Tweet
قصتي اليوم عن
.........
اترككم تقرءوا وتعرفوا افضل
نبدأ على بركة الله
ابدأ بثلاث مشاهد بالتأكيد تعرضنا لها جميعاً بلا استثناء ولا أبالغ حين أقول بلا استثناء
لنرى
المشهد الأول /
*شروق عندها بكرة امتحان في الكلية والمادة نظري ودش وما أدراكم ما المواد النظري
و شروق لسه مش خلصات جزء من المادة بتاعتها اللي هتمتحنها بكرة وهي من النوع اللي مش بتحفظ بسرررعه
* مامتها بتشتغل ومفروض شروق هي اللي تعمل شغل البيت من طبيخ وتنضيف والذي منه
المشهد التاني /
شروق عندها بكرة امتحان في الكلية برده في نفس المادة النظري الدش ( بس الكلام ده وهي في اولى كلية ) ومفروض انها زاكرت المادة وباقي جزء بسيط
وافتكرت ان عليها واجب عملي في منتدى الطريق الى الله بتخدم دينها بيه .. والوقت بيجري واتأخر اصلاً ومادتها هتمتحنها بكرة ولسه مش خلصتها
تكمل المادة ؟؟ ولا تدخل المنتدى تعمل الواجب العملي لخدمة دينها بعدين ترجع تكمل مزاكرتها !!
المشهد التالت /
شروق عندها امتحان بكرة برده في نفس الكلية ولسه وراها ورد تلاوة قرآن وورد الحفظ والمراجعه وصلاة النوافل للتقرب الى الله
يا ترى تقلل الورد من التلاوة وتوقف الحفظ والمراجعه ؟؟
توقف النوافل وتكتفي بالفرائض ؟؟
كل ده توفيراً للوقت عشان تلحق تذاكر وتنجز !!
ودلوقتي ايه رأيكو في ال3 مشاهد دول ؟؟
اكيد كلنا بلا استثناء اتعرضنا لهم
صح !!
بس يا ترى اتصرفنا ازاي فيهم كلهم ؟؟
تعالو معايا نشوف شروق اتصرفت ازاي في كل موقف
التصرف الخطأ
وبعد ما هدأت واتصرفت صح عملت ايه ؟؟
نبدأ على بركة الله
المشهد الاول
الأم : شروق انا نازلة الشغل يا حبيبتي
شروق : ماشي يا ماما خدي بالك من نفسك
تدخل شروق المطبخ
تلاقي الدنيا ضاربة فيه لأن محدش عمله من زمان وهي اللي بتعمله وهي حاليا بفترة اختبارات
شروق ... يوووووووه اوووووووف لسه هعمله ده انا لسه مزاكرتش وهمتحن بكرة .. ياربي انا تعبت بقى وحسه اني مضغوطة بالبيت ومحدش بيقدر وبعمل وبيطلع عيني .. وتبكي شروق بكاء شديد وتقرر تعمل المطبخ وباقي اعمال البيت وده كله وهي حزينه وبتبكي ومهمومة من خنقتها واحساسها بالضغط النفسي :(
تعالو نشوف شروق بعد م هدأت بقى عملت ايه
شروق بتبكي بدأت تقول يااارب حسبي انت ونعم الوكيل حسبي الله لا اله الا هو عليه توكلت وهو رب العرش العظيم يااارب ليس لي سواك يا سندي
وابتسمت وقالت يارب أعني يارب اسكب على قلبي سكينة اتجاهل بها كل شئ يؤلمني
يااارب قويني واجعل عملي كله صالحا ولوجهك خالصا واجعلني بارة بأهلي وتردد شروق في سرها وهي شغاله ((صبراً انها جنة )) وتبتسم
وبدأت تهدى اكتر وتجدد النوايا في كل اللي بتعمله انه لله ابتغاء مرضاة الله
لرضا الوالدين وبرهما
وادخال السرور على قلب اهلها وامها خاصة
وبتزود في النوايا في الطبيخ (تفطير صائم ) لو كانت نينتها عندهم وصايمة
وهدأت شروق خاااالص وبقت فرحااااانة جدااااااااااا وهي بتعمل اي حاجه بتعمل وهي في قمة السعادة وتردد في نفسها
