[بقلمي] فيلم العيد ::الطريق إلى الثبات::

[مسلمة وفخورة]

كل عام وأنتم بخير


قبل رمضان بفترة طبعًا الممثلين استعدوا لرمضان كويس

وانتهوا من تصوير مسلسلاتهم


اللي هتضيع علينا رمضان



والقنوات قبل رمضان أعلنت عنها

ودلوقتي القنوات تجيب أغنية
"والله لسة بدري ياشهر الصيام"


!!

وبعد الأغنية إعلان لفيلم العيد وبعد الإعلان المسلسل الفلاني

هو ده رمضان !

مسلسلات ومسابقات و...

فيين العبادات؟ فين التروايح؟ فين القيام؟ فين تلاوة القرآن؟

ناس كتير للأسف ضيعت رمضان منها

رمضان شهر الصيام ولا شهر المسلسلات ؟

رمضان شهر العبادات ولا شهر السيئات؟

استقبالنا كان ازاي لرمضان؟

كنا زي اللي جاله ضيف عزيز قعد عنده شهر

وكان سايبه ومش مهتم بيه وهو على الباب وماشي

قاله لسة بدري

ياعني طول الشهر غفلة

وفي الآخر نفوق إن رمضان ضاع من أيدينا

ونقول لسة بدري!

لكن للأسف "لسة بدري"

مجرد أغنية الناس تسمعها من هنا

وتكمل المسلسل ورمضان اللي بعده

نفس الحال

تسيء الإستقبال وفي الختام
"لسة بدري"


"وكل سنة وأنتم طيبين"

"رمضان السنة دي كان في شوية مسلسلات تحفة"


الله المُستعان

وآحسرتاه على أمة محمد


صلى الله عليه وسلم




رمضان السنة دي وكل سنة

الناس قسمين


قسم:كان "ساعة وساعة" لكن بمفهومه هو


ياعني ساعة طاعة و23 ساعة معصية

كان يتفرج على مسلسل وبين الفواصل يقرأ صفحة قرآن

ويصلي التروايح لكن لو ميعاد التروايح جيه مع ميعاد الماتش


يسيب التروايح علشان الماتش

وللأسف والله حصل في ناس من أمة محمد صلى الله عليه وسلم تركت صلاة التروايح


علشان الماتش


وإنا لله وإنا إليه راجعون


قسم:أجتهد في رمضان


صيام،قيام،صدقة،قرآن...


كان في الوقت اللي الناس فيه بتبكي بسبب مشهد مؤثر في مسلسل

كان في ناس بتبكي من خشية الله

في الوقت اللي الناس مستنية نهاية المسلسل وتتوقع النهاية هتكون ايه


كان في ناس بتسأل نفسها

أنا ربنا أعتق رقبتي من النار أمتى؟


ربنا أعتق رقبتي ولا لا؟


أنا العبد الذليل المذنب المقصر في حق الله


سيدي ومولاي أعتقني من النار؟


أنا هبلغ ليلة القدر؟

أنا هتكتب فيها من الفائزين؟


أسأل الله العفو أن يعفو عنا

ويعتق رقابنا من النار

اللهم آمين

ودلوقتي بعد رمضان الناس اللي ضيعت رمضان مشغولين بأفلام العيد والفسح في العيد

واليوم الأول هنروح نشوف فيلم كذا

واليوم الثاني هنخرج نروح المكان الفلاني

لكن الناس اللي اجتهدت في رمضان

دلوقتي مشغولة بفيلم

الطريق إلى الثبــــات

نهايته هتكون ايه؟

هنثبت على الطاعة بعد رمضان

ولا كل سنة وانتم طيبين رمضان خلص وخلصت الطاعات

ونكمل تلاوة القرآن رمضان السنة الجاية

والله أعلم هنكون على الأرض ولا تحت التراب

الطـــــــــريق إلى الثــــــــبــــــات

احــــذروا الشيــــطان

الشيطان هدفه يدخلنا النـــار والعياذ بالله

"إذا جاء رمضان فتحت أبواب الجنة، وغلقت أبواب النار، وصفدت الشياطين"

