مشاكلك كتييير ؟ هتتحـل لأن ربك كريـم

[مسلمة معتزة بدينها]

السلام عليكم ورحمة الله وبركاته مين فينا مفيش فى حياته مشاكل ؟؟ مشاكل بمختلف أنواعها وأشكالها .. مشاكل كتييير بتخليك قلقان ومشاكل كتيرة بتخليكى مش بتبطلى تفكير فيها !! مشاكل فى الشغل مشاكل فى البيت مشاكل فى الدراسة مشاكل مع نفسك انت وغييرها كتييييير جداااا نفسكم تتحل وتعيشوا حيآآة هادية .. نفسكم تعيشوا بالكم مرتاح وقلوبكم مطمنة ؟؟ يبقـى لازم تمشوا معايا فى الـ 3 خطوات اللى هنقول عليهم النهارده .. بس قبل ما نقولهم لازم نعرف ان أى مشكلة فى حياتنا بيكون سببها حاجة من التلاتة دووول ! 1_ ذنوب 2_ حسد وشيطان 3_ ابتلاء أى مشكلة فى حياتك محورها الـ 3 حاجات دى وبسس ! ولازم عشان تتحل يبقى لازم يكون فى علاج للـ 3 أسباب دى .. أولاً كده قبل ما نقوول أى حاجة .. لازم يكون عندك استعداد نفسى ويقين فى ربنا انك لو أخدت بالعلاج ده .. مشاكلك كلها هتتحل بأمر الله وحده وكل أمورك هتبقى ميسرة .. طيب أولا الاستعداد النفسى مطلوووب جدااا .. ممكن نلاقى واحد عنده مشاكل كتير وجاى يشتكى .. تقوم انت مديله حلول عملية كتيير انها تساعدة ! لكن مش بينفذها ومستسلم للواقع اللى عايشة ومش راضى يغير فيه حاجة !! مهما قولنا ومهما عملنا هو من جواه مش عايز يحاول ولا عنده استعداد انه يغير من حياته ولا استعداد انه يعيش من غير مشاكل ! ثانياً اليقيين فى الله .. ذات نفس الشخص بعد ما قولتله بقى الحلول العملية دى راح ونفذها لكن كان جواه فى قلبه مش متيقن إن باللى بيعمله ده مشاكله هتتحل .. ثقته فى ربنا سبحانه وتعالى مش كاملة ولا يقينه كامل بالله ! فى شك انه مشاكله ممكن تتحل باللى بيعمله ده لأن مفيش توكل على الله وثقة فيه سبحانه وتعالى !! فنفس الكلام ومش هيفرق إطلاااقا بين اللى منفذش أى حاجة من الحلول دى !! يبقى الاستعداد النفسى واليقين فى الله هو أهم خطوة قبل العلاج نيجى بقى للعلاج ... 1_ الاستغفار ... 1\3 مشاكل حياتنا يا جماعة من ذنوبنــا !! المعصية اللى انت بتعملها بتكون سبب فى حرمانك من خييير كتيير اووى ورزق كتيير جداا كان هيُساق ليك لولا معصيتك .. لازم تتيقن إن كل معصية بتعملها فى خير بتتمنع منه ! كل معصية بتعملها فى رزق بتتحرم منه .. كل معصية بتعملها فى بركة بتتمحى من حياتك ! قال بعض الصالحين : " إني لأجد أثر معصيتي في خلق دابتي وزوجتي " قال تعالى: { وَمَا أَصَابَكُمْ مِنْ مُصِيبَةٍ فَبِمَا كَسَبَتْ أَيْدِيكُمْ وَيَعْفُو عَنْ كَثِيرٍ } فإنت بالاستغفار هتشيييل الذنوب دى ! الواحد لما يكون واقع فى مشاكل كتييير ولسان حاله بيقول ليه يارب ولعياذ بالله ! "قُلْ هُوَ مِنْ عِنْدِ أَنْفُسِكُمْ " منك انت ومنك انتى .. من ذنوبنا يا جماعة والله واحنا مش فاهمين حاجة ! الطاعة هتيسر ليكى كل حاجة فى حياتك الطاعة هتحميك من كل شر فى حياتك بأمر ربنا !! يا ريتنا نصدق كده وندرك مدى خطورة ذنوبنا على حياتنا ! يبقى أول حاجة الاستغفااااااااار .. إدمان الاستغفااار ,, خلى ليك ورد استغفار فى اليوم بنية محو ذنوبك وتفريج كربك وحل مشاكلك وصدقنى هتلاقى المفعول علطوول بإذن الله ! 2_ أذكار الصباح والمساء .. 1\3 مشاكلك بسبب عدم قولك الأذكار اليومية لااااازم وحتماً ولابد تواظب عليهم لأن دول اللى هيحموك بأمر الله من الحسد والشيطان .. ودى نقطة مهمة جدااا لأن مشاكل كتيير اووى فى حياتنا بيكون سببها الحسد وبتكون من الشيطان .. فإنت لما تواظب عليهم صباح ومساء يبقى خلاص اتقينا شر الجزئية دى وربنا كفانا منها الحمد لله .. لأن العين حق والحسد مذكور فى القرآن .. والشيطان مش بيسيبك أساسا حتى فى الصلاة ازااى بقى مش هيجيلك منه أذى !! يتبقى معانا يا جماعة الابتلاء ... والبتلاء لازم تكون متيقن ان ربنا لا يبتليك إلا لرفعة درجاتك ولتكفير ذنوبك .. ولا يرد القضاء إلا الدعااااء 3_ الدعااااء .. ابتلاءاتك كلها هتترفع وهمك وكربك كله هيزاح بالدعااء بإذن الله الدعاء هو العباادة .. عايزين دعاء مع يقيين فى قدرة ربنا .. يقييين شديد فى الله انه بيده الأمر وهو على كل شيئ قدير يقين فى إن ربنا مجيب الدعااء .. ربنا وعدك انه هيستجيب لييك .. ربنا وعدك إنه قريب قريب منك وسامع شكواك ومناجاتك .. ازاى تشك فى إن دعاءك ممكن يستجاب ولا لأ ؟؟ أَمَّنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ ۗ أَإِلَٰهٌ مَعَ اللَّهِ ۚ قَلِيلًا مَا تَذَكَّرُونَ وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ ربنا قريب مننا اوووى يا جماعة .. ادعى له بتفريج كربك وبإزالة همك وبانشراح صدرك متفكرش فى إن تقصيرك فى العبادة وتقصيرك فى حال قلبك مع الله ممكن يمنع من إجابة الدعاء ... لاااا ده كله من الشيطان عشان يخلى فى شك فى قلبك ان ربنا ممكن ميجبش دعاءك تعالى الله عن ذلك ! ربنا سبحانه وتعالى أجاب دعاء إبليس لما قال له " أنظرنى " !! متخلييش فى شك عندك فى قدرة ربنا أبدااا ولا فى قربه منك ولا إجابته ليك لو نفذت الـ 3 خطوات دوول مع توكل كامل على الله وثقة فيه سبحانه وتعالى هتلاقى مشاكلك كلها اتحلت بفضل الله وأمورك ماشية بطرييقة مكنتش تتوقعها وكن على يقين إن أى حاجة تحصل ليك فى حياتك هو قدر ربنا ليك .. وقدر الله لا يأتى إلا بخير

[ام نظام]

رد: مشاكلك كتييير ؟ هتتحـل لأن ربك كريـم

جزاكِ الله خيرًا أختي وبارك الله فيكِ على هذه التذكرة الطيبة جعلها الله في موازين حسناتك

يبقى أول حاجة الاستغفااااااااار .. إدمان الاستغفااار ,, خلى ليك ورد 1000 مرة استغفار

فقد قال النبي صلى الله عليه وسلم:

((من لزم الاستغفار جعل الله له من كل ضيق مخرجا، ومن كل هم فرجا، ورزقه من حيث لا يحتسب.))
رواه أبو داود وابن ماجه.

لكن التزام المسلم كل يوم بعدد محدد من الاستغفار وترتيب أجر بخصوصه على ذلك
لم يرد له دليل في الشرع فهو بذلك داخل في ضابط البدعة .

[الخاضعة إلى الله]

رد: مشاكلك كتييير ؟ هتتحـل لأن ربك كريـم

جزاكِ الله خيرًا أختي وبارك الله فيكِ على هذه التذكرة الطيبة جعلها الله في موازين حسناتك