أنا عايزة حد يجاوبني ... أنا تعبت

[عذرا دنياي فالجنة تناديني]

السلام عليكم ورحمة الله وبركاته

انا عايزة حد يقولي ايه اللي احنا فيه ده بالظبط
هتجنن ورب الكعبة

فيييييييين شرع ربنا من ده كله
فين الشيوخ فييييييييين
نزول الناس في الشوارع ده حرام ولا حلال

اللي بيحصل ده صراