عايش!!

[محبة القدس]

عامل ايه ؟؟

الحمد لله .. العيال تعبانه وزوجتى مريضه وحماتى دخلت الجيش

ومش عارف ايه وحصل ايه ..

تدخل الشقه عند واحد تلاقى ماشاء الله تلاجه وسرير وغساله فول اتوماتيك

تقولو فيها ايه ؟؟

يقولك مفيهاش مكيف!!

( وَقَلِيلٌ مِنْ عِبَادِي الشَّكُورُ )

عروة بن الزبير جالو مرض فى رجله (الاكله) خلاص عايزيين يقطعو رجلو

كانو عايزيين يشربوة مسكر عشان ينسى الالم عشان هيقطعو رجلو بالمناشير

قال لا .. لا اذهب عقلا منحنيه الله انتظرو فإذا دخلت فى الصلاة فابدأو بقطع رجلى

من شدة الوجع اغمى عليه يوم كامل

قالو له احسن الله عزائك فى رجلك واحسن الله عزائك فى ابنك فقد رفسته دابه

من دواب الخليفه فمات

~~~~~~~~~~~~~~~~~~~

تخيلو قال ايه ؟؟ لو واحد فينا حصلو كدا ؟؟

رجلى وابنى فى يوم ليييه !! ونبدأ الاعتراض على قدر الله

-ربنا يرزقنا الصبر والرضا -

قال - اللهم لك الحمد ان كنت قد اخذت فكم اعطيت وان كنت قد ابتليت فكم عافيت

اعطيتنى اربعه اطراف وأخذت طرفاً واحداً وأعطيتنى أربعه أبناء وأخذت ابناً واحداً

فالحمد لله حتى ترضى والحمد لله اذا رضيت والحمد لله بعد الرضا

ولعَمْركُ ما أهويت كفِّي لريبــةٍ و ما حملتني نحو فاحشةٍ رجلي
ولا قادني سمعني ولا بصري لها ولا دلّني رأيي عليها و لا عقلي
وأعلم أنِّي لمْ تُصِبني مصــيبة من الدَّهر إلا قد أصابتْ فتًى قبلي


~~~~~~~~~~~~~~~~~~~

الانسان لو معندهوش قناعه هيعيش فى غم وهم

هيعيش طوال حياته فى حزن

قال رسول الله -صلى الله عليه وسلم- ((ذاق طعم الايمان من رضى بالله ربا

وبالاسلام دينا وبمحمد صلى الله عليه وسلم نبيا )) رواة احمد

قال -صلى الله عليه وسلم- "انظروا إلى من هو أسفل منكم ولا تنظروا إلى من هو

فوقكم فإنه أجدر أن لا تزدروا نعمة الله عليكم "

------------------------------------

يقول احد الشيوخ : قابلت أحد الفضلاء وكان له قريب مريض يعني كان مريض

مرض شديد فبيكلمني بأسف

بيقوللي المرض ده الاعصاب اللي مابين المخ وبين كل اعضاء الجسم تضمر

فجأه وتموت فيبدأ الجسم يضمر ..

بيقول في الأول في أول مرحله جاله شلل إيديه ورجليه..ليه لأن الأعصاب

بتاعتهم ضمرت

قال بعد كده معدش بيقدر ينطق ليييه؟؟عضلات اللسان ضمرت

قال بعد كده معدش بيقدر يبلع لييه؟؟عضلات البلع ضمرت

قلت يانهاااااااار أبيض إيه ده ...ده الواحد بيشرب كوبايه الماء ويبلع ومش حاسس

بنعمه البلع الرجل ده ربنا يبتليه عشان ربنا يرحمه بالجنه ويرحمنا إنه

يعرفنا اعطانا نعم أد إيه مش حاسييين بيها؟؟

تخيلو لو كل نفس بنتنفسو بخمس قروش هندفع كام فى الدقيقه ؟؟

~~~~~~~~~~~~~~~~~~~

مؤسسات المستشفيات اللي ماليه بلادنا كل مريض نايم بيذكرك وبيذكرِك إنتي

كمان بنعمه ماحناش حاسين بيها

الواحد بيقعد يفتكر ياجماعه كام مرض درسه بيصيب الكلي ربنا معافينا منه؟؟

و كام مرض درسناه بيصيب القلب ربنا معافينا منه؟؟

وكام مرض درسناه بيصيب الكبد ربنا معافينا منه؟؟

وكام مرض درسناه بيصيب المخ والاعصاب ربنا معافينا منه؟؟

إحنا ربنا معافينا من إيه ولا إيه ياجمااعه؟؟

وَآتَاكُم مِّن كُلِّ مَا سَأَلْتُمُوهُ وَإِن تَعُدُّواْ نِعْمَتَ اللّهِ لاَ تُحْصُوهَا إِنَّ الإِنسَانَ لَظَلُومٌ كَفَّارٌ


~~~~~~~~~~~~~~~~~~~

وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ *

أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ

~~~~~~~~~~~~~~~~~~~