طلقات تحذيرية - لا تستخسرى شئ لله

[رحم,,,ـة]

السلام عليكم ورحمة الله وبركاته








اوعي تستخسري حاجة بتعمليها لربنـا , يعني الخمس ساعات بتوع قراءة القُرآن , هتتمني يوم القيامة لو كانوا خمسين ساعـة .. والـ 11 ركعـة بتوع قيام الليـل اللي في ساعـة , هتتمني لو فعلتيهـم في 7 ساعات ..

اوعي تضيعي عمرك في حاجات تافهـة , مش هتوصلك غير لبطنك وفرجك , اوعي تفكري ان الجسد معمول علشان ترتاحي , لا والله , بل تعب الجسد من القيام والصيام واصفرار الجلد من الخشوع والتضرّع والبكـاء هو مُراد خلقتـه , وأصل نشأتـه , وجمال فطرتـه ..


اوعي لما تفكري في حاجة دنيويـة , تضيعي ثواب نيتك للـه فيها , وأول ما تلاقي عائق النية ده مش لربنـا , لاما تغيري تفكيرك ناحية الحاجـة دي نهائي ولا تفعليها , أو إنك تصلحي نيتك فيهـا , أصلها هتفرق بعد كده كتيير ..

اوعي لما تقرأي أو تحفظي , تقول : يوووووة , مافيش حاجة بتثبت ولا قادرة أحفظ , كلمة يووة دي ضيعت ثواب كبيير أوووي , وهو ثواب الاجتهاد والتعب للـه , ليه تضيعي ثواب ساعات بتبرم وضيق - سواء كان قولي أو فعلي - ثانيتين ؟!


اوعي لما حد يزعلك , تخاصميـه , وتبعدي عنـه , يكفي أن تعامليـه للـه , بيكشر في وجهك , ابتسمي , بيقول كلمات زي الرصاص , اسكبي عليـه مـاء الحب ,



متقفيش كتيير غير قدام 3 حاجات /

- التفكر في مخلوقات الله - الأشياء الغريـبة والعجيبة التي تحدث حولك من آيات ورسائـل

- أفعالك اليوميـة الطيـبة فتثبّتيهـا , وأفعالك السيئة فتسألي الله المغفرة

اوعي تفكري إن الطاعـة اللي كنت بتعمليها بسهولة وتكاسلت عنها بعد ذلك , ان دي حاجة مش عاديـة , دي بتحصل لكتيير من

الصالحين بل والصدّيقين الأتقيـاء , لكنهم بيقاوموا وبيرجعوا , وهو ده الفرق بينك وبينهم بس ..

اوعي لما حد يستنصحك , تتبرمي من طول سؤالاتـه , اوعي لما حد يحبك , تعاتبيـه كتيير إلا مُعاتبة الناصح الشفيق ,

اوعي لما حد يبذل لك من وقتـه , لا تفكرين حتى في شكـره ..

# طلقات تحذيريـة

[كريمه بركات]

رد: طلقات تحذيرية - لا تستخسرى شئ لله