وزنك كام....قولي متتكسفيش

[الأسيفه]

السلام عليكم .... أخواتي وحبايب قلبي
وزنتي كام النهارده ؟!!!!!
وله هتقولي مبوزنش نفسي ؟
أقولي..متتكسفيش
لالالاه ....مش أقصدي أحرجك !
أنتي اللي مخك راح للدنيا
انا عاوزه أوزنك بنظرة ربنا لكي ...
عاوزه أسألك لو ربنا نظرلك...نظرة عدل ..نظرة تقدير لعملك في الدعوة للأسلام...نظرة حب ... نظرة لصلاتك ... نظرة للسانك ... نظرة لقلبك هتساوي ايه.......وهتوزني كام ؟
بسألك وبسأل نفسي انتي قلبك بحبه لربنا يوزن كام ؟
انتي جهدك في الدعوة لدينه يوزن كام ؟
لسانك بقدر ذكره لربنا يوزن كام ؟
إيدك بإنفاقها وتصدقها توزن كام ؟
رجلك بسعيها للدعوة توزن كام؟
أنتي راضيه عن نفسك ؟ أوبمعني تاني أنتي جبتي أخرك ؟ يعني لو موتي دلوقتي هتكوني بذلتي أقصي جهدك ؟
انتي فكرتي أزي تثقلي وزنك بميزان ربنا ليكي ؟
انا مش عاوزه أزعلك من نفسك ....أنا عاوزه نرتقي بهمتنا بقه
انتي عارفه لما سيدنا عمر أسلم المسلمين قالو أيه ((قالوا كنا أزلاء حتي أسلم عمر))
أنتي بقه ضفتي للألتزام أيه ...يعني عملتي أيه في دينك ؟وأيه اثرك في عائلتك أو اصحابك ..او جيرانك ؟
كفاية أسئلة ....حسبي نفسك ...وأنبي نفسك .....وأنوي انك تتغيري بجد
ومن بكرة معاكم في جدول يومك في الأجازة
مش عاوزه انا أكتبه لوحدي ....انا عاوزه كل اخت تكتب وتشارك وتقترح عمل ...ويريت يكون بسرعة علشان نخرج بشكل يومنا في الأجازة
مش بس كده وهنحاسب بعض علي أي تقصير ....وكل أخت بأمانة تدخل وتقول أنا قصرت النهاردة لوقصرت في حاجة وكلنا هنسندها ونقويها ونعتبها لو الأمر تكرر

أحنا مش طلاب دنيا ...الجنة بتندينا ..ودي سلعه غاليه .......... دي سلعة الرحمن.....يله عالجنه بالعمل والهمه العاليه

اللهم اني أشهدك اني أحب أخواتي فيك فأحبنا يارب
السلام عليكم

[امه الرحمن الرحيم]

رد: وزنك كام....قولي متتكسفيش

جزاكى اختى الكريمه خير يارب
ووفقك لما يحب ويرضى ويرضيك ويرضا عنك وعنا يارب
موضوعك جميل اوى وفعلا كل حد فينا محتاجه يحاسب نفسه كل ثانيه

الحمد لله انا بحاول التزم اكتر واكتر ادعيلى ربنا يرزقنا الهدايه والاخلاص والعلم
انا قصرت فى صلاتى ع النبى النهارده نفسى اصلى الف صلاه فى اليوم عليه

الحمد لله لسانى بقى فى ذكر الله كتير عن الاول بجد اتغيرت وادعو الله الثبات يارب لى ولكم اجمعين وكل المسلمين المؤمنين
ويرفعنا يارب ليه اكتر واكتر فى علمه وطاعته


وانا مخلصه الدراسه من زمان فعندى الاجازه مفتوحه
بس انا شايفه ان اكتر شئ بجد نستغله فى الاجازه هو العلم فى كل شئ
يعنى نقرأه كتير فى مجلات تهمنا وتعرفنا دينا وحياتنا

وتقربنا لربنا اكترواكتر



ربنا يتقبل منك وجزاكى الله خير عن الموضوع الجميل اوى اوى دا

[وتبقى هديل]

