عرفت اللى حصل؟؟؟؟؟؟؟؟؟

[روضـ الحياة ــة]

السلام عليكم ورحمة الله وبركاته

عرفت اللى حصل؟؟؟؟؟؟؟؟؟

ياعمو عرفت اللى حصل فى غزة
يا بنى سبنى أنا ملبوخ فى جهاز عزة

وانتى يا حاجة شوفتى اللى بيحصل
يا بنى مش شايفنى بتفرج على المسلسل!؟

تعالى يا ميدو رايح فين
مخنوق عايز أقولى كلمتين

يا حبيبى مضايق علشان فلسطين
ياعم انتا شوفت المطش دا كان طين

تعالى قولى انتا يا تامر دا انتا الكبير
سمعت آخر شريط ل ....ده كان خطيييير

طب قوليلى انتى يا عزة آخر الأنباء
أما أنا لقيت حتت موقع أزياء

فهمنى انت يا أستاذ رؤوف
أرجوك اعمل فيا معروف

بعدين بعدين خليك بعد الإمتحانات
يعنى على ما يكون الباقى منهم مات

طب انت يا دكتور أشرف
أنا أعرف انك راجل مثقف

يا بنى خليك بعيد الموضوع ده كبير
ااااه على ما أصحى ألاقى يهودى جمبى على السرير!!!


متستبعدهاش يا بنى خلاص
الوطن العربى بقى محتاس

عند حق يا جدو مختار
بقينا صغيرين بعد ما كنا احنا الكبار

بس هنرجع تانى يا بنى متقلقش
بس هنُستعمل ولا هنُستبدل معرفش

يا جدو نفسى أشوف المسلمين حاجة تانية
تبقى راسهم فوق فى السما عالية

وكلنا نحس ببعض شوية
مش كأن اللى بيحصل فى غزة ده حاجة عادية

الأب اللى عينه فى الشغل طالعة
يدوب يروح يريح ويتفرج ع شوية مصارعة

والأم اللى الصبح مشغولة فى شغلها وشغل الدار
وبالليل قدام الدش والأخبار

والشاب اللى بيشيت أو يتفرج على مطش
لكن يحس بأخواته فى غزة ميعرفش؟!

والبنت اللى عايزة تطول شعرها
لكن تتبرع بجنيه لاخواتها فى غزة ولا يهمها

يا جماعة تعالوا نحس ببعض
هما ليهم غيرنا مين فى الأرض

لو مش عارفين نحارب معلش
تعالوا ندعى ونقاطع ونتبرع مانقفش

ميجراش حاجة لو مشربتش بيبسى وكلت هوهوز
الحق قبل ما بلدك انتا كمان تبوظ

خد بالك يا اللى بتشربها وانتا عطشان
لحسن تلاقى فيها ايد طفل فلسطينى يا إنسان

اه انت فعلاً إنسان
ولا نسيت الكلمة دى كمان

بعد ما سبت أخوك يتقتل بفلوسك
جزاءك واحد إسرائيلى برجله يدوسك

لو أخوك فى شقته واحد حرامى سرقه وقتله
مش بس كده قتل ولاده وانتهك عرضه

هتروح تشترى من الحرامى وتديله مالك
علشان بعد أخوك وابن عمك يجى يقتل عيالك

يا عم فوق بقى وبطل غباء
بدل ما عمرك وعمر ولادك يضيع هباء

فكر قبل ماتشترى لما تتسأل هتعمل ايه
قدام ملك الملوك هتجاوب بإيه؟

اه انا اشتريت المنتجات دى لمزاجى وبمزاجى
واديت فلوسى لليهود علشان يقتلوا أخواتى؟؟؟!!!

فكر..فكر..فكر..بعقلك
متخليش الشيطان يتمكن من قلبك



بجد بقى عايزين نعمل حاجة ازاى منعملش حاجات مش حاجة
يلا نفعل المقاطعة مش بس احنا اللى نقاطع لا نشجع على المقاطعة
شجعى اصحابك لو حد جه يشترى حاجة قدامك امنعى احلفى عليه ازعلى منه وسيبه وامشى
اخواتك قوللهم وشجعيهم
لو ليكى اخوات صغيرين امنعيهم ولو بالهزءة
قرايبك
المحلات اللى فاتحة فى شارعك او اللى تعرفيهم قولله حتى لو من الناحية الدنيوية شوفى المكاسب والناس اللى هتجيلك إن شاء الله لما تعلقى ورقة على باب المحللاللمنتجات الامريكية واليهودية

