عقبات على طريق الدعوة

[يمامة المسجد]

:LLL:


أكيد كل واحد فينا بتقابله مشكلات في الدعوة صح ..... ؟؟؟؟؟؟؟؟؟؟

ممكن تكون مشكلات بتواجه الداعي نفسه

أهم المشكلات دي مشاكل نفسية لا تساعده على إتمام طريقه وتوصيل دعوته

أو مشكلات بيسببها الداعي للدعاة

ليه كل واحد فينا مايقولش إيه مشكلته ونحاول نحلها مع بعض

أو لو هو حلها يقول إزاي حلها

مين هيبدأ

أنا هبدأ

[يمامة المسجد]

السلام عليكم ورحمة الله وبركاته

أول مشكلة بتواجهني انا

هي مشكلة إني باخد موقف من الي أمامي

بمعنى

إني لما بلاقي بنت مثلا مش محجبة

في بداية الامر ونظري لها من الاول من غير مااكلمها

صراحة بشعر إني متضايقة جدا

ومش قادرة اكلم معاها

طبعا ممكن البنت دي اعرف ان قلبها كويس وهي كويسة

بس محتاجة يد تمتد ليها

لكن انا يعني مش بباه قادرة أكلم معاها

الا اذا احتكيت مباشرة بيها

وأبدا اكلم معها عادي

يعني انا ممكن أوزع ورق

لكن البنات الي هن بنشوفهن انا بحث فعلا اني باخد موقف منها

يمكن لاني بمقدرش اكلم بنت غير بشعور معين ، حب في الله مثلا

لكن انا بمقدرش امثل الشعور ده

يعني بمعنى اصح مش بقدر اطلع الكلام غير من قلبي

المشكلة دي معايا من زمان

وحاولت كذا مرة احلها بكل الطرق

طبعا انا عارفة كون ان ربنا اعطاني الي انا فيه

ده فضل منه

وكنت ممكن اكون اقل من اي حد

لكن هي المشكلة معي هي البداية

بس بداية اكلم معاها وأصاحبها

لكن فعلا بشعر بالموقف حاجز

ياترى انا وصلت مشكلتي صح ؟؟؟؟؟؟؟

صراحة الموضوع ده بيحسسني جدا بالخجل من نفسي جدا وصعب اقوله وكل الناس تشوفه كده

بس انا فعلا محتاجة حل فعال

حد باه يرد علي

[mero]

وما أرسلناك إلا رحمة للعالمين ----- وإن كنت فظا غليظ القلب لانفضو من حولك

اختى الغاليه يمامة المسجد

أنا ورايا امتحان كمان ساعه بس مش خساره فيكى الوقت .... يلا ماهى سيبه :p


هكلمك بحكم مجالك ... لما تنتهى من الدراسه بإن الله وتبقى دكتورة وفاتحه عياده اد الدنيا .....إلخ

جالك العياده واحده تعبانه ا ... إنتى هتكرهييها؟؟ هتاخدى منها موقف؟؟؟ هتحسى بحساسيه من ناحيتها ؟؟؟

أنا مش بقلل من قدر الغيرة اللى انتى فيها لحرمات الله اللى بتنتهك ..... إنتى المفروض هتشفقى عليها لانها نعبانه مش كده؟ انا عارفه قبلك أبيض إكسترا : ) ، إنتى بتشفقى علها من المرض اللى فيها ، لكن بدون المرض ده .... عادى

بالظبط المتبرجه دى .. إنتى تكرهى فيها التبرج بتاعها مش تكرهييها نفسها ..لانها مسلمه والرسول ماتصلى عليه (صلى الله عليه وسلم ) قال : لا يؤمن أحدكم حتى يحب لاخيه ما يحبه لنفسه ... هتقوليلى دى مش أختى .. هقولك لا .. أختك لانها مسلمه ..

بالنسبه لطريقه الدعوه معاها حسب درجتها .. يعنى الللى بيبقى عنده برد بنديله دواء خفيف على اد البرد .... لو سخن وبيكح وبرد بياخد دوا اعلى .... لو تعابان و... و... و .... بيتعمله جراحه .. انتى ادرى منى فى الحاجات دى

فا البنت حسب درجه تبرجها تبقى دعوتها (( واقصد بكلامى البنات اللى انتى معاهم على طول او متابعاهم فى الدعوه ))

أما البنات اللى مش بتكونى معاهم على طول يكفى الشريط او الكتيب أو الورقه اللى بتوزعيها مع كلمه طيبه ترقق القلب .. لو مافيش كلمه طيبه .. يبقى ما تتكلميش أحسن ..

ولازم تغيرى من نفسك وتحولى .. الغضب ده لشفقه ..واعلمى ان قلوبنا بين اصبعين من اصابع الرحمن ( ليس كمثله شىء وهو السميع البصير ) يقلبها كيفما يشاء بالكيفية التى يشاء .... اللهم يا مقلب القلوب ثبت قلوبنا على طاعتك .. كذلك كنا من قبل .. هتقوليلى مش اوى يعنى زيهم .. هقولك ده من لطف ربنا بينا

وحطى نفسك مكانها .. شوفى ايه اللى تحبى تسمعيه وتقوليهولها ... وإياكى تكونى بتحبى تسمعى للشيخ يعقوب زى حلاتى تبقى مشكله .. يعنى خلى دعوتك بالرحمة ..... وأصبرى ... اضغطى على أسنانك .. من تحت النقاب مش مهم .. لكن ما تحسسيش البنت انها اققل منك فى حاجه ... وكلمه تطيب خاطرها فى الاخر قوليلها وابقى ادعيلى ..

وربنا يعينك ويوفقك للخير.. يارب اكون فدتك بحاجه

[يمامة المسجد]

السلام عليكم ورحمة الله وبركاته

ماشي ياميرو

عندك بعد ساعة امتحان وقاعدة نت ، اها عشان كدة مجاتيش الدرس

ربنا يوفقك في الامتحان وتجيبي كمان امتياز

وربنا يكون في عون طنط ، طبعا لا اقصد شئ

والله ياميرو انتي عرفاني وفقساني

لكن بجد دي اصبحت مشكلة عندي

والله الكلام ده كله عرفاه

واكتب فيه كتاب

وسئلت فيه كتير

بس صدقيني المشكلة عندي مش في الدعوة

ولا المشكلة عندي اني اقولها كلمة حلوة

المشكلة بجد انا باخد حتتة موقف

اساسا بحس اني بجبر نفسي وبالقوة اقول سلام عليكم

طبعا ده غلط مني

وانا بعتبر نفسي على شفا جرف هار

لاني انا ممكن أكون في مكانها في أي لحظة واسوء

هي بس البداية والباقي يباه زي الفل

يعني دكتورة سمية قالتلي من بعدي قوليلها مثلا فيه درس واجري عشان متتاثريش

لكن اقول مين فيه درس ولا ، انا اساسا المفروض اشرح فقه الصلاة ليهم ، وحجاب الصلاة

وانا بحاول استلقط منهم الي بلاقيه في المسجد بتاع الكلية كدة بحس انهم كويسين وهيتقبلوني

يمكن اخاف يتريقوا

بس انا متأكدة انهم ميقدروش ولا يجرؤا

بس انا الي مضايقني الشعور ده

انا اساسا مش فاهماه

ياترى حاسة اني احسن منهن مثلا

يباه خلاص اقول على نفسي السلام

بس والله خلاص معتش قادرة

في كل مكان فيه معصية

انا ساعات ارجع من الدرس من كلية أداب ليلا

احس اني خلاص مش عارفة اوصف

بس بجد احساس بالحنق والضيق علينا قبل عليهم

مش فاهمة ليه وصلنا لكدة

درك التدهور الي وصلناله مخذي جدا

كان الاصل هو عدم الدين


سبحان ربي

صراحة الواحد مفتقد كلام دكتور حازم وتشجيعه

[أم حمزه]

:LLL:


حــــــبايب قلبي وحشتونىىى اوىىى

يمامة الموضوع ده جامد جداااا وانا فعلا محتاجاه اوىى : (

مشكلتي (( اني بتكسف أبدأ كلام مع واحده مش عارفاها وببقى عايزة واحده معايا هي تبدأ الكلام وانا بعدها اكمل بقىى وأقول كل اللي ف نفسي ))
أنتــــــــوا ايه رايكم ف حكايه الكسوف دي وأزاي أقدر اتغلب عليها .. لان المشكله ان ده طبع فيا بتحرج ابدا الكلام انا والحكايه دي مضايقاني اوىىى لان الفرصه بتكون متاحه ليا كتير ف الكليه وف المحاضرات وببقى عايزة اكلم اي بنت تقعد جمبي بس بسكت ومش بعرف ابدا كلام وضميري بيأنبني كتير .. عشان ببقى شايفه ان البينت دي محتاجه فعلا حد ياخد بايديها لكن انا بفضل ساكته ))
باللــــــــــــــــــه عليكم اعمل ايه ...: (

ميرو وو.. شدي حيلك يا قمر .. هاااااااااااانت .. الحكايه كلها كام كلمه وهيخلصوا .. أستعيني بالله يا حبيبتي وهتلاقي كل حاجه تمام وسهله معاكي : )

[mero]

بتقولى ممكن اخاف يتترقو ا ...... إنتى تطولى يحصلك حاجه حصلت للنبى ...... هما آخرهم ايه هيرموكى بحجاره ؟؟؟؟؟ هيمشو وراكى ويقولو مجنونه؟؟؟؟؟ لا طبعا ...... ده حصل لحبيبك النبى ( صلى الله عليه وسلم )

على فكره يا يمامتى هى فعلا مشكله فيكى وسهل على فكره تغيرى من نفسك ..... و سهل اى كمان بالذات لو كان التغيير ده عشان تنبهى الناس ان حبيبك (ربك) شايفهم .

