مجموعة ( هـ ) ~ دورة تنظيم الوقت

[om abdulrahman]

رد: مجموعة ( هـ ) ~ دورة تنظيم الوقت

السلام عليكم ورحمة الله وبركاته
كيف حالكم يا أخوات ؟؟
محدش رد ليه ؟؟
ـــــــــــــــــــــــــــــ
عملتوا ايه ؟
ــــــــــــــــــــــــــــــ
بالنسبة لمناقشة الدرس الثالث
1: حسن الإستفادة من الوقت
الأخت الغيورة أعطت مثال إن اللى بيركب مواصلات ممكن يستغل الوقت ده فى المذاكرة أو يقول الأذكار
بالنسبة لربات البيوت إحنا ممكن نعرف كل ذكر يأخذ مدة أد ايه وأثناء الطبيخ ، الكوى ، ترتيب المنزل ممكن نقول الأذكار ، كل ذكر مدة معينة
أو أسمع قرآن أو محاضرة فى أثناء ذلك

[ama moslima]

رد: مجموعة ( هـ ) ~ دورة تنظيم الوقت

حآفظي على وقتك حجمي علاقاتك ..
النت بدخله في وقت العمل لما مبيكونش عندي شغل لاني معظم وقتي في الشغل لاني مبروحش البيت وقت الغدا يعني من الساعة ٨ بالصبح لغاية ٧ بالليل التوقيت ده مريحني لانه في البيت زوجات اخواتي الاثنين وطريقة تفكيري مختلفة عنهم هما عوزين يتفرجوا في مسلسلات تركية و برامج متنوعة في ترفيهي وكدا يعني مبقاش مستريحة معاهم مفيش لا ام ولا اب ولانه اخي و اختي مبيجوش هما كمان البيت بالنهار عشان ظروف العمل و الواصلات حتلاقو لهجتي شوية متغيرة عنكم سامحوني و حاولوا تفهموني لاني مغربية
المهم بالنسبة للجيران مرتبطة بجارة واحدة رغم انها اكبر مني في السن و متزوجة وعندها اولاد لانها فاهماني و بتقدم لي نصائح عشان امي بعيدة عني في بيت ثاني هي وابوي
وأصدقاء لي صديقة واحدة باحكي ليها كل حاجة بتحبني و لكن تتكللللللم كثيييير ماقدرش اقول لها حاجة بخليها تتكلم براحتها عن ظروف عملها و عن اخوها و بنات اخوها و عائلتها بالكامل بس هي كمان بتسمعلي و طبطب علي فانا بحبها كمان و هي عزيزة على قلبي بلاش كلام كتير
انا بتكلم في الحاجات اللي تفرحني ,اكتب الاشياء اللي بتوجعني كنت بشوف البنات في المدرسة ولا حتى في البيت بيتكلموا بيحسسوني اني مش عادية و كنت احاول اتكلم زيهم في كل حاجة حتى في الناس بس لما التزمت اصلي التزمت في شعبان و البست الخمار الحمد لله عرفت اني عدم الكلام و خصوصا الكلام في الناس نعمة كبيرة ولله الحمد
قللي وقت النوم
على حسب ظروف العمل فانا لازم اصح الساعة ٧و٣٠ ما عدا يوم الاحد اللي هو يوم الاجازة لكن المشكلة هي مبنامش بدري
ترتيب أولوياتك اليومية
أول خطوة في التنظيم ..
أعمال يومية
العبادة والصلاة ،قراءة سورة الملك، الذكر، الشغل ، شغل البيت ، أذكار الصباح و المساء والنوم، ورد قرآن وحفظ و دورات تعليمية و قراءة جزء من كتاب
أعمال دورية

كل أسبوع :
غسيل
باعمل حمام مغربي حناء و صابون بلدي و ليمون بس مش كل اسبوع،
صيام الاثنين و الخميس
قراءة سورة الكهف، زيارة احد
و خروج للسوق لشراء حاجة
كلشهر
صوم ١٣-٤- ١٥ من كل شهر هجري

[باسمك أحيا]

