Tweet
ناس كتييييييييييييير لما تعصي ربنا تقولك ازاي اتوب واقدر اقرب من ربنا؟؟ طب سألت نفسك الاول انت ليه بتعصي ربنا أصلا؟؟؟ انا هجاوبك انت بتعصي ربنا عشان فاضي اه فاضي وعندك وقت فراغ بيسمح للشيطان انه يوسوسلك ويخليك تفكر في المعصية وولو كنت تبت منها هيخليك ترجعلها طب والحل؟؟؟ الحل انك تملأ وقتك ومتسبش فرصة للشيطان يقدر فيها يوسوسلك يعني مثلا وانت قاعد ع الفيس خليك بتذكر ربنا وتصلي على النبي او وانت ف سريرك عاوز تنام خليك برضو بتقول الاذكار وتستغفر لحد ما تنام .... كتر من النوافل والصيام اشغل وقتك ومتسمحش للشيطان يغلبك
طبعا في منكم اللي هيقول انا بعمل كل ده وبرضو مش نافع وبرجع للذنب تاني وبقيت مدمن عليه خلاص
انا هقولك متقلقش ومتفقدش الامل في حل تاني تعالوا نقلب السحر على الساحر احنا هنبدل السيئات حسنات ========> رب معصية ادخلت صاحبها الجنة بس ازاي المعصية بتدخل صاحبها الجنة ؟؟؟ اه ممكن لما تولد في نفسه الندم والحسرة بسبب البعد عن ربنا لما يحس بحزن شديد لانه عصى الله ... لما يخاف من الحساب ويفتكر انه هيوقف بين يدي الرحمن وقتها هيفوق لنفسه ويبعدها عن الذنب ده
لسه امامكم فرصة انت لسه بتتنفس يبقى الحق نفسك وقعت في الذنب مش كده؟؟؟ شفت انك ضعيف اد ايه من غير ربنا؟؟؟ حسيت بالذل وانت بتعصي اللي خلقك؟؟؟ شفت احساسك الوحش ده اللي جبته لنفسك عشان لذة لحظات؟؟؟ بس ربنا من كرمه علينا بيبتلينا عشان نتوب يبقى اهو عندك حل توب توبة نصوحة وهتلاقي انك عندك اقبال احسن من الاول على الطاعة وده شي كسبناه من ورا المعصية دي الشيطان كان فاكر انك هتعص ربنا وتفضل على حالك بس انت قلبت السحر عليه وتبت وبقيت بتقرب من ربنا اكتر
بعد كل ذنب أو ابتلاء ليكـ لازم تفهم إنكـ هتقع هتقع مفيش حد معصوم من الخطأ .. بس الجدع اللى يقف ضد نفسه و أهوائه لأن طريقها يا ولدى مسدود مسدود مسدود
واسمع كلامي بقلك لما تلاقي نفسك ابتديت تفكر بالمعصية اياها قوم ع طول اتوضى وصلي ركعتين استغفر ربنا اعمل اي حاجة روح زور قريب ليك انزل ع المسجد اعمل اي حاجة بس متفضلش قاعد وتخلي الشيطان يأثر عليك
لو ضعفت بقى وعملت المعصيةرغم كل المحاولات روح اتصدق ... لو اقترفت ذنب صلي ركعتين
كل مرة كده مع كل ذنب طاعة والله ساعتها هتخلي الشيطان محتار معاك ومش عيعرف يلاقيلك طريق وساعتها هتكون قلبت السحر على الســـــــــــاحر
تعليق