Tweet
فى عيادة الطبيب النفسى
وعلى الشيزلونج فى عيادة الطبيب النفسى ....
هو :- يا دكتور أنا خلاص الدنيا ضاقت بيا !أوى ! الدنيا اسودت فى وشى .... تعبت أوى ومش قادر أستحمل أكتر من كده !!
الطبيب : وانا كمان
هو :- يا دكتور مش كنت دايما بتقوللى فلما ضاقت واستحكمت فُرجت ؟؟ ... أنت ضحكت عليا يا دكتور ... دى كل مدى بتضيق عليا أكتر وأكتر !!
الطبيب :- عندك حق
هو :- يا دكتور ماهو ممكن مايكونش مكتوب لى أنها حتفرج ليا ؟؟ ممكن يكون اتكتب عليا أنى أعيش حزين وتعيس بقية حياتى ؟؟؟ أنا ليه عايش على أمل أنى حبقى سعيد ؟؟ ... مايمكن مكتوب لى أفضل تعيس كده وخلاص !!
الطبيب :- ممكن يكون أنا كمان كده
هو :- أنا مخنوق أوى يا دكتور !!
الطبيب :- وأنا أكتر منك
هو :- هى الدنيا مالها سودة كده ليه ؟؟
الطبيب :- عندك حق
هو :- طب أموت نفسى طيب ؟؟
هنا لم يتمالك الطبيب نفسه وانفجر فى البكاء والعويل كالطفل الصغير فى ذهول من الشاكي !!
هو :- لا حول ولا قوة الا بالله .... خلاص يا دكتور خلاص ... أقسمت عليك لا تبطل عياط ..
فيه ايه بس يا دكتور احكيلى ؟؟ والله مهما كانت الحاجة اللى مزعلاك ماهياش مستاهلة !! ..
يادكتور بطل عياط الله يخليك ما يصحش كده ... أنا أول مرة أشوف راجل بيعيط !!
أنا جاي أشكيلك همى وأنت مهموم أكتر منى ؟؟ .... طب صلى على حبيبك وروق وقل لى فيه ايه ؟؟
والله حتطلع حاجة مش مستاهلة فى الآخر وانت اللى مزعل نفسك عالفاضى
دى الدنيا كلها ماتسواش عند ربنا جناح بعوضة .. وشوف احنا قاعدين كل ده بنتخانق فى جناح البعوضة .... كل مشكلة وليها حل .... وكل بلاء وله نهاية ... وربنا كريم ورحيم بعباده ... وبيبعت البلاء وبيبعت الفرج معاه .... وبيجعل البلاء خير ليك وتحمده عليه بعد كده .... ده ربنا بيقول "لا تقنطوا من رحمة الله" !! ... هو احنا ليه وحشين كده وبنكفر مع أول امتحان ؟؟ .... ايه يعنى اللى مزعلك ؟ ... حتلاقيها تفتوفة فى جناح البعوضة ..... حلوة تفتوفة دى !! ... صلى عالنبى وكوباية ليمون وكل حاجة تتحل ....
ايه ده ؟؟ ...
أنا خفيت ...!!!!!!!!
الطبيب : #اللى_بعده
^___^
منقول
تعليق