إعـــــــلان

تقليص
لا يوجد إعلان حتى الآن.

مقدمة على الهآمش ~ دورة تنظيم الوقت

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مقدمة على الهآمش ~ دورة تنظيم الوقت




    ،







    حيآكم الله جميعاً يا أخوات

    بإذن الله تنطلق دورة تنظيم الوقت اليوم ..


    أولاً مواعيد الدورة

    هتكون يومين في الأسبوع بإذن الله

    سينزل الدرس يومي الاثنين والخميس

    في أي وقت من اليوم

    ظهراً ، عصراً ، ليلاً .. حسب ما يتوفر لي الفرصة لوضع الدرس

    ،




    هنحتاج دآيماً معانا كشكول نسجل فيه النقاط المهمة

    بالإضافة كمان إننا هنستعمله في وضع الجداول وغيرها ..

    ،


    فضفضة حول الدورة ..

    أولاً الدورة في البداية اتعملت عشان تُدرس لأخوات في وسط غير ملتزم

    كنت بحآول جاهدة إني اتطرق لموضوع المحافظة على العبادة والالتزام وعدم التفريط في ورد العبادة اليومي وهكذآ ..

    بشكل مبسط تماماً بحيث إنها تخرج من الدورة يبقى جدول العبادة ده حاجة اساسية في حيآتها .
    حآولت افهمها إن كل تقصير في حيآتها ولغبطة نآتجة عن تصيرها في المهمة الأساسية وهي العبآدة

    لمآ فكرت أعمل الدورة هنآ في المنتدى الأمر مختلف كثيراً

    أظن بإذن الله أن ثمرهآ ستكون علينآ وانا قبلكم بخير كبير إن شاء الله

    ليه ؟؟


    أولاً

    لأن بركة العمل الجماعي وخاصة في الوسط الي بتحبيه _ وسط الملتزمآت _ له تأثير عجيب على النفس برفع الهمة وتنوع الأفكار والتشجيع على الاستمرار وغيرها كتير ..


    ثانياً

    الجانب العملي واقعي جداً مش هنتكلم غير على الأحداث الحقيقة والعملية وطرق حلها .


    ثالثاً
    الدورة لن تكون من طرف واحد فقط مدربة تعطي الدورة ويسأل المشتركون .. لا !

    دروس الدورة بإذن الله ستكتب من أجل تنظيم عقلك وإمدادك بالأفكار

    وكل واحدة من المشتركات ستعتبر نفسها قائدة في الدورة تشارك بأفكار ونماذج عملية ايضاً بكتآبة كل المشاكل والملاحظات التي ستجدهآ في حيآتها متعلقة بالجزء إلي بنتكلم فيه



    رآبعاً

    كل أخت في الدورة مسموح لها بالرد على مشاكل واستفسارات باقي الأعضاء بمعنى لو وضعت أخت مشكلتها او ملاحظتها يحق للجميع وضع حلول ومناقشات بحيث يكون الحوار ثري جداً والتفاعل يكون بالشكل المطلوب


    خآمساً

    زي ما شرحت قبل كدة الدورة هتكون باللغة العآمية وده كان بالنسبة لي صعب جداً إني أكتب على العام باللغة دي لكن عشان نحس بواقعية الأمر أكتر وزي ما ذكرت الدورة لن تكون علمية جامدة حتى تناسب اخوات من أول إعدادي لغاية مراحل كبيرة متزوجة ، عاملة ، عندها أطفال ...


    سآدساً

    وهو واقع الدورة مجملاً إننا لن نكتفي إننا نتعلم إزاي نعمل جدول وننظم حيآتنا إحنا هنعيد ترتيب حيآتنا من الأول عشان ننظمهآ .

    أخيراً

    سننتهز تجمع أخوات الطريق إلى الله :) ونبدأ برفع الهمم ووضع خطة ومشاريع نقوم بها جميعاً على ارض الواقع ..

    بمعنى أنه عندما نتجه لتنظيم الجانب الثقافي مثلاً الكتب وغيرها هنتناقش في الكتب إلي ممكن نقرأها نحدد مدة للقراءة هكذآ بالنسبة للعلم الشرعي ، القرآن ، الدراسة وغيرها ..




    يتبع ..
    التعديل الأخير تم بواسطة Dr.Sarah || ~; الساعة 20-01-2015, 03:56 PM.

  • #2
    رد: مقدمة على الهآمش ~ دورة تنظيم الوقت





    على هآمش الدورة ..


    ..حياتِك !!


    حياتك ؟؟


    لو سألتك سؤال وقلت لك إنتي عايشة بتعملي إيه ؟؟

    طيب إيه هي محاو حياتك ؟؟

    طيب إيه أهدافك؟؟

    عارفه هتعملي إيه بكرة ؟؟

    طيب الأسبوع الجاي ؟؟

    طيب الأسبوع إلي فات يفرق إيه عن الأسبوع الجاي ؟؟

    طيب إيه إلي اتغير فيكي الشهر ده ؟؟

    إيه الي هيذيد من الثقافات في حياتك الشهر الجاي عن الي قبله ؟

    عاوزة أقول

    إنه مش المشكلة في تنظيم الوقت

    مش المشكلة في مجرد إنك هتتعلمي تعملي جدول أو تعرفي تديري يومك أو حياتك !


    المشكة في منهج حياتك كله !!

    يعني يومك من الصبح لغاية ما بتنامي ..

    بيمشي لوحده بدون تخطيط تجهيز ولا حتى تفكير !!

    لو حاجة جات مش على البال هتعملي إيه ؟

    ولو سألتك إنتي هتعملي كذا وكذا ووراكي كذا ااردة .

    عارفه هتعملي دي إمته ودي إزاي ؟

    هتقوليلي بإبتسامة .. سيبيها لله :)

    هرد عليكي بإبتسامة أكبر وأقولك

    منا سيباها لله أمال سيباها عليكي مثلاً :)








    أول خطوة في الدورة ..


    النية الصالحة ،،

    نيتك من الدورة .

    لو سألتك إنتي هتاخدي الدورة دي ليه ؟؟

    هتقوليلي علشان حياتي متلغبطة وعاوزة أنظم وقتي .

    طيب جميل وبعدين !

    عاوزة أقولك إن دي مش نية أصلاً
    ده نسميه غرض الدورة ، هدف الدورة ..
    لكن النية مختلفة تماماً ..

    إزاي ؟؟

    العمل ده لله

    هتقوليلي ما أكيد كل عملنا بالتأكيد لله إنتي مش محتاجة تقوليلي كدة أصلاً

    هقولك مهو عشان كدة بنفشل دايماً

    عشان كدة إنتي كنتي خايفة تدخلي الدورة ومتتغيريش

    خايفة تفشل زي كتير من المحاولات إلي قبلها صح ؟


    لأن النية دي البداية


    ولو بدأتي غلط يبقى مش هتوصلي للي إنتي عوزاه


    ،

    كنت سمعت الشيخ حآزم شومان بيقول

    الإخلاص لله ده الإمتحان الوحيد

    إلي لو جبتي فيه ٩٩ % يبقى سقطتي !!

    فاهمة ؟؟

    !! %٩٩
    لأن هيبقى فيه ١ % بس لغير ربنا

    وبكدة يبقى سقطتي والعمل لم يقبل !!

    ،


    مشكلتنآ كملمتزمين _ أو محسوبين إننا ملتزمين يعني _

    إن في أمور في حيآتنا كتير من كتر ما سلمنا إنها أمور طبيعية وعرفنها من زمااان نسيناها

    أو مبنطبقهاش على الوجه إلي لازم تتعمل بيه

    وده شئ خطير أنا كمان بعاني منه

    الأذكار بقت أمر روتيني بالنسبة لي ، النية كمآن هكذآ ، ورد القرآن وغيره
    وده شئ من أهدافي إني أغيره في الدورة دي
    وهو إننا نعيد لكل حاجة بنعملها الحيآة تاني ونبدأ نشعر بلذتها وإحنا بنعملها ..






    متنسوش ..


