Tweet
السلام عليكم
أخواتى العزيزات بعد ماتعبت مع نفسى أوى وعماله توعد وتخلف وتغدر وتكسل ...وكل يوم عندى أمل فيها وتخيب ظنى وللأسف ملقتش حد يعينى عليها لأنها بتزوغ من أى حد يحاول يساعدها وناويه كده والعياذ بالله تغرقنى قررت أربيها والحمد لله السنه اللى فاتت تقريبا كده قومت بالواجب معاها وعقبال كل عمرى
بإختصار كده لازم يكون فى عقاب وإذاى هالتزم بالعقاب ده هو فى حد يقدر يعذب نفسه ويعاقبها كده مش هتهون عليه
المهم الموضوع ده اتعلمته من الشيخ هانى حلمى (((إحلف على نفسك ))) آآه هو ده كان الحل الوحيد عندى بقيت أحلف على نفسى والله لازم أراجع كل يوم حزب والله لازم أصوم 3 أيام من كل شهر والله لازم أحفظ لسانى ولا أغتاب أحد والله لازم....
فضلت كده كل شويه أحلف على نفسى فى حاجه وطبعا علشان نفسى مش متربيه كانت بتعيل معايا وأضطر أخرج فلوس تكفير اليمين وبصراحه خرجت فلوس كتير السنه اللى فاتت بس مااستخصرتش فى نفسى ما إنا ممكن أروح لدكتور الأسنان وأصرف أد كده علشان سنانى وإنتوا عارفين بقه
يبقى أنهو الأولى سنانى ولا آخرتى وكمان كنت دايما بقول أهو رزق الغلابه وربنا يتقبل الصدقه وعلى فكره والله الفلوس مش معايا كتير ده أنا كنت بحوش من مصروفى كده وأطلعهم لله كفارة يمين يعنى كان فى مشقه مش بلعب بالفلوس لعب لحسن تفتكروا إنى بستهين باليمين لا والله ربنا عالم
بس إتربيت شويه وناويه أكمل بإذن الله وربنا يعينى ويتقبل عملى
دى تجربتى مع نفسى يمكن حد يستفيد منها وربنا يوفقكوا للطاعات ويحببكوا فيها
أخواتى العزيزات بعد ماتعبت مع نفسى أوى وعماله توعد وتخلف وتغدر وتكسل ...وكل يوم عندى أمل فيها وتخيب ظنى وللأسف ملقتش حد يعينى عليها لأنها بتزوغ من أى حد يحاول يساعدها وناويه كده والعياذ بالله تغرقنى قررت أربيها والحمد لله السنه اللى فاتت تقريبا كده قومت بالواجب معاها وعقبال كل عمرى
بإختصار كده لازم يكون فى عقاب وإذاى هالتزم بالعقاب ده هو فى حد يقدر يعذب نفسه ويعاقبها كده مش هتهون عليه
المهم الموضوع ده اتعلمته من الشيخ هانى حلمى (((إحلف على نفسك ))) آآه هو ده كان الحل الوحيد عندى بقيت أحلف على نفسى والله لازم أراجع كل يوم حزب والله لازم أصوم 3 أيام من كل شهر والله لازم أحفظ لسانى ولا أغتاب أحد والله لازم....
فضلت كده كل شويه أحلف على نفسى فى حاجه وطبعا علشان نفسى مش متربيه كانت بتعيل معايا وأضطر أخرج فلوس تكفير اليمين وبصراحه خرجت فلوس كتير السنه اللى فاتت بس مااستخصرتش فى نفسى ما إنا ممكن أروح لدكتور الأسنان وأصرف أد كده علشان سنانى وإنتوا عارفين بقه
يبقى أنهو الأولى سنانى ولا آخرتى وكمان كنت دايما بقول أهو رزق الغلابه وربنا يتقبل الصدقه وعلى فكره والله الفلوس مش معايا كتير ده أنا كنت بحوش من مصروفى كده وأطلعهم لله كفارة يمين يعنى كان فى مشقه مش بلعب بالفلوس لعب لحسن تفتكروا إنى بستهين باليمين لا والله ربنا عالم
بس إتربيت شويه وناويه أكمل بإذن الله وربنا يعينى ويتقبل عملى
دى تجربتى مع نفسى يمكن حد يستفيد منها وربنا يوفقكوا للطاعات ويحببكوا فيها
تعليق