Tweet
لو انت بتشتغل في شركة وبتتعب في الشغل
ومديرك شايف تعبك
اكيد آخر الشهر هتبقى مستني إنه يكافئك وممكن كمان يزود مرتبك
بعد ماتعبت في الشغل
هتقبض كام آخر الشهر؟؟
ولو أنت مسافر تشتغل وكل ماتقبض تحول الفلوس على بلدك
وكل ماتشوف في البلد اللي بتشتغل فيها عربية نفسك تركب زيها
أو بيت نفسك يبقى عندك زيه
تقول لا مش هصرف هنا فلوس كتير عشان لما ارجع بلدي
اتمتع بفلوسي اللي حوشتها طول سنين الغربة والتعب
وابقى اجيب كل اللي نفسي فيه
طيب ما أنت فعلاً مسافر في غربة وفي يوم هترجع لبلدك
كنا في الجنة في صلب أبينا آدم عليه السلام، ثم خرجنا من الجنة وأبعدنا من الجنة إلى هذه الدار التي هي دار غربة
وحبيبك محمد صلى الله عليه وسلم قال
"كنْ في الدُّنيا كأنَّكَ غريبٌ أوْ عابرُ سبيلٍ"
الراوي عبدالله بن عمر المحدث: الألباني - المصدر: صحيح الجامع - الصفحة أو الرقم: 4579
خلاصة حكم المحدث: صحيح
احنا في الدنيا في غربة بنشتغل عشان الآخرة
ياعني تخيل كل ماتشوف صحابك بيسمعوا أغاني وبيكلموا بنات
و...
وانتِ لما تشوفي صحابك اللي لابسة على الموضة وحاطة ميك اب
وبتتفرج على مسلسلات تركي وأغاني و...
وتقولوا لا هنسيب كل المعااصي دي من أجل ربنا
هنسيب شهواتنا في الدنيا عشان ربنا يعوضنا في الآخرة
بعد ماتعبت في الدنيا في ترك المعاصي
أجرك هيكون قد ايه في الآخرة؟؟
لما في الشتاء تصحى تصلي قيام الليل والفجر
وتتوضى بماية ساقعة وتصلي القيام وتنزل تصلي الفجر في المسجد
وتتعب في حفظ القرآن وتسهر تراجع حفظك
و....
أجرك هيكون قد ايه في الآخرة؟
كل ماتحس بكسل عن الطاعة أو الشيطان يوسوسلك تعمل معصية
افــتكر إن الطاعة دي ممكن تكون سبب دخولك الجنة
والمعصية ممكن تكون سبب دخولك النار
افتكر إنك بتشتغل في الدنيا وبتتعب عشان ربنا
وعشان في الآخرة بعد ماتروح وطنك (الجــنة بإذن الله)
تتمتع بكل اللي سبته من أجل ربنا
مثلاً الخمرة اللي يشربها في الدنيا يتحرم منها في الآخرة إن لم يتوب
أنت بتذكر ربنا وهتشوف أجرك في الجنة
مثلاً (لاحول ولاقوة إلا بالله) كنز من كنوز الجنة
و(سبحان الله العظيم وبحمده) بنخلة في الجنة
اتعب هنا في الدنيا عشان تـرتاح هناك في الجنة
خصص من وقتك كل يوم ربع سـاعة على الأقل
واقعد اذكر ربنا والأجر في الجنة بإذن الله
قصور ونخيل وأشجار وكنوز و...
أقرأ قرآن والحرف بعشر حسنات
تخــيل حرف واحد بعشر حسنات
يالله ياكريم يارب
أكثـر من الأعمال الصالحة
واعرف فضلها واعرف صفات الله
اللي بتتعب عشانه و وصف الجنة جزائك بعد التعب في الدنيا
بإذن الله
http://www.youtube.com/watch?v=wrBhJyyxfd4
تعليق