Tweet
عاوزة ترتاحى وحياتك تكون بدون مشاكل تعالى ومش هتندمى
بسم الله الرحمن الرحيم
السلام عليكم يا احلى اخوات
ياريت تقروا للاااااااااخر وتهتموا اوى للكلام وتقيموا نفسكم ونتغير للافضل بس كملوا للاخر دى امانة ومش هتندمى
كلنا عندنا مشاكل وهموم صححححححححححح
اللى عاوزاكم تعرفوه ان الهموم دى بسببنا احنا ايوة احنا السبب فى كل مشكلة بتحصلنا
ربنا قال ما اصابك من سيئة فمن نفسك
لان ربنا لا يظلم احدا احنا اللى بنظلم انفسنا
هتيجى واحدة تقولى ان بعامل زوجى كويس اوى وهو ظالمنى وبيعاملنى وحش ويخونى وانا كويسة معاه يبقى ازاى بسببى
او واحده تقول دى انا بعامل حماتى احلى معاملة وهى مش كويسة معايا وغيرها كتيييييييييير
هقولك ايوة بسببك انتى شوفى انتى فى حياتك عملتى ايه مش شرط معاه هو لا ممكن تكونى غلطتى فى حد تانى او ظلمتى حد او جوه نفسك امراض مش بتعالجيها زى ايييييييييييييييييييه ودى مهمة جدااااااااااااااااااااااا
زى مثلا جواكى شعور انك بتحبى تفتخرى بجمالك او بفلوسك ودهبك او بخطيبك او زوجك او عيالك ودى امراض نفس ومش لازم الافتخار بيكون بالكلام وبس لا ممكن يكون شعور داخلى جواكى بيبان فى تعاملك مع الناس تحسى بنفسك شوية
او تفضلى تقارنى نفسك بالناس وعاوزة دايما تكونى انتى افضل فى كل شئ وتخلى الناس اقل منك ده كبر
او تغيرى من كل شئ جميل وتحقدى لو محصلكيش حاجة نفسك فيها وحصلت لغيرك وتتغاظى
او مترضيش بقسمة ربنا ليكى فى اى شئ سواء بيت او شغل او زوج او اطفال
او تتكبرى وشايفة نفسك ان عقلك مفيش زيه ومستواكى عالى ومش ترضى باى حاجة انتى مش زىيها انتى افضل
مش بتسامحى ولا بتعفى عن الناس
مش بتصلى رحمك عشان زعلوكى
بتغتابى الناس وتجيبى فى سيرة فلانة او تعيبى عليها او تفضحيها حتى لو قلتى دى بيتها مش نضيف فضحتيها بدل ما تسرتيها
مش بتصلحى بين الناس بل بتحبى انهم يونوا زعلانين مع بعض بتفرحى بكده
بتفرحى ان سلفتك او اخت زوجك او صحبتك بتفرحى انهم مش مبسوطين وتزعلى اى اوى لو هما مرتاحين مع بعض وجابلها هدية وتفضلى تقارنى
او واحدة ربنا بفضله ورحمته جعلها تقرب منه ولسة مش متجوزة او فقيرة وبعدين بقت ان واحدة مش بتصلى وكده متجوزة وسعيده وغنية تلاقيها تقول لييييه انا اللى كويسة يحصلى كده ؟؟ اصلا انتى مش كويسة من نفسك لا دى فضل ربنا عليكى وقادر يجعلك اوحش منها وده اختبار ليكى وعندك نعم كتير ليه تبصى لنعم غيرك ما الرسول عليه الصلاة والسلام افضل الخلق جميعا وكان وكان عايش عيشة بسيطة جدا وكان اوقات مش بيلاقى اكل والكفار كانوا اغنياااااء هل قال ليه كده يارب انا افضل منهم تعمل معايا كده ليه اكيد لا يبقى انتى مين عشان تقولى كده
انتى وانا نحمد ربنا على اللى عندنا ولا نتاثر بكلام احد احنا عبيد لله يتصرف فينا كيف يشاء ونقول الحمد لله ونرضى وندعى ربنا بالخير
دى غير تقصيرنا فى الصلاة وعدم الخشوع ومشاهده اللى يغضب ربنا وعدم التوكل على الله وتوكلنا على الناس وسوء الظن بالله والرياء وغيره وفى الاخر نقول احنا مش بنعمل غلط