    مآ كان الله دام واتصل وما كان لغير الله انقطع وانفصل


    وده بيعآجل هو إحنا ليه لما بنبدأ في حاجة مبنكملهآش ؟


    أو ليه لما نلتزم شوية بجدول مذاكرة ولا اياً كان يومين وبنبطل

    :)



    هكتب بعض النوآيا المشهورة لكن أود إننا نستشعرهآ

    أولاً احتسبي الوقت والجهد على أنه عبادة ،
    ثآنياً تعلمي نفسك وتنشري العلم ده بين الناس
    ثآلثاً إنك بتشغلي نفسك بالحق (( لأنك لو مشغلتيش نفسك بالحق هتشغلك بالباطل )) ..

    رآبعاً إمتثال لأمر الله تعالى بالتعلم ..


    ..






    التعديل الأخير تم بواسطة Dr.Sarah || ~; الساعة 20-01-2015, 03:57 PM.

    تعليق


    • #3
      رد: مقدمة على الهآمش ~ دورة تنظيم الوقت

      نكتفي بالقدر ده إنهاردة

      هيكون هناك في كل درس تطبيق لكن الدرس لن يكون له تطبيق بالشكل
      المعهود


      سنفعل فقط شئ تدريبي حتى ندخل في المهام

      أولاً عاوزة من كل واحدة من المشتركات تمسك الكشكول وتبدا ترسم المواصفات إلي هي نفسها تكون عليها

      بمعنى أنا عاوزة أكون قارئة جيدة ، نفسي أعمل كذا وكذا لأولادي

      نفسي أحقق كذا وكذا في حيآتي

      إيه أكبر هدف عندك ؟

      ابداي تخيلي مستقبل مشرق واكتبي عنه

      عاوزة فترة حوالي نص ساعة كدة مع نفسك ابدأي عيدي فيها أفكارك

      إيه الحاجات الي حياتك بتدور عليها ؟؟

      إيه المشاكل إلي عندك ؟؟

      كل ده طبعاً بدون تفاصيل

      في كل محور نقطة ولا اتنين

      وهنحتاج الحاجات دي بعدين إن شاء الله :)


      ثآنياً بما إن مفيش محاول عملية نناقشها

      هنفتح الموضوع لغاية الدرس القادم إن شاء الله عن تصور كل واحدة للدورة

      اقتراحاتها وردها على النقاط إلي جات فيها

      وياريت لو بعد ما تقرأي الدرس على طول تكتبي تعليقك عليه ولما تنفذي تكتبي تعليقك بعد التنفيذ


      في رعآية الله :)

      التعديل الأخير تم بواسطة Dr.Sarah || ~; الساعة 20-01-2015, 04:00 PM.

      تعليق


      • #4
        رد: مقدمة على الهآمش ~ دورة تنظيم الوقت

        ماشاء الله
        جزاكي الله خيرا حبيبتي

        تعليق


        • #5
          رد: مقدمة على الهآمش ~ دورة تنظيم الوقت

          جزاكِ الله خيرا :)

          فعلا احنا محتاجين نحتسب كل ثانية لله
          وحتي الحاجات اللي احنا بنعملها عشان لازم نعملها لازم نعدد ليها نوايا
          بتفرق كتير والله زي مثلا الطبيخ والغسيل والحاجات دي
          الواحد لما بيبقي مستشعر قرب ربنا بيهون عليه حاجات كتير

          وكمان لازم يبقي علي بالنا علي طول إن احنا لسة مبدأناش حياتنا
          "يا ليتني قدمت لحياتي "
          يعني احنا لسة في المقدمة
          وعلي قد ما هنستعين بالله وهنجتهد في المقدمة دي
          علي قد ما حياتنا الأبدية هتبقي أحلي بإذن الله :)

          رزقنا الله وإياكم الفردوس الأعلي في رفقة الحبيب عليه أفضل الصلاة والسلام

          تعليق


          • #6
            رد: مقدمة على الهآمش ~ دورة تنظيم الوقت

            جزاكي الله خيرا

            والاهم فعلا موضوع النية لان حاجات كتير زي ما حضرتك قولتي اتحولت لروتين زي الاذكار والورد وغيرها
            وان فعلا في كتير بنحدد جدول للمذاكرة بس مش بيكمل للاخر وبتبقى كدة بالبركة وتتلحق على اخر فرصة

