Tweet
♥ صلاة .. صيام .. قيام .. دعاء .. ذكر .. صدقات ♥
دة كان حال بنوتتنا ف رمضان ،،
وفعلاً قربت من ربنا جداً ، وعملت كل ما يرضي ربنا ف رمضان
لكن ماذا بعد رمضان ؟؟
هل هيستمر الحال على هذا ؟؟
♥ هجر للقرآن .. ترك للذكر .. امتناع عن الدعاء .. قطع الصدقات ♥
دة بقى حال بنوتتنا بعد رمضان ،،
وكأن شيئاً لم يكن ، وكأنها معملتش اي حاجة ف رمضان
وانقلب الحال رأساً على عقب !!
البنوتة دي ، استغلت فرصة رمضان فعلاً
لكن ليه منكملش بعد رمضان ؟؟
يا ترى احنا بنعبد رمضان ولا بنعبد رب رمضان
يا تري ليه التحول 990 درجة دة ؟؟
هو مش رب رمضان رب كل شهور السنة ؟؟
رمضان اعظم الشهور لكن دة مش معناه اني معلمش اي حاجة واعصي ربنا ف بقية الشهور
بالله عليكِ انتي مش هيهون عليكي كل العمل اللي انتي عملتيه دة ؟؟
الصيام والقيام والصدقات وبر الوالدين مش ممكن لا قدر الله كل دة يروووح ؟؟
لانك بعد ما عملتي كل اعمال الخير دي عصيتي ربنا بعديها
او حتى سبتي اللي كنتي بتعمليه ، ودة ف حد ذاته معصية !!
تعرفي .. الرسول صلى الله عليه وسلم بيقول :
" من صام رمضان ايماناً واحتساباً غفر له ما تقدم من ذنبه "
يعني ان شاء الله ذنوبك كلها اللي ارتكبناها كلنا ف السنة الكاملة دي ..
ميييييييييييييييييييييييح ^^
ترجعي انتي بعد ما كانت صحيفتك بيييييضة وجميلة كدة
تلوثيها تاني ؟؟
مش معني ان احنا طلعنا من رمضان يعني خلاص العبادة وقفت
لا مش كدة ، احنا لازم نحافظ على اللي عملناه ف رمضان !!
مش نهدمه بادينا
♥ تماااام نعمل ايه احنا بقى ؟؟؟ ♥
لازم يكون لينا حال مع ربنا
اول حاجة نهتم جداً بأننا منركنش المصحف وكل يوم ننفضه ونبوسه وخلاص
لاااا لازم يكون لينا ورد يومي على الأقلل جزء
اديكي بتختمي مرة ف الشهر
نحافظ على اد ما نقدر على النوافل - السنن قبل الصلاة المفروضة -
دة بيت ف الجنة !! تقدري تستغني عن بييت ف الجنة ؟؟
لازم نستغفر ربنا ونحافظ على الذكر دة كتيير اوي
لان الذكر دة اللي بيطهر قلوبنا من اي حاجة وحشة عملنا او دخلت قلبنا
قيام الليل ناخد بالنا منه ، مش لازم الـ 11 ركعة يعني
حتى لو ركعتين بس والشفع والوتر لغاية لما تتعودي حتى وابقي كتري براحتك وافتكري ان احب الأعمال لله ادومها وان قل ،،
الدعاء الدعاء .. اوعي تنسي الدعاء ، دة حتى ربنا بيقول " وَإِذَا سَألكَ عِبَادِي عَنِّي أُجِيبُ دَعْوَةَ الدَاعِي إِذَا دَعَان فَليَسْتَجِيبُوا لِي وَليُؤمِنُوا بِي لَعلَّهُم يَشكُرُون "
ولازم نحافظ على الأذكار الصباح والمساء عشان ربنا يحمينا
من اي مكروه او سوء حد رايده بينا ، ونحافظ على اذكار النوم والصحيان
والخروج من البيت والدخول وكل دة ..
ولا تنسوني وإياكم من صالح الدعاء ♥
تعليق