زى أخويا!!

[جويريه*]

سارة: ايه مين الشاب الوسيم اللى انتى كنتى ماشيه معاه دة !!

..هبه : دا زميلى فى الجامعه

سارة : خد رقمك؟؟

هبه : ايوة عشان يحجزلى مكان

سارة: طب مانا ممكن احجزلك !!

هبه : مهو ماشاء الله عليه مبيفوتش ولا محاضرة وطلع التالت ع الدفعه السنه اللى فاتت

سارة : مافى بنات كتير كويسه ممكن تحجزلك زى مريم وسميه وسعاد

هبه : يووو بلاش خنقه بقى .. ايه فى ايه ؟؟ زى اخويا يعنى هياكلنى؟؟

~~~~~~~~~~~~~~~~~~~~~

مافيش حاجة اسمها ابن خالتي وابن عمي وزميلي في الشغل " زي أخويا "

عارفة ليه أوحش حاجة في القصة كلمة " زي أخويا " ؟؟ !

انك كدة بتبرري لنفسك ومش شايفة انك بتعملي اي حاجة غلط ..

فعمرك ما هتحسي بالذنب او تفكري في التوبة لانه زي أخوكي !!

والحقيقة ان كل دول أجانب ومافيش أخ غير ابن بابا وماما !

وعلى فكرة ده مش تشدد ولا مزايدة مني خالص !..

ربنا قال "ولا متخذات أخدان .." وماقلش بعدها " إلا ان يكون زي أخوكي!!!"

المشكلة إن أغلب قصص الحب الفاشلة كلها بتبدأ كدة ..

بس للأسف كل بنت بتبقى شايفة قصتها مختلفة وبتكمل لغاية ما قلبها

يتكسر !!

الأول زي أخوكي .. وبعدين يطلع أطيب شوية من اخوكي ..

تبدأي تفضفضيله ويفضفضلك والكلام يكتر ..

يحكيلك عن امجاده بقى .. وتنبهري بجدعنته وشهامته ..

وترسمي ف خيالك قصة جميلة وتبدأي تتعلقي بيه اكتر ..



وبعد فترة تكتشفي إن مش انتي الوحيدة اللي زي أخته ..

أو إنك فعلا زي أخته ومعندوش أي نية يحقق خيالاتك !!

أو إنه بيتسلى ويقضي وقت ببساطة ..

ويوم ما ييجي يتجوز هيدور على واحدة ماعندهاش أخوات !!

فقلبك يتكسر وتكتئبي وتحسي إنه حطم احلامك وإنك بقيتي تعيسة !

طيب ما انتي لو كنتي التزمتي من الاول بالحدود اللي ربنا حاططهالك

وسمعتي كلامه ماكنش ده حالك ربنا عارف البشر اللي خلقهم

وعشان كدة حدود الشرع بتحمينا من حاجات كتير زي دي .. ربنا بيحبك

ومش عايز حد يضايقك ومش عايز قلبك يتكسر كدة .. الاختلاط لايجوز وده عشانك ..

حدود الشرع بتحمينا مش بتقيدنا ...

وطول ما الشمس بتطلع من المشرق قدامك فرصة تتوبي ..

وربنا هيقبل منك لو صدقتي وهيفرح بيكي

الفكرة إنك مش عارفة انتي امتى اجلك ...

هداني الله وبنات المسلمين لما يحبه ويرضاه .

منقول للفائدة

[عقيـــــ جهاد ـــــدتي]

رد: زى أخويا!!

بارك الله في نقلك الطيب