(ءالله امرني بهذا ؟؟ ببر الوالدين ؟ إذاً لن يضيعني )
(صبراً انها جنة
كل لما هتزعل تفتكري
ءالله امرني بهذا ؟؟
صبراً انها جنة :)
* وبعد ما خلصت شروق بقى شغل البيت دخلت بقى تذاكر الجزء اللي باقيلها وسبحان الله حفظته بسرعه وحست انها بتفهم وتحفظ بسرعه والحفظ بيثبت جدا اكتر من اي مرة تانية ودخلت الامتحان والامتحان الدكتور كان جايبه مقااااالي يعني اجابة السؤال صفحة ونص لو اتنين
وحلت حلو جداااا كل حاجه ومش تركت ولا سؤال كمان بفضل الله
المشهد التاني
الساعة 1 :30 ص
شروق في غرفتها بتزاكر ولسه مش خلصت المادة وهتمتحنها بكره ولسه كمان معملتش الواجب العملي المطلوب منها لخدمة دينها في المنتدى
وكان الواجب نشر مواضيع دعوية في منتديات تانية ومحموعات الفيس بوك
مش مشكله مش لازم بكرة اعملهم وخلاص بقى خليني ازاكر واخلص ام المادة دي وتكمل شروق مزاكرتها
** وفي نص المزاكرة كده فكرت شروق
لالالالالا
ازاي اقدم واجب دنيوي على واجب ديني
منا ممكن اموت قبل م ادخل الامتحان
هستعين بالله واعمل واجبي بالمنتدى بنية
الدعوة الى الله
لئن يهدي الله بك رجلا واحد خير م الدنيا وما فيها
ادخال السرور على قلب مسلم
الدال على خير كفاعله
وبدأت شروق في النشر الدعوي بهذه النوايا وكانت فرحانة
وخلصت وبعدين كملت مزاكرة
تاني يوم في الامتحان حلت كويس اوووووي والجزء اللي هي مش كانت كملته جه منه جزء بسيييط جدااا هي كانت قرأته
وجابت امتياز في المادة دي :)
(ده وهي لسه في سنة اولى )
المشهد التالت
*شروق هتمتحن بكرة ان شاء الله فقالت في نفسها يووووه انا مش هصلي النوافل وهكتفي بالفرائض وهقلل ورد التلاوة وهوقف الحفظ عشان اوفر وقت للمزاكرة واخلص امتحاناتي دي بقى ع خير
تبدأ شرق تقصر بالنوافل وبالقرآن بس تلحق نفسها تقول اييييييييييه اللي بعمله ده
انا هضحي بإيه عشان إيه ؟؟
اهمل القرآن والنوافل والعبادات التي اتقرب بها لله عشان الامتحانات ؟؟
واستعاذت بالله من الشيطان الرجيك
وعادت تصلي النوافل وتقرا وردها كامل وتحفظ ونراجع وسبحان الله ربنا بيباركلها في وقتها وكانت بتعمل كل حاجة بتزاكر وبتحفظ وتراجع القرآن وتعمل شغل البيت كمان وربنا مبارك في وقتها وكانت تشعر بسرعة في الفهم والحفظ والتوفيق والتيسير في كل شئ
الشاهد من ال3 مشاهد دول ايه بقى
**اوعى فيوم تقصر في عمل ديني عشان عمل دنيوي ابدا مهما كان العمل ده
حتى لو بتجهز لفرحك
**ربنا كريم اووووي والله وكرمه ليس له حدود
**الطاعة مش بتقلل الوقت بل بالعكس بتلاقي ربنا مباركلك في الوقت وتشعر بانشراح في صدرك
***اجعل شعارك
** ءالله أمرني بهذا ؟ إذا لن يضيعني !!
**انها جنة بها سيسنى كل ذي هم همه
**الجنة غالية وبها سنرى وجه الرحمن والمصطفى ونلقى بها الاخبة فخقاً انها جنة تستخق منا الصبر والمجاهده والتحمل لأنها جنة الرحمن
***يوما ما ستعلم
*ان حزنك ادخلك الجنة
*وصبرك نجاك من النار
..........
سبحانك اللهم وبحمدك نشهد ان لا اله الا انت نستغفرك ونتوب اليك
تعليق