            تعليق


            • #7
              رد: مقدمة على الهآمش ~ دورة تنظيم الوقت

              جزاكِ الله خيرا .. بداية موفقة لنا جميعا

              تعليق


              • #8
                رد: مقدمة على الهآمش ~ دورة تنظيم الوقت

                السلام عليكم ورحمة الله وبركاته

                ماشاء الله رائعة جدا

                وبالفعل


                مآ كان الله دام واتصل وما كان لغير الله انقطع وانفصل


                الحمد لله عندنا طمووووح كبييير اننا نكون افضل باذن الله

                وتم تجديد النية

                وتصوري عن الدورة انها رائعة جدا وان شاء الله سنتغير بها


                وجزاك ربي الفردوس


                مشروع حفظ للجنة بطريقة الحصون الخمسة
                ما أشقاك أيها المسكين عندما تجعل هذا الجهد والتعب والنصب لغير
                ملك الملوك .. ما أشقاك !

                دخولي متقطع بسبب الدراسة

                تعليق


                • #9
                  رد: مقدمة على الهآمش ~ دورة تنظيم الوقت





                  ،

                  كنت سمعت الشيخ حآزم شومان بيقول

                  الإخلاص لله ده الإمتحان الوحيد

                  إلي لو جبتي فيه ٩٩ % يبقى سقطتي !!

                  فاهمة ؟؟

                  !! %٩٩
                  لأن هيبقى فيه ١ % بس لغير ربنا

                  وبكدة يبقى سقطتي والعمل لم يقبل !!

                  ،

                  بارك الله فيك أختى
                  النية أخفتنى جدا هذه الجزئية
                  مش أنه لغير الله عزوجل بس مش عارفة أوصلها كيف يمكن فهمانى
                  الواحد بقى يحس ان عمله كله لم يقبل
                  بنعمل الشئ ولانتذكر بصرحة النية هو صحيح بنقول طبعا عملا لله بس بدون استحضار النية
                  حتى عند الأذكار أو قراءة القران ممكن الواحد ببعض الأحيان يسأل نفسه هو ليش مثلا تقرأى القران أو الأذكار فيأتى بنفسك طلبا للرضى الله عزوجل وخوف من عذابه ورجاء الفوز بالجنة لا أدرى هل تعد هذه النية أم لا
                  أنا نفسى اتغير بجد بس مش عارفة نفسى أكون حاجة ثانية
                  نفسى أكون أم صالحة للاولادى نفسى يكونوا أولاد صالحين
                  والمدارس جاى على الابواب نفسى أنظم وقتى مع أولادى حتى لاأضيع حق واحد فيهم من الاهتمام
                  عندى أربع أطفال 3 فى المدرسة واحد فيهم أسأل الله له ولهم الهداية مغلبنى شوية ودائما معصبنى وأحيانا ألجأ الى ضربه وأنا نفسى ما أضربه بس مابيسمع الكلام هو عصبى ماشاء الله هو شاطر بس مابحب يدرس ولا يقرأ الا بضرب والصراخ
                  أنا أسفة على الاطالة بس نفسى اعرف أتعامل معهم ازاى
                  وانظم وقتى معهم ياريت تتكلامى على هذه الناحية لانه كثير منا من يعانى من هذه المشكلة بارك الله فيك
                  أحبكم فى الله
                  سبحان الله ....الحمدلله ....الله أكبر ....لا اله الا الله
                  غــرفة العنــاية الإيمــانية المركـزة ’’ بادرى بالـدخــول ’’



                  تعليق


                  • #10
                    رد: مقدمة على الهآمش ~ دورة تنظيم الوقت

                    اللهم باارك بداية موفقة وزرعت فيّ حماسا كبيرا بعد أن كنت محبطة وسبحان الله تغيرت نفسيتي بعد المقدمة

                    شوقتيني للمحتوى

                    جزاكِ الله عنا كل خير

                    كل ما تم ذكره في الموضوع جيد جدااا

                    بالنسبة لما أنتظره من الدورة فهو ما ذكرتيه وخصووووصا:

                    أن تكون الدورة "عملية"

                    أسأل الله لنا ولكِ التوفيق ولا تنسونا من صالح دعائكم
                    الصمت والكتمان..يبقى الحل الوحيد..عندمآ لآ نجد من يفهمنآآآ..