قولى لاى حد هما بتقطعوا ويموتوا هناك واحنا مرتاحين هنا وكمان بندفع فلوس علشان نموتهم

يلا يابنات نعملها حملة وشعارنا فيها قاطع وانقذ اخوك

أا اسفة على الاطالة انا عارفة ان فى ناس عندها امتحانات على فكرة انا كمان عندى امتحان بكرة إن شاء الله (ادعولى بقى ) ليه منتسغلش دى فى اننا نفعل المقاطعة يعنى فيها ايه لو طبعتى ورقة المقاطعة فى موضوع ورقة للمقاطعة فى منتدى الصور والفلاشات
او هنا على طول حتى
http://www.islamup.com/view.php?file=227d5597c6

فيها ايه لو صورت 50نسخة بخمسة جنيه ووزعتيهم
يلا بقى يا نشتغل

ويا ريت تنقلوا الموضوع ده فى اى منتدى بتدخلوا عليه

كلمة اخيرة إن شاء الله
فنشيد صمتاً فى جملة بتعجبنى اوووووووى

أين الذين تهزهم أحزانى؟

[معتزه بدينها]

رد: عرفت اللى حصل؟؟؟؟؟؟؟؟؟

اسلوب مميز في الطرح
صدقتي في كل كلمه قلتيها
حرم الله يدك عن النار
وجزاك خير الجزاء

[راجية_الفردوس]

رد: عرفت اللى حصل؟؟؟؟؟؟؟؟؟


جزاكى الله أختى موضوع مميز فعلا بارك الله فيكى

[وفاء الفلوجة]

رد: عرفت اللى حصل؟؟؟؟؟؟؟؟؟

جزاكِ الله بكل خير اختي على الطرح الطيب
ولا حول ولا قوة الا بالله
وحسبنا الله على كل مُتخاذل وعميل

[غفرانك ربي]

رد: عرفت اللى حصل؟؟؟؟؟؟؟؟؟

جزاكِ الله خيرااا

[متمنيه الجنه]

رد: عرفت اللى حصل؟؟؟؟؟؟؟؟؟

جزاكى الله خيرا

اللهم انصر الاسلام وأعز المسلمين

[نداء الحق]

رد: عرفت اللى حصل؟؟؟؟؟؟؟؟؟

[dr_amonna]

رد: عرفت اللى حصل؟؟؟؟؟؟؟؟؟

جزاكم الله خيرا
ربنا يكرمك فى الامتحانات

[*حجابى حيائى*]

رد: عرفت اللى حصل؟؟؟؟؟؟؟؟؟

بسم الله ما شاء الله
جمييل اووى يا روضه

انا بحب اكتب برده
بس مش زيك كده

دى جامده جداااااااااااااااااااااااااااا

[أم المجاهدين]

رد: عرفت اللى حصل؟؟؟؟؟؟؟؟؟

جزاكِ ربى خيراً أختنا
وبارك فيكِ
وأعاننا وإياكِ على العمل لدين الله
اللهم آمين

[خـادمـهـ لديـن الله]

رد: عرفت اللى حصل؟؟؟؟؟؟؟؟؟

جزاكِ الله خيراً
وربنا ينصر الإسلام والمسلمين فى كل مكان وينتقم من اليهود ومن عاونهم إنتقام عزيز جبار.آمين.

[(أم عمار)]

رد: عرفت اللى حصل؟؟؟؟؟؟؟؟؟

جزاكى الله خيرا

اللهم انصر الاسلام وأعز المسلمين

["بنت الإسلام"]

رد: عرفت اللى حصل؟؟؟؟؟؟؟؟؟

جزاكِ الله خيرا
اللهم انصر الاسلام وأعز المسلمين
اللهم آآميـــن
كلمات بسيطة لكنها عبرت عن الكثير من مآسات أمتنا اليوم
الله المستعااااااااااااااااان
بوركتِ اخيتى

[اسراء حفيدة الزهراء]

رد: عرفت اللى حصل؟؟؟؟؟؟؟؟؟

جزاكِ الله خيرااا
اللهم انصر الاسلام وأعز المسلمين
اللهم آآميـــن

["نور"]

رد: عرفت اللى حصل؟؟؟؟؟؟؟؟؟

جزاكِ الله خيرا
اللهم انصر الاسلام وأعز المسلمين
اللهم آآميـــن
بتهيألي كل اللي احنا فيه دلوقتي من تهاونل في حق إخوانا
نذوق ما ذاقوا!
الله المستعان