Tweet
 فى قصه حصلت لى ودايما بتخطر على بالى.. فى مره قومت أصلى الفجر فتوضيت ..جيت وانا بنشف بالفوطه قعدت على الكرسى.. فببص على الساعه لاقيت عشر دقايق فاتوا ..والله العظيم وهو شهيد بينى وبينكم انا حسيت بفزع ورعب ازاى عدى عشر دقايق من خمسه وخمسه لخمسه وربع ازاى؟مش عارف, انا منمتش لكن لاقيت انى قعدت عشر دقايق كده .  هو ده بالضبط تجسيد الغفله انك تبقى قاعد كده الساعه خمسه ترفع راسك تلاقيها خمسه وربع عملت ايه بقى فى الربع ساعه دى؟ ولا حاجه . طيب كنت بتفكر فى ايه؟ ولا حاجه . شوفت الوقت اللى عدى ده؟ هتندم عليه. الحسابات بالدقايق ..بالنفس . هتندم على تضيع الوقت ده فى مكالمات تليفون تافهه ملهاش لازمه . هتندم فى القعاد فى السرير تتقلب ملهاش لازمه . هتندم على الوقت ده فى دردشه مع واحد او جدال ملوش لازمه . هتندم علشان كده اللى قلبه يقظ اشح بوقته من شح الناس باموالهم. نقلا عن الشيخ محمد حسين يعقوب حفظه الله.  منقول |
تعليق