                    اللهم ارحم جدي وجدتي، هبة محمود،وهدى..وجميع موتى المسلمين، وارحمنااا إذا صرنا إلى ما صاروا إليه..

                    تعليق


                    • #11
                      رد: مقدمة على الهآمش ~ دورة تنظيم الوقت

                      ربنا يجزيكي هنا خيرا
                      ويارب الدورة دي تصلحني :(
                      بس عندي سؤال هو انا نيتي ف الدورة دي
                      اني انظم وقتي عشان عمري مايضيعش ولما ربنا يسالني
                      عن عمري و شبابي اعرف ارد
                      وابقا افنيت عمري ف حاجه مفيده
                      ونقسي احفظ القران زي الاول
                      صح كده ولا ايه ؟

                      تعليق


                      • #12
                        رد: مقدمة على الهآمش ~ دورة تنظيم الوقت

                        رآئع ماشاء الله
                        جزاكِ الله خيراً

                        بصراحة كل الاسئلة اللى سألتيها
                        اتخرصت فيها :)
                        الله المستعان :(

                        بإذن الله هعمل المطلوب ( بتاع الكشكول و الاحلام و كدا :) )

                        ربنا يجعله فى موازين حسناتك

                        تعليق


                        • #13
                          رد: مقدمة على الهآمش ~ دورة تنظيم الوقت


                          وعليكم السلام ورحمة الله وبركاته
                          بداية رآئعة ما شاااااااء الله

                          المشاركة الأصلية بواسطة dr.muslmh مشاهدة المشاركة
                          اللهم باارك بداية موفقة وزرعت فيّ حماسا كبيرا بعد أن كنت محبطة وسبحان الله تغيرت نفسيتي بعد المقدمة

                          شوقتيني للمحتوى

                          جزاكِ الله عنا كل خير

                          كل ما تم ذكره في الموضوع جيد جدااا

                          بالنسبة لما أنتظره من الدورة فهو ما ذكرتيه وخصووووصا:

                          أن تكون الدورة "عملية"

                          أسأل الله لنا ولكِ التوفيق ولا تنسونا من صالح دعائكم

                          ده اللي عايزة أقوله بالزبط
                          بس الأسئله محتاجه تفكير عمييييق
                          وجاري التنفيذ ..،

                          أما بالنسبه للنقاط حاسه انها واقعيه جداااا
                          وفي بعض الجمل حسيت انك بتتكلمي معايا : )

                          وبجد متشوقه للدورة جدااااا وياااارب تكون نقطة تحول
                          أسأل الله أن يباااارك لنا فيها وأن ينفعنا بها
                          بالله استعنا
                          جزااااااك الله خيراً وكتب أجرك
                          وجعلها لك صدقه جاريه تنفعك في الدنيا والأخرة
                          اللهمّ اجعلني أفقر وأذل خلقك إليك وأغـنــــــاهمْ بِك ~

                          تعليق


                          • #14
                            رد: مقدمة على الهآمش ~ دورة تنظيم الوقت

                            جزاك الله خيرا اختي الكريمة وبارك فيك
                            وفقك الله


                            اﻋﻤﻞ ﺛﻮﺍﺏ بـ 20 ﺟﻨﻴﻪ

                            اللهم احفظ مصر امنة مطمأنة وسائر بلاد المسلمين

                            تعليق


                            • #15
                              رد: مقدمة على الهآمش ~ دورة تنظيم الوقت

                              جزاكم الله خيرًا

                              بداية موفقة بإذن الله

                              ربنا يتقبل

                              تصوري عن الدورة

                              عملية

                              هتمشينا خطوة خطوة لحد ما ننظم نفسنا ووقتنا

                              حاسة بإذن الله هنستفيييييييييد جدااا

                              ربنا ينفعنا وييسر لنا الخير

                              اللهم آميــن ،،،

                              تعليق

                              يعمل...
                              X