Tweet
افضل ايام الدنيا
طب انا عاوز افوز بافضل ايام الآخرة
يبقى فوز بأفضل ايام الدنيا
يا جماعة لما ربنا سبحانه وتعالى بيقول
وَوَاعَدْنَا مُوسَىٰ ثَلَاثِينَ لَيْلَةً وَأَتْمَمْنَاهَا بِعَشْرٍ} [الأعراف/142]
كثير من المفسرين قال أتممناها بعشر اى عشر ذى الحجة
يعنى عشر ذى الحجة كان سيدنا موسى على جبل الطور يعبد الله ليل نهار عليه الصلاة والسلام ،،
اتممناها بعشر اللى هى عشر ذى الحجة سبحان الله العظيم !!
يعنى عشر ذى الحجة دى العلماء اتكلموا فيها كلام فى غاية الخطورة هذه هى الايام التى بنى فيها ابراهيم الكعبة لله هذه هى الايام التى كان موسى على جبل الطور يعبد الله
وتسلم فيها التوراة واخذ فيها التوراة من رب العالمين هذه
الايام العظيمة التى يهتف الناس فيها من كل اجزاء الارض
لبيك اللهم لبيك
لبيك اللهم لبيك
دى أيام تلبية لله
ايام كل الخلق بيقولوا لربنا جايين يارب مقبيلن يارب تائبين
يارب معظمين يارب
هذه الايام العظيمة افضل ايام الدنيا
تخيل بقى افضل ايام الآخرة والواحد مثلا فى خيمة فى الجنة لؤلؤة ستين ميل طول فى ستين ميل عرض يعنى تسعين كيلو فى تسعين كيلو الشقة اللى كانت بتتباع فى القاهرة بخمسين مليون جنيه
كان مساحتها الف متر تخيل انت ساكن فى شقة فى الجنة مساحتها تسعين كيلو متر تخيل دى تمنها ايه اصلا ولا مين اللى يعرف يجيب تمنها اصلا
مهما حصل
وانت فى الجنة تلاقى نداء : يـــــا أهل الجنة ان الله يستزيركم ان تزوروا ربكم تروح تلاقى فى منابر من نور وراها عروش من دهب وراها كثبان من مسك فيجلس النبيون والشهداء على منابر النور
ويجلس الصديقون والصالحون على عروش الذهب ويجلس باقى الخلق على كثبان المسك
ثم يُكشف الحجاب فينظر الجميع الى وجه الله فما أُعطوا شيئا فى الجنة أحب اليهم من النظر الى وجه الله يعنى عاوز اقولك ايه عاوز اقولك ان ده افضل ايام الآخرة عايز تفوز بأفضل ايام الاخرة اجتهد فى افضل ايام الدنيا يعنى هذه الايام بكرة هنعرف هى غالية اد ايه عشان كده
ربنا بيقول :
وَالْفَجْرِ * وَلَيَالٍ عَشْرٍ
ربنا بيقسم بعشر ذى الحجة والعظيم لا يٌقسم الا بعظيم
،،
دى ايام كل ليلة فيها ربنا اقسم بيها فى القرآن عشان كده
ربنا بيقول والفجر اعظم عبادة فى اليوم
وليال عشر اعظم عبادة فى السنة والشفع والوتر الصلاة والليل اذا يسر
قيام الليل
هل فى ذلك قسم لذى حجر هو فى واحد عاقل ميعرفش قيمة الطاعات دى وقيمة المواسم المهولة دى !!
عشان كده ربنا بيقول فى آخر السورة فى آخر سورة الفجر دى بيقول :
{ كَلَّا إِذَا دُكَّتِ الْأَرْضُ دَكًّا دَكًّا } [الفجر/21]
ياربى !!!
يقولك مثلا هتلر دك فرنسا فى الحرب العالمية التانية لفظ صعب جدا كإن ربنا بيقولنا انتوا متعرفوش الارض دى حصل عليها ظلم اد ايه حصل عليها معاصى اد ايه فيوم القيامة الارض دى بتدك
{ وَجَاءَ رَبُّكَ وَالْمَلَكُ صَفًّا صَفًّا } [الفجر/22]
زى الجيش كدة لما ييجى يقف صفوف كدة الملايكة واقفة صفوف
{وَجِيءَ يَوْمَئِذٍ بِجَهَنَّمَ يَوْمَئِذٍ يَتَذَكَّرُ الْإِنْسَانُ وَأَنَّى لَهُ الذِّكْرَى} [الفجر/23] { يَقُولُ يَا لَيْتَنِي قَدَّمْتُ لِحَيَاتِي} [الفجر/24]
ساعتها يقول يارتنى ما ضيعت موسم من مواسم العبادة دى يارتنى كنت اغتنمت الفجر والليالى العشر والشفع والوتر والليل اذا يسر اللى هو وقت قيام الليل التلت الاخير من الليل يارتنى ما ضيعت المواسم دى يارتنى كنت عرفت قيمتها
ياليتنى قدمت لحياتى
مقطع
للتحميل
للشيخ حازم شومان
تعليق