رد: مجموعة ( ب ) ~ دورة تنظيم الوقت

مناقشة الدرس الثاني

1- الاصحاب

انا طول عمري مش عندي اصحاب كتيير احكي معاهم

تقريبا هي واحدة بس كنت بحكي معاها ... كنت انا بتصل ونقعد نرغي وخلاص

بس دلوقتي بطلت اتصل بحد خااااالص

مش عارفة انا اتغيرت ولا هما اتغيروا بس مابقيناش نافعين لبعض خلاص ... توجهاتنا اختلفت تماما ... واتفرقنا ف الكليات .... فانقطع الكلام ... ماعاد الا السلام

دلوقتي بقى المشكلة ف الناس اللي بتتصل بيا

كل واحدة عاوزة تحكيلها ساعتين تلاتة

وانا بكره الحكاوي ف التليفون ... ف أحيان كتير بسيبه ف الاوضة وامشي ولما حد يرن اقوله مخدتش بالي

واحيان مش برد اصلا

ودي مشكلة

رأيكم اقفل التليفون؟؟؟؟؟؟

ماهي دي المشكلة
بصي بتوع التنمية البشرية وادارة الوقت بيقولولك اهم حاجة تتعلمي كلمة "لأ"
لنفسك اولا وبعدين للناس
ومتبقيش مستباحة
كانت واحدة اخت اعرفها تقول بطلوا تعملوا نفسكم "تاكسي"
اللي جي كده واخدة في سكته واللي جي كده واخدك في سكته
حياتك هي ترفيه للآخرين
فحجمي الموضوع
لا تقطعي معاهم خالص
ولا تسيبي وقتك كده
وفرقي بين الاخت اللي فعلا عندها مشاكل ومحتاجة مساعدتك
والأخت اللي بترغي عالفاضي

2- فضول الكلام

نفس الحكاية اللي فوق


3- مفيش وقت

بالتنظيم اكتشفت ان الوقت كتيييييييييييير جدا



4- متخليش حياتك تافهة (وقت النت)

دي المشكلة بقى

انا بقيت تقريبا مفيش حاجة تافهة بعملها

يعني ربطت نفسي بالتزامات كتييير بحيث اني لما ادخل الوقت يدوب يكفي الشغل

بس بردة احيانا بزوغ واقعد مش بعمل حاجة لا تافه ولا مفيد

ما هو تكبيس اليوم هيخليكي مخنوقة ومتوترة ومش هتعرفي تركزي
وفي الآخر هتسيبي كل اللي في ايدك
وزعي الشغل من غير ما تزنقي نفسك
ولعلنا في الدورة دي نعرف ده بيتم ازاي؟

5- تقليل وقت النوم

انا بدأت فعليا اضبط المواعيد



6- مشاكل إضاعة الوقت

بدأت أنظم الدنيا وكل حاجة بمعاد

بس مازلت حاجات بتخرج عن المعاد

الله المستعان

[باسمك أحيا]

رد: مجموعة ( ب ) ~ دورة تنظيم الوقت

حجمي علاقاتك ..

أنا بفضل الله عندي 3 أصدقاء اللي ليا علاقة بيهم

والآخرين ممكن أكلم معاهم موبيل
يعني العلاقة بيننا كلام فقط




بلاش كلام كتير

الصراحة أنا لما بقعد مع ناس من أهلي أو أصدقائي
لا أحب الكلام يعني لا أتكلم ولا اعرف هل دي مشكلة ولا لا

ياريت يا اخواتي تشاركوني ارائكم

والله يا اختي لو بتسأليني وتاخدي رايك
فمن سكت في الزمن ده سلم
ونجي
وهيبعد عنه الناس الفاضية
فأظن دي ميزة استمسكي بيها حتى لو بتخليي الناس نظرتهم ليكي مش عجباكي
بس برده ده ميمنعش ان لما يكون النقاش مثمر ومفيد
تتكلمي
عشان تستفيدي



متخليش حياتك تافهه ..
للاسف انا بضيع اوقات كثيرة جدًا
يعني في بداية اليوم اقول هعمل كذا كذا وبعمل جدول وبيكون عندي حماس
وفي اخر اليوم الاقيني ما عملتش اي حاجة

لكن بحاول اغير من نظامي واظبط وقتي




قللي وقت النوم

الصراحة نفسي والله انام بدري واصحى بدري
لكن للاسف نظام نومي مش مظبوط

لكن الدراسة هتيجي اهي وهيتغيير
لكن نفسي اتغيير الآن

-----------------

ياريت يا اخواتي نعمل جدول لليوم بتاعنا ونمشي عليه للعبادة
ونقترح درس ديني نسمعه
وكمان نقترح كتاب نقرئه

