Tweet
السلام عليكم ورحمة الله وبركاته
كل ما أتوب أرجع ..وأتوب تاني وأرجع تاني
طيب ليه مش بتعكسها
أنك كل مابترجع بتتوب ..كل ماترجع تتوب
والله يحب التوابين
ربنا بيحب الأواب..اللي كل مايذنب يرجع تاني لربنا
كل مايحس أن الدنيا اخدته وبقى منشغل بالمعاصي يتذكر ربنا ويرجع يتوب تاني
وكلنا خطاءون وخير الخطائين التوابون
يعني ماتضايقش نفسك خالص
بس أهم حاجة فعلا
أنك من جوااااك تبقى عايز فعلا تتغير
يعني ماينفعش كل توبة تبقى زي اللي قبلها
يبقى احنا مابنعملش حاجة
مش في ناس بتبقى مثلا بتشتغل في التمثيل أو الغناء وتتوب؟؟
فيه ناس بتتوب فعلا ومش بترجع تاني
وفيه ناس للأسف بترجع تاني عادي زي الأول
المفروض لما تتوب وترجع ..يبقى لما تيجي تتوب تاني بعدها تعمل حاجة مختلفة
ازاي يعني؟؟؟
يعني مثلا أول مرة قلت خلااااص يارب مش هسمع أغاني تاني
وبعدين رجعت سمعت
يبقى المرة اللي بعدها خليها مختلفة
قوم صلي ركعتين وادعي ربنا فيهم أنه يقبلك وأنه يثبتك على الطريق
ادعي ربنا أوووووي
خليك حريص وصادق علشان ربنا يقبل منك
يعني لما تدعي ماتبقاش جواك عارف انك هترجع تاني
فيه واحد يقول أنا تبت بس حاسس أني هرجع تاني
ماهو ده ليه؟؟
لأن أنت مش صادق أوووي
عارفين لما مثلا واحد بياخد مصروف من والده
وبعدين حالتهم المادية بقت مش مظبوطة أوي
فقرر أنه يقلل مصروفه شوية
هيروح لوالده يقوله أنا هقلل المصروف للنص
طبعا دي حركة جامدة منه
وفيها بر والدين وإحسان ومعروف كويس
لكن لما يقول بس أنا حاسس أني هرجع تاني لوالدي أقوله يزود المصروف تاني
يبقى هو كده ايه؟؟
هو مش صادق ..هو لو نفسه فعلا يساعد والده عمره ماهيفكر في كده
وده بيبقى ناقصه إيه علشان يكون صادق؟؟
بيبقى عايز يأدب نفسه
لما ترجع وتيجي تتوب..أدّب نفسك
بجد مش كلام كده وخلاص
قولها احنا مش بنهزر..دي حاجة مش بمزاجنا..دي يا إما جنة يا إما ناااار
علشان إيه يعني هتجريني أسمع أغنية ولا أشوف فيلم؟؟
علشان مين هتخليني أقع في حب حرام ؟؟
إيه اللي يستااااهل في الدنيا دي أني أدخل النار وأغضب ربنا مني علشانه
ياجماعة ده الأسود بن يزيد لما كان بيحتضر بكى
قيل له: ما هذا الجزع؟ قال: ما لي لا أجزع؟ ومَن أحقُّ منِّي بذلك؟ والله لو أُتيت بالمغفرة مِن الله لأهمَّني الحَيَاء منه ممَّا قد صنعت، وإنَّ الرَّجل ليكون بينه وبين الرَّجل الذَّنْب الصَّغير، فيعفو عنه، ولا يزال مستحييًا منه.
ده أنت لما تخطئ في حق بني آدم ويسامحك بتفضل مكسوف منه ومش قادر توريله وشك
وهو ممكن يكون يعني مش مغرقك بجمايله ولا حاجة
فمابالك بربنا سبحانه وتعالى اللي أنت أصلا مش قادر تعد نعمه عليك
الموضوع صعب لأننا ضعفااااء
بس محتاج تأديب للنفس
علشان تقدر تجاهدها
واحد مثلا في يوم عايز يصوم بس فكر كده وقال اممم لاخلاص خليها يوم تاني
لو ادب نفسه بجد هيصوم
كلم نفسك بينك وبينها بس بجدية
وماتفكرش أن الناس الملتزمة دي خلاص بتبقى تابت مرة واحدة وخلاص على كده
لا خااالص
ده سيدنا إبراهيم ربنا قال عليه أواب لأنه كان بيتوب كتير جدااا
فالملتزم حتى كل شوية يتوب ويذكر نفسه بربنا علشان ماينساش هو اتخلق ليه
أوعى تنسى أن أغلب حياتك هتلاقيها كده مجاهدة للنفس
وما أصعبها!!
