


يلا يا بنات ورونا الهمه

[لؤلؤ ومرجان]

رد: تعالوا نمشى لربنا خطوة

جزاكي الله خيرا اختي الحبيبة ونفع بك