انتظركـــــــم

[باسمك أحيا]

رد: مجموعة ( هـ ) ~ دورة تنظيم الوقت


يا جماعة احنا محتاجين نتفق على جدول عام يشمل العبادات العلاقات الشخصية والترقي والتثقيف
والاهتمام بالنفس

فانا رايي ان جدول العبادات كل واحدة تقدر تنظمه بنفسا لكن يشمل عدة عناصر:
القرآن تلاوة وحفظ- الصلاة على وقتها والسنن الرواتب - القيام - الأذكار

بالنسبة للعلاقات الاجتماعية: القيام بالدور مع الوالدين لو كنت بنت، او القيام بدوري كزوجة من ناحية تربية الولاد وتنظيف البيت - ووضع مواعيد للتواصل مع الأصحاب

بالنسبة للاهتمام بالمظهر والنفس: عايزين كمان نحدد بعض الأمور اللي نهتم بيها بنفسنا ونقترح على بعض حاجات كويسة

التثقيف: قراءة كتاب كل مدة معية نتفق عليها، بحيث لا يخلو حياتنا من القراءة، نخلص كتاب ندخل في اللي بعديه، وكل واحدة تختار كتابها


وعشان ننظم النقاش، عايزين نعمل يوم معين كل واحدة فينا تدخل تكتب مشكلة بتواجها في تنظيم الوقت
أو في الترقي بحياتها بشكل عام
وكمان يوم تاني ندخل نكتب أسئلة مفيدة ونتناقش فيها
كل عضوة يوم تدير الحوار
ويكون في لامجالات اللي اختنا الغيورة على الدين بتلفت نظرنا ليها
زي تحجيم العلاقات/ المواهب وكيفية استخدامها في خدمة الدين او كيفية ترقيتها وهكذا

ها ايه رأيكم

[باسمك أحيا]

رد: مجموعة ( هـ ) ~ دورة تنظيم الوقت

السلام عليكم ورحمة الله وبركاته
الله المستعان
اللهم إنا نسألك الثبات فى الأمر والعزيمة على الرشد
ــــــــــــــــــــــــــــــــــــــــــــــــــ ـــــــ
بالنسبة لجدول العبادة
الأعمال اليومية[/color]
1: الصلوات الخمسة وأذكار ما بعد الصلاة
2: السنن الرواتب ـــــــــــــ وقيام الليل
3: أذكار الصباح
4: أذكار المساء
5: أذكار النوم
6: صلاة الضحى
7: قراءة سورة الملك
8: بالنسبة للقرءان
ورد القراءة والحفظ والمراجعة ( يختلف من أخت لأخت ولو فى حد مش منتظم ممكن نتناقش ونتناصح فى هذا الأمر )
9: الدعاء ( ربع ساعة يومياً ؛ الدعاء من أكثر ما يؤثر فى القلب أرجو ألا نغفله )
10 : قراءة عشر صفحات من أى كتاب
( أنا حالياً بقرأ كتاب مدرسة السيرة النبوية للشيخ يعقوب وده رابط الكتاب
http://www.yaqob.com/web2/index.php/kotob/ketab/29
ممكن نقترح على بعض كتب وكل واحد يضع فى جدوله الكتاب اللى بيقرأه
ــــــــــــــــــــــــــــــــــــــــــــــــــ ــــــــــــــــــ
11: الأذكار
الباقيات الصالحات 100 مرة
سبحان الله وبحمده سبحان الله العظيم 100 مرة
سبحان الله وبحمده 100 مرة
الصلاة على النبى 100 مرة
الاستغفار 100 مرة
ــــــــــــــــــــــــــــــــــــــــــــــــــ ـ

ماشي تمام
ده كده جدولك اللي هتستقري عليه؟
اهم حاجة
يومك هيبدأ امتى وازاي؟
عايزين نعمل جدول بقى زي اللي موجود في الدرس الثالث
بالساعات

[باسمك أحيا]

رد: مجموعة ( هـ ) ~ دورة تنظيم الوقت

السلام عليكم ورحمة الله وبركاته
الأعمال الأسبوعية
قراءة سورة الكهف
صيام اتنين وخميس
ـــــــــــــــــــــــــــــــ
يمكننا أن نتفق على عبادة مش بنعملها ونثبتها
أو خلق أو صفة سيءة للتخلص منها
ونكرر ذلك كل أسبوع ونتابع بعض