لكن ماتفكرش أنك كل ماتجاهد نفسك يبقى أنت كده فاشل علشان مش عارف (تشكمها)
لا أنت هتلاقي نفسك أغلب الوقت كده
نفسك عايزة تعمل.. وأنت بتقولها لا!
بس اشغل نفسك بقى بالطاعة
عارفين لما واحد يبقى في شغل معين وخلاص متعود على الناس اللي فيه وبعد كده يتنقل شغل تاني
بيبقى مش واخد على الناس هناك
لكن هيفضل كده على طول؟
لا
وفي نفس الوقت لو لقيتوه رجع شغله الأول تاني علشان مش عارف يتكيف مع الناس التانيين
هتقولوا عليه إيه؟؟!!
أنت بردو لما تسيب طريق الذنوب اللي ماشي فيه وتتوب وتبدأ تمشي في طريق ربنا ماتفضلش واقف مكانك
كل اللي بتفكر فيه..ارجع..ماارجعش
ماينفعش كده مش هتعمل حاجة
ابدأ اشتغل
ابدأ اندمج وتكيف مع الطريق الجديد
ليه ماتبقاش أنت اللي بتصحي أصحابك الفجر؟؟
ليه ماتبدئيش في أصحابك تغيري لبسك؟؟
ليه ماتعملش أسرة في كليتك تعملوا فيها خير؟؟
دخل نفسك أووووي جوة الأماكن الصالحة واللي فيها خير
علشان تاخد عليها وماتبقاش عايز ترجع
واهو كلها كام يوم أو كام شهر أو كام سنة ونمشي من الدنيا دي وخلاص
فنصبر شوية علشان نعمل اللي احنا عايزينه في الآخر
نسأل الله أن يثبت قلوبنا على طاعته
كل ما أتوب أرجع ..وأتوب تاني وأرجع تاني
طيب ليه مش بتعكسها
أنك كل مابترجع بتتوب ..كل ماترجع تتوب
والله يحب التوابين
ربنا بيحب الأواب..اللي كل مايذنب يرجع تاني لربنا
كل مايحس أن الدنيا اخدته وبقى منشغل بالمعاصي يتذكر ربنا ويرجع يتوب تاني
وكلنا خطاءون وخير الخطائين التوابون
يعني ماتضايقش نفسك خالص
بس أهم حاجة فعلا
أنك من جوااااك تبقى عايز فعلا تتغير
يعني ماينفعش كل توبة تبقى زي اللي قبلها
يبقى احنا مابنعملش حاجة
مش في ناس بتبقى مثلا بتشتغل في التمثيل أو الغناء وتتوب؟؟
فيه ناس بتتوب فعلا ومش بترجع تاني
وفيه ناس للأسف بترجع تاني عادي زي الأول
المفروض لما تتوب وترجع ..يبقى لما تيجي تتوب تاني بعدها تعمل حاجة مختلفة
ازاي يعني؟؟؟
يعني مثلا أول مرة قلت خلااااص يارب مش هسمع أغاني تاني
وبعدين رجعت سمعت
يبقى المرة اللي بعدها خليها مختلفة
قوم صلي ركعتين وادعي ربنا فيهم أنه يقبلك وأنه يثبتك على الطريق
ادعي ربنا أوووووي
خليك حريص وصادق علشان ربنا يقبل منك
يعني لما تدعي ماتبقاش جواك عارف انك هترجع تاني
فيه واحد يقول أنا تبت بس حاسس أني هرجع تاني
ماهو ده ليه؟؟
لأن أنت مش صادق أوووي
عارفين لما مثلا واحد بياخد مصروف من والده
وبعدين حالتهم المادية بقت مش مظبوطة أوي
فقرر أنه يقلل مصروفه شوية
هيروح لوالده يقوله أنا هقلل المصروف للنص
طبعا دي حركة جامدة منه
وفيها بر والدين وإحسان ومعروف كويس
لكن لما يقول بس أنا حاسس أني هرجع تاني لوالدي أقوله يزود المصروف تاني
يبقى هو كده ايه؟؟
هو مش صادق ..هو لو نفسه فعلا يساعد والده عمره ماهيفكر في كده
وده بيبقى ناقصه إيه علشان يكون صادق؟؟
بيبقى عايز يأدب نفسه
لما ترجع وتيجي تتوب..أدّب نفسك
بجد مش كلام كده وخلاص
قولها احنا مش بنهزر..دي حاجة مش بمزاجنا..دي يا إما جنة يا إما ناااار
علشان إيه يعني هتجريني أسمع أغنية ولا أشوف فيلم؟؟
علشان مين هتخليني أقع في حب حرام ؟؟
إيه اللي يستااااهل في الدنيا دي أني أدخل النار وأغضب ربنا مني علشانه
ياجماعة ده الأسود بن يزيد لما كان بيحتضر بكى
قيل له: ما هذا الجزع؟ قال: ما لي لا أجزع؟ ومَن أحقُّ منِّي بذلك؟ والله لو أُتيت بالمغفرة مِن الله لأهمَّني الحَيَاء منه ممَّا قد صنعت، وإنَّ الرَّجل ليكون بينه وبين الرَّجل الذَّنْب الصَّغير، فيعفو عنه، ولا يزال مستحييًا منه.
ده أنت لما تخطئ في حق بني آدم ويسامحك بتفضل مكسوف منه ومش قادر توريله وشك
وهو ممكن يكون يعني مش مغرقك بجمايله ولا حاجة
فمابالك بربنا سبحانه وتعالى اللي أنت أصلا مش قادر تعد نعمه عليك
الموضوع صعب لأننا ضعفااااء
بس محتاج تأديب للنفس
علشان تقدر تجاهدها
واحد مثلا في يوم عايز يصوم بس فكر كده وقال اممم لاخلاص خليها يوم تاني
لو ادب نفسه بجد هيصوم
كلم نفسك بينك وبينها بس بجدية
وماتفكرش أن الناس الملتزمة دي خلاص بتبقى تابت مرة واحدة وخلاص على كده
لا خااالص
ده سيدنا إبراهيم ربنا قال عليه أواب لأنه كان بيتوب كتير جدااا
فالملتزم حتى كل شوية يتوب ويذكر نفسه بربنا علشان ماينساش هو اتخلق ليه
أوعى تنسى أن أغلب حياتك هتلاقيها كده مجاهدة للنفس
وما أصعبها!!
لكن ماتفكرش أنك كل ماتجاهد نفسك يبقى أنت كده فاشل علشان مش عارف (تشكمها)
لا أنت هتلاقي نفسك أغلب الوقت كده
نفسك عايزة تعمل.. وأنت بتقولها لا!
بس اشغل نفسك بقى بالطاعة
عارفين لما واحد يبقى في شغل معين وخلاص متعود على الناس اللي فيه وبعد كده يتنقل شغل تاني
بيبقى مش واخد على الناس هناك
لكن هيفضل كده على طول؟
لا
وفي نفس الوقت لو لقيتوه رجع شغله الأول تاني علشان مش عارف يتكيف مع الناس التانيين
هتقولوا عليه إيه؟؟!!
أنت بردو لما تسيب طريق الذنوب اللي ماشي فيه وتتوب وتبدأ تمشي في طريق ربنا ماتفضلش واقف مكانك
كل اللي بتفكر فيه..ارجع..ماارجعش
ماينفعش كده مش هتعمل حاجة
ابدأ اشتغل
ابدأ اندمج وتكيف مع الطريق الجديد
ليه ماتبقاش أنت اللي بتصحي أصحابك الفجر؟؟
ليه ماتبدئيش في أصحابك تغيري لبسك؟؟
ليه ماتعملش أسرة في كليتك تعملوا فيها خير؟؟
دخل نفسك أووووي جوة الأماكن الصالحة واللي فيها خير
علشان تاخد عليها وماتبقاش عايز ترجع
واهو كلها كام يوم أو كام شهر أو كام سنة ونمشي من الدنيا دي وخلاص
فنصبر شوية علشان نعمل اللي احنا عايزينه في الآخر
نسأل الله أن يثبت قلوبنا على طاعته
تعليق