ربنا يهديكى ويهدى بيكى ويجعلك سبب لمن اهتدى ويطلق لسانك ويجعلك من الدعاة الى الجنه

[mero]

دعواتك بقى يا سويت .. والله انتى وحشانى مووووووت .. ربنا يجمعنا تحت ظل عرشه يوم لا ظل الا ظله فأنا وربى احبكن فى الله

بصى يا ستى حكايه الكسوف دى مع واحده معاكى على طول ممكن تصاحبيها وتتكلمى ودى بتبقى سهل اوى تكلميها لما تصاحبيها ، لو غريبه عنك بقى مره فى مره وربنا يعين الجميع

[يمامة المسجد]

وعليكن السلام ورحمة الله وبركاته

والله ياسوييت حكاية الكسوف دي بس محتاجة مرة او مرتين تتغلبي عليها بنفسك ، وتجربي كدة ، وتبدأ ، بس ، وهي تمشي معاكي زي الفل ، وأعتقد حل مشكلة في كدة برضة ، اعصر على نفسي ليمونة ، وأبدأ اكلم ، طبعا ليمونة عشان اتغلب على نفسي مش عشان انا مقروفة منهم

الله المستعان ، بس الدعاء بس

[3alia2]

السلام عليكم ورحمة الله وبركاته

والله يا بنات انا بحبكم فى الله
والموضوع ده طبعا من المواضيع المهمة جدا فى حياتنا اللى لازم نتمرن عليها كتير
انا بقى مشكلتى ان انا مش بعرف ابدأ مع اى واحدة مثلا منين
بس انا رايى ان اول الكلام يبقى عن الجنة لازم الناس الاول تعرف الجنة ونعيمها عشان تعمل لكده
زى مثلا لما يكون الواحد بيشتغل مثلا فى حاجة معينة لما يعرف مثلا ثمن الشغل ده او اللى هيحصله من الشغل ده
اكيد الوضع هيكون مختلف بالنسبة للى مش عارف
( لمثل هذا فليعمل العاملون )
انا الحمد لله حكاية الكسوف دى مش قوى يعنى ممكن اتكلم مع اى واحدة عادى الحمد لله
بس المشكلة هى البداية وبردو الموضوع ده تبع اللى قدامك ساعات تحسى بواحدة كده ان هى كويسة وهتتقبل كلامك
فتبدئى فى الكلام معاها بس طبعا مش تدخلى كده فيها على طول
لازم كلام عادى الاول انتى اسمك ايه فى كلية ايه وكده يعنى الكلام ده لو انتى مثلا فى المواصلات وقدامك طريق طويل
انما بقى لو لايتيها واحدة كده ايه هتبصلك شذرا اول ما تكلمى يبقى ساعتها نكتفى بورقة مثلا معاكى توزيعها او كتيب او شريط
ولازم دايما يكون فى شنطتك الوسائل دى
ساعات بنسى والله ببقى هاجنن

الله المستعان

[3alia2]

اه يا جماعة نسيت اقولكوا على حاجة

الحلقة اللى فاتت فى قناة الناس للشيخ محمود المصرى (فضفضة) يوم الاتنين كانت رائعة
كان بيتكلم عن الحجاب ( اختاه وقفة مع النفس ) وليه شريط بردو بنفس العنوان بس بجد رااااااااائع جدا
وده اللينك http://www.islamway.com/?iw_s=Lesson...esson_id=31178

وكمان قال المرة الجاية انه هيقول كيف تدعى اخت غير محجبة للحجاب اكيد هيبقى درس مهم انصحكم بمشاهدته
يوم الاثنين الساعة 9 ان شاء الله فقط على قناة الناس
وجزاكم الله خيرااااا

[mero]

على فكره يا بنات بإذن الله الشيخ محمود المصرى ربنا يكرمه يوم الاتنين على قناة الناس الساعة 9 هيشرح ازاى البنت تدعو بنت غيرها .. ياريت تشوفوها .. ان شاء الله يكون فيها حلول كويسه لمشاكلكو

[رحمته أرجى لى]

موضوع رائع

السلام عليكن أخواتى الحبيبات
أنا أحبكن فى الله
ووالله أنا فيه كل العيوب اللى قولتوها 00كسوف 000مش عارفة أبدأ إزاى
وغير كده لما بتجرأ وأتكلم كل الكلام بيطير من دماغى
بس أنا مؤمنة إن أنا بالتمرين حبقى كويسة
المهم أبدا مرة بس 00ادعوا لى
بس أنا الحمد لله بوزع شرايط ومطويات بس حاسة انها مش كفاية مش كده؟
على فكرة أختى النهاردة أول يوم تخرج بالإسدال ادعولها يارب يثبتها لحسن أنا خايفة عليها أوى لأنها مش داخلة بقوة
لسه عايزة تتشيك وتلف طرح ملونة وكل شوية تقولى أنا ماتغيرتش أنا زى مانا لبسته بس
مش عارفة ليه كده رغم إنها مقتنعة أنه ده الصح
اللهم اهدى شباب المسلمين وبنات المسلمين أجمعين
والسلام