Tweet
نبذة عن اللي الواحدة بتشوفه
حبيبتي صديقتي اللي بتصلي التراويح
ما ينفعش يا روحي أنك تبقي واقفة في الصلاة و أول ما ينتهي الشيخ من الفاتحة و يبدأ في قراية أول جزء تقومي أنتي تنزلي دراعاتك تحطيهم جنبك !!
- مستنية الشيخ يخلص
- أنتي في الصلاة يا روحي يعني تبقي حطة إيدك اليمين علي إيدك الشمال و بلاش دلع .
ما ينفعش يا روحي أنك تبقي في التشهد سواء الاوسط أو الأخير و بعد ما تخلصي و الشيخ لسه مخلصش تقعدي تترقعي في صوابعك !!
- بتعملي إيه ؟؟
- بسلي وقتي .
- إنتي في الصلاة يا روحي يعني ما بين يدي الله بلاش دلع -_-
حبيبتي صديقتي اللي بتصلي التراويح
ما ينفعش يا روحي تبقي مستنية الشيخ يخلص الربع أو الصفحة أياً كان وبعدين ترفعي راسك و تتفرجي علي الحيطان و الصور اللي في المسجد !!
- بتعملي إيه ؟؟ما ينفعش يا روحي تبقي مستنية الشيخ يخلص الربع أو الصفحة أياً كان وبعدين ترفعي راسك و تتفرجي علي الحيطان و الصور اللي في المسجد !!
- أصلي سرحت
- طب ركزي يا روحي بدل ما أزعلك ، أة و بلاش دلع ^-^
( و دا ليا قبلكوا ) يارب أرزقنا الخشوع يا رب
كل عااام و أنتن بخير
تعليق