رد: وزنك كام....قولي متتكسفيش

السلام عليكم
على فكرة انا عضوة جديدة برده وعنوان الموضوع شدنى جدا
ياريت تساعدونى انى اقرب من ربنا اكتر لأنى حاسة إن نفسى أكسر الدنيا
بس بضيع وقت كتييييييييير فى الفاضى

[aya]

رد: وزنك كام....قولي متتكسفيش

جزاكم الله خيرا


موضوع متميز

بارك الله فيكي

[ارجو رحمة الله]

رد: وزنك كام....قولي متتكسفيش

السلام عليكم و رحمة الله وبركاته جزاكى الله خيرا اختى .. انا فعلا عندى وقت كتير و مش بعرف اعمل فيه ايه بس الجدول بالله عليكى خليه بعد صلاة الظهر لانى مش بصحى من النوم قبل كدة فى الأجازة.. و ياريت تخلى فى الأجازة جزء لمراجعة حفظنا من القرآن..

[راجية_الفردوس]

رد: وزنك كام....قولي متتكسفيش


جزاكى الله كل خير أختاه على الموضوع الرائع ده
إحنا فعلا محتاجين ناخد بأيد بعض
تقبل الله منا ومنكم صالح الأعمال

[ام ياسمين]

رد: وزنك كام....قولي متتكسفيش

بارك الله فيك اختي
موضوعك مميز
ولو سالنا انفسنا ولو مرة في الشهر ماذا وزننا عند ربنا
للقيتي للأمة شكلا اخر غير الذي هي عليه الان
شكر الله لك وتقبلي مروري

[الأسيفه]

رد: وزنك كام....قولي متتكسفيش

ياجماعة اول يوم في الجدول هيكون عن الصلاة هيبدأمن بكره
في عروض للأجازة ولاه فالأحلام وده الرابط
http://www.way2allah.com/forums/showthread.php?t=26627

[لؤلؤة الجنة]

رد: وزنك كام....قولي متتكسفيش

ماشاء الله يااخيتى موضوعك مميز جدا

وقكرة الجدول فكرة مميزة ورائعة وفيها تشجيع

يارب يبارك فيكى

[هنا وآسر]

رد: وزنك كام....قولي متتكسفيش

السلام علييكم الحقيقة انا عضوة جديدة موضوعك اكثر من رائع يااختى الحقيقة لازم نفتكر ان الرحمن يرانا انامش راضية عن نفسى وكنت عايزة اتكلم مع حد فى الموضوع ده انااخاف الله ومنتقبة ولكن يضيع منى فروض الصلاة اشعربالخزى خاصا ان الله انعم على بنعم كثيرة لاتعد ولاتحصى ارجوكم ساعدونى نفسى اتخلص من الاحساس والخزى هابدأ من الان واسفة على الاطال اللهم انت ربى لا اله الا انت خلقتنى وانا عبدك وانا على عهدك ووعدك مااستطعت اعوذبك من شر ماصنعت ابوء بنعمتك على وابوء بذنبى فاغفر لى فأنه لايغفرالذنوب الا انت

[طالبة الجنان]

رد: وزنك كام....قولي متتكسفيش

جزاكي ربي كل خير اختي
فعلا وزننا يساوي ايه عند ربنا؟
كل واحد شاغل نفسه بالدنيا
شاغل نفسه بالاكل! شاغل نفسه بالمال!
شاغل نفسه يالجاه! شاغل نفسه بالعيال!
وهكذااااااااا
ولكن محدش فكر لما يقف امام ملك الملوك
ويساله مذا قدمت لدين الله؟
عملت ايه بنعمي اعطيتك سمع اعطيت بصر اعطيت صحة اعطيت رجلين وهكذا
وان تعدوا نعمة واحده قد ربنا اعطاها اياكم لاتحصوا
هتقوله ايه؟؟؟؟؟
هتقول معلش ربنا انا عصيتك بنعمك!!!!!
معلش يا رب انا استخدمت السمع بدل ما استخدمه في الطاعة استخدمته في سماع الاغاني والقيل والقال
معلش يا رب استخدمت البصر فيما لايرضيك
معلش يا رب جعلتك اهون الناظرين الي
معلش يا رب اصل انا اتغرييت بالدنيا زياده عن اللزوم
هنقوله ايه؟؟؟؟؟؟؟؟؟؟
لما يسالنا عن وقتها هل كان لله ام لميييييييييييييين؟
هنقوله ايه لما احنا يا مسلمين مسلمين بالبطاقة فقط
ومحدش يحس بنعمه الاسلام الي الذي كان فقدها
ودخل الاسلام
هنقوله ايه لما الاسلام يشهد باننا خذلانه
لسنا من اهله
هنقوله ايه لما الرسول صلي الله عليه وسلم بدل ما يسقينا شربة هنيئة لانظما بعدها ابدا
يقول لنا سحقا سحقا بعدا بعدا
اي ضحي من اجلنا وهاجر من اجل وصول الدين لينا
واحنا خزلانه ولاحول ولاقوة الا بالله
دلوقتي لو مشينا في الشارع هنلاقي ايه؟
هنلاقي الكاسيات العاريات في كل مكان
هنلاقي الجوال مليان كله اغاني وبصوت عالي كانه بيقول مش همني وانا لله وانا اليه راجعون
هنلاقي الكل الا من رحم ربي في غفلة شباب لايهمهم الا معاكسة الفتيات
وفتيات لايهمها الا الموضه
الله المستعان
اللهم لاتؤاخذنا بما فعله الفاسقين منا
يا ريت نفوق قبل فات الاوان
ده بس تكلمني علي جانب واحد
امال لو دخلت بقي في الي فاكرين نفسهم ملتزمين عشان ظاهرهم ماشاء الله
وهما بعدين كل البعد عن الالتزام ولاحول ولاقوة الا بالله
اسال الله العظيم ان يردنا الي دينه ردا جميلا
وان يجعلنا مما يسمع القول فيتبع احسنه
اللهم امييييييييييين
وجزاكم الله خيرا

[أمية الله]

رد: وزنك كام....قولي متتكسفيش

جزاكِ الله كل خير

[امة الكريم]

رد: وزنك كام....قولي متتكسفيش

جزاك الله خيرا اختى
فعلا لازم نحاسب نفسنا قبل ما نتحاسب
انا كنت الاول افضل من دلوقت
اتغيرت حاجات فى حياتى اثرت على
بقيت مقصرة فى حاجات كتير
انا بقول الكلام دة وانا بعترف بذنوبى
وتقصيرى فى حق الله
نفسى اكون افضل من الاول نفسى انفع الاسلام واكون مسلمة صالحة
دعواتكم ليا ربنا يهدينى ويثبتنى

[أم إستبرق]

رد: وزنك كام....قولي متتكسفيش

بسم الله والحمدلله والصلاة والسلام على حبيبنا محمد رسول الله وعلى آله وصحبه ومن والاه
السلام عليكم ورحمة الله وبركاته

بارك الله فيكِ وجزاكِ الله خيرا على موضوعك
رائع وجذاب لكل من تريد الله ورسوله صلى الله عليه وسلم
وللأسف هناك من تريد فعل شيئا للإسلام ولكن لا تعرف من أين تبدأ

فأنتظر اقتراحتكم أمّا انا فلست اهلا لذلك

واسأل الله ان يديم علينا نعمة الإسلام وان يرزقنا العلم والإيمان والعمل والدعوة لله سبحانه وتعالى ربنا يرزقنا واياكن الاخلاص فى القول والعمل
واسأل الله ان يستعملنا ولا يستبدلنا إنه رحيم ودود
وصلى الله وسلم وبارك على محمد وعلى اله وصحبه اجمعين

والحمدلله رب العالمين

[om albatol]

رد: وزنك كام....قولي متتكسفيش

بارك الله فيكي يااخيتي وجزاكي كل خير
موضوع اكثر من رائــــــــــــــــــع