لكن الشيطان بعد رمضان بعد ما خرجنا من رمضان بجبال حسنااات

هيسبنا ؟

طبعًا لا

ده ممكن ذنب واحد من ذنوب الخلوات ينسف جبال الحسنات

الشيطان عدونا واللي هيتبعوه

يوم القيامة هيتبرأ منهم

"وَقَالَ الشَّيْطَانُ لَمَّا قُضِيَ الْأَمْرُ إِنَّ اللَّهَ وَعَدَكُمْ وَعْدَ الْحَقِّ وَوَعَدْتُكُمْ فَأَخْلَفْتُكُمْ وَمَا كَانَ لِي عَلَيْكُمْ مِنْ سُلْطَانٍ إِلَّا أَنْ دَعَوْتُكُمْ فَاسْتَجَبْتُمْ لِي فَلَا تَلُومُونِي وَلُومُوا أَنْفُسَكُمْ مَا أَنَا بِمُصْرِخِكُمْ وَمَا أَنْتُمْ بِمُصْرِخِيَّ إِنِّي كَفَرْتُ بِمَا أَشْرَكْتُمُونِ مِنْ قَبْلُ إِنَّ الظَّالِمِينَ لَهُمْ عَذَابٌ أَلِيمٌ"[إبراهيم22:]

"كَمَثَلِ الشَّيْطَانِ إِذْ قَالَ لِلْإِنْسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِنْكَ إِنِّي أَخَافُ اللَّهَ رَبَّ الْعَالَمِينَ"[الحشر16:]

ازاي نثـــبت على الطاعة؟

1-الاستعاذة بالله من الشيطان
2-إياك نعبد وإياك نستعين
3-الدعاء
لوحدك مش هتقدر أنت أطعت الله في رمضان

بحول الله وقدرته وليس بحولك وقدرتك

ووحده سبحانه الذي وفقك للطاعات في رمضان

قادر على أن يثبتك بعد رمضان

إذا لجأت إليه واستعنت به

4-الصحبة الصالحة

الصحبة الصالحة التي تعينك على طاعة الله

وتذكرك بيوم يقوم فيه الناس للحساب

5-القيــــــام

6-القرآن (حفظ،تلاوة،تدبر)

لن تجد جليس خير من القرآن

لن تجد موعظة تؤثر في قلبك مثل مواعظ القرآن

7-خلوة مع الله على الأقل ربع ساعة يوميًا

ربع ساعة أشتكي لربنا فيها حالك

أدعي استمع لتلاوة مؤثرة

ابكي من خشية الله

تذكر ذنوبك وتقصيرك

8-حصن المسلم

مهم جداااااا

9-التوبة

عايزين نثبت ركعتين توبة يوميًا

واستغفااار

10-الصيام

6 أيام من شوال والأثنين والخميس 13و14و15

على قدر الإستطاعة

ممكن ناس تتعب وتقول كفاية عايزين نرتاح

لكن الراحة مش هنا

الراحة هنـــــــــاك

"هنــاك عند أول قدم نضعها في الجنة"

غمسة واحدة في الجنة تُنسينا كل الآلام

والهموم وتعب الطاعة وجهاد النفس في ترك الذنوب

لكن سيبقى لنا الثـــــــواب

الدار هنا دار عمل هناك الراحة

"مزرعة للآخرة"

أسأل الله العظيم أن يتقبل صيامنا وقيامنا وأن يعتق رقابنا من النار


ويثبتنا على طاعته حتى الممات

ويرزقنا حُسن الخاتمة

بقـــلمي

[محبة القدس]

رد: فيلم العيد ::الطريق إلى الثبات::

جزاكـِ الله خيرًا
موضوع رآآآئع ومهم جدًا
بوركـَ فيكـِ

[مسلمة وفخورة]

رد: فيلم العيد ::الطريق إلى الثبات::

جزاكـِ الله خيرًا
موضوع رآآآئع ومهم جدًا
بوركـَ فيكـِ

اللهم آمين وإياكِ