وفى كتييييييييييييييييير وللاسف كلنا فينا حجات من دى واللى يقول انا مش كده خاااااالص وقلبى طيب اوى اوى اوى ده يبين انها شايفة نفسها انها كويسة اوى ودى مرض لان الصحابة من افضل الناس ومبشرين بالجنة وكانوا شايفين نفسهم اسوء ناس
الرسول عليه الصلاة والسلام افضل الخلق وكان بيستغفر الله كثيرا ويتعوذ من عذاب القبر وهو اصلا فى الجنة
لازم نعالج نفوسنا المريضة اننا نقرب ونقرا سيرة الرسول عليه الصلاة والسلام واحاديثه الشريفة
مثل لا يؤمن احدكم حتى يحب لاخيه ما يحبه لنفسه
وربنا قال ومن اعرض عن ذكرى فان له معيشة ضنكا ونحشره يوم القيامة اعمى
وغيرها كتيييييييييييييير
واول ما تلاقى قلبك وهوى نفسك بيروح لسكة غلط زى مثلا اتغطتى من واحدة عشان هى اتجوزت حد افضل من زوجك تقفى وقفة مع نفسك وتكلمى نفسك وتقولى لا انا هفرحلها لانها اختى فى الاسلام وده رزق ربنا لها وتدعيلها من قلبك وتعملى كل خير لها وتتكلمى عنها افضل كلام كده انتى بتجاهدى نفسك وهتاخدى اجر من ربنا وهترتاحى نفسيا
ولو لقيتى ان امك او حماتك بتفضل حد عليكى افرحى وقولى يارب يكونوا مبسوطين ويبعد عنهم الشيطان
صدقونى اغلب مشاكلنا بسببنا احا وبسبب نفوسنا وهوى انفسنا بس احنا اللى مش بنجاسب نفسنا
عاوزين كل حاجة ولو حاجة مجتش نزعل
وبنعمل اعمالنا مش لله هتقولوا ازاى هقولك
يعنى لو انتى عاملتى زوجك حلو وعاملك حلو يبقى تمام حاجة مقابل حاجة ومش هتعرفى اذا كنتى بتعملى لله ولا لا
لكن لو انتى عاملتى زوجك حلو اوى وهو عاملك وحش هتولى ايييييييييه ؟؟؟؟؟؟؟؟
هتروحى تقولى انا بعامله كويس وبعمل كل شئ وهو لا وتزعلى يبقى انتى مش بتعملى لله لو بتعملى لله بجد مكنتيش هتقولى كده كنتى هتنسى افعالك الحلوة معاه عشان عملتيها لله
زى مثلا اديتى لواحد محتاج فى الشارع فلوس صدقة هل هتنتظرى منه مقابل ؟؟ لا حتى لو مقدرش الصدقة بتاعتك عادى لانك عاوزة الاجر من الله
حماتك بتعامليها حلو اوى او اى حد بتعامليه حلو اسالى نفسك ليه بتعملى كده هل لله عشان ربنا بيحب الود بين الناس وانى اسعدهم وادخل السرور على نفوسهم ونفيد بعض ؟؟
ولا بعالملهم حلو عشان يقولوا انى بنت كويسة وانى محترمة واحسن من سلفتها واحسن من اختها وانى افضل من باقى البنات؟؟؟؟
اعرفوا ان احنا مليانين ذنوب ومش حاسين وشايفين نفسنا افضل ناس
لازم ناخد بالنا من نيتنا فى اى عمل قبل ما نقابل ربنا عشان نرتاح دنيا واخرة
نشوف ربنا بيحب ايه ونجرى نعمله على طول واى ابتلاء نروح لربنا ونستغفر وندعيه
واكبر ذنوبنا اننا بننسى ندعى ربنا ونروح نشتكى للناس
انتى كده بتشتكى ربنا للناس وتقولى شفتى ربنا عمل ايه معايا
بتشتكى ضيق الرزق روحى لله هو القادر وخدى بالاسباب لكن الناس هتعملك ايه
اجعلى همك رضا ربنا والاخرة وده باصلاح تعاملك فى الدنيا وفعل اللى يحبه ربنا ولا تتنافسى مع حد على الدنيا ابدا سبيها ليهم متتدخليش فى مقارنات ولا انا احسن ولا انتى احسن وربنا هيصلحلك دنياكى واخرتك
وياريت ننصح نفسنا وغيرنا والدنيا لا تساوى شيئا عند الله
ومش هنرتاح الا لو مشينا على اللى ربنا امرنا بيه وبيحبه لانه فيه المصلحة لينا فى الدنيا والارخرة وهنعيش سعداء نفسيا بجد بالقرب من الله والذكر من القلب وعمل الخير
ولو اخطأنا نرجع بسرعة نتوب بجد
ربنا يصلح حالنا جميعا
تعليق