من رأيي الأفضل كل واحدة تختار آفة خاصة بيها تحاول التخلص منها
او عمل او صفة تحاول ترقيها
يعني بدل ما يبقى حاجة مشتركة يبقى خاص بكل واحدة لكن الفكرة مشتركة
ـــــــــــــــــــــــــــــــــــ
أنتظر تفاعلكم أخواتى لكى نزيد همم بعض

ــــــــــــــــــــــــــــــــ
الأعمال الشهرية
صيام 13 : 14 : 15
ــــــــــــــــــــــــــــــــ
أنتظر اقتراحاتكم

[باسمك أحيا]

رد: مجموعة ( هـ ) ~ دورة تنظيم الوقت

الأعمال اليومية:
الصلوات مع السنن على وقتها إن شاء الله - ورد القرآن (تلاوة ومراجعة) - الأذكار (الاستيقاظ، الصباح، المساء، النوم) - القيام -مشاركة في أعمال المنزل - قراءة (بمقدار معين)

الأعمال الإسبوعية أو كل يومين:
طلب العلم - المقرأة - درس دعوي - اتصال دعوي - صلة رحم (زيارة أو تليفون) - كتابة دعوية -
درس رقائق - تسميع لبعض الأخوات - الصيام الاسبوعي -قراءة الكهف - صدقة - اهتمام بالجمال - احيانا بصلي الجمعة في المسجد

أعمال شهرية
الصيام - خروجة -

طبعا ده الجدول اللي المفروض يبقى بيتنفذ، لكن مبيتنفذش كله طبعا
فالله المستعان ، ويصلح لنا أحوالنا

[om abdulrahman]

رد: مجموعة ( هـ ) ~ دورة تنظيم الوقت

السلام عليكم ورحمة الله وبركاته
أختى ama moslima
أولا : مبارك عليكى لبس الخمار عقبال النقاب وربنا يثبتك ياااااااااااااااااارب
ثانيا : بالنسبة لأمر صديقتك ؛ أهم حاجة لا تنسى النية فى كل شىء لكى تؤجرى
وممكن أثناء حوارك مع صديقتك تدعوها لشىء تعملوه مع بعض ممكن تحفظوا قرآن مع بعض
بدل ما الوقت كله يكون فى كلام مش مهم
ــــــــــــــــــــــــــــــــــــــــــــــ
والجدول جميل بس إن شاء الله هنبدأ كلنا نغير الجداول للطريقة اللى الأخت غيورة قالت عليها فى الدرس التالت
إن الجدول يكون بالساعات
ـــــــــــــــــــــــــــــــــــــــــــ

[om abdulrahman]

رد: مجموعة ( ب ) ~ دورة تنظيم الوقت

[QUOTE]

ماهي دي المشكلة
بصي بتوع التنمية البشرية وادارة الوقت بيقولولك اهم حاجة تتعلمي كلمة "لأ"
لنفسك اولا وبعدين للناس
ومتبقيش مستباحة
كانت واحدة اخت اعرفها تقول بطلوا تعملوا نفسكم "تاكسي"
اللي جي كده واخدة في سكته واللي جي كده واخدك في سكته
حياتك هي ترفيه للآخرين
فحجمي الموضوع
لا تقطعي معاهم خالص
ولا تسيبي وقتك كده
وفرقي بين الاخت اللي فعلا عندها مشاكل ومحتاجة مساعدتك
والأخت اللي بترغي عالفاضي
ــــــــــــــــــــــــــــــــــــــــــــــــ
اللهم بارك
جزاك الله خيرا أختى أم جليبيب
أعتقد الكلام ده ممكن يخلى الواحد يلاقى نفسه ويوفر وقت ويبدأ يحس بالنظام فى حياته
بدل ما كل واحد يقيس وقته فى حياته على الظروف والناس وكان عندى ظروف وحصل شىء طارىء[/color]

[om abdulrahman]

رد: مجموعة ( هـ ) ~ دورة تنظيم الوقت

يا جماعة احنا محتاجين نتفق على جدول عام يشمل العبادات العلاقات الشخصية والترقي والتثقيف
والاهتمام بالنفس

فانا رايي ان جدول العبادات كل واحدة تقدر تنظمه بنفسا لكن يشمل عدة عناصر:
القرآن تلاوة وحفظ- الصلاة على وقتها والسنن الرواتب - القيام - الأذكار

بالنسبة للعلاقات الاجتماعية: القيام بالدور مع الوالدين لو كنت بنت، او القيام بدوري كزوجة من ناحية تربية الولاد وتنظيف البيت - ووضع مواعيد للتواصل مع الأصحاب

بالنسبة للاهتمام بالمظهر والنفس: عايزين كمان نحدد بعض الأمور اللي نهتم بيها بنفسنا ونقترح على بعض حاجات كويسة

التثقيف: قراءة كتاب كل مدة معية نتفق عليها، بحيث لا يخلو حياتنا من القراءة، نخلص كتاب ندخل في اللي بعديه، وكل واحدة تختار كتابها

وعشان ننظم النقاش، عايزين نعمل يوم معين كل واحدة فينا تدخل تكتب مشكلة بتواجها في تنظيم الوقت
أو في الترقي بحياتها بشكل عام
وكمان يوم تاني ندخل نكتب أسئلة مفيدة ونتناقش فيها
كل عضوة يوم تدير الحوار
ويكون في لامجالات اللي اختنا الغيورة على الدين بتلفت نظرنا ليها
زي تحجيم العلاقات/ المواهب وكيفية استخدامها في خدمة الدين او كيفية ترقيتها وهكذا

ها ايه رأيكم

جزاك الله خيرا أختى الكريمة ،
احنا ممكن نتكلم فى النقاط الأساسية اللى هتكون هيكل للجدول ، إنما تنظيمه بالساعات كل أخت تنظم جدولها تبع ليومها ماشى إزاى ، وتبع الأولويات والأهم والمهم

[om abdulrahman]

رد: مجموعة ( هـ ) ~ دورة تنظيم الوقت

ماشي تمام
ده كده جدولك اللي هتستقري عليه؟
اهم حاجة
يومك هيبدأ امتى وازاي؟
عايزين نعمل جدول بقى زي اللي موجود في الدرس الثالث
بالساعات

ده جدول العبادة اللى أنا ماشية عليه
إن شاء الله أدخل الأعمال الأخرى فى هذا الجدول بالنظام اللى الأخت غيورة قالت عليه بالساعات

[om abdulrahman]

رد: مجموعة ( هـ ) ~ دورة تنظيم الوقت

السلام عليكم ورحمة الله وبركاته
ده موقع الشيخ محمد حسين يعقوب
وده رابط للكتب اللى عليه
http://www.yaqob.com/web2/index.php/kotob
ــــــــــــــــــــــــــــــــــــــــــــــــــ ــــ
ممكن نقترح على بعض كتب للقراءة ولو حد يعرف روابط أون لاين يقولى عليها
جزاكم الله خيراً

[ama moslima]

رد: مجموعة ( هـ ) ~ دورة تنظيم الوقت

السلام عليكم
ده وابط لمكتبة نقدر نحمل منها عدد كبير من الكتب اتمنى انه يعجبكم
http://saaid.net/book/index.php

[ama moslima]

رد: مجموعة ( هـ ) ~ دورة تنظيم الوقت

السلام عليكم ورحمة الله وبركاته
أختى ama moslima
أولا : مبارك عليكى لبس الخمار عقبال النقاب وربنا يثبتك ياااااااااااااااااارب
ثانيا : بالنسبة لأمر صديقتك ؛ أهم حاجة لا تنسى النية فى كل شىء لكى تؤجرى
وممكن أثناء حوارك مع صديقتك تدعوها لشىء تعملوه مع بعض ممكن تحفظوا قرآن مع بعض
بدل ما الوقت كله يكون فى كلام مش مهم
ــــــــــــــــــــــــــــــــــــــــــــــ
والجدول جميل بس إن شاء الله هنبدأ كلنا نغير الجداول للطريقة اللى الأخت غيورة قالت عليها فى الدرس التالت
إن الجدول يكون بالساعات
ـــــــــــــــــــــــــــــــــــــــــــ

السلام عليكم جزاك الله خيرا على دعوتك لي بالثبات و على النصيحة والله يهدي و يثبتنا جميعا
والله يجمعنا في الفردوس الاعلى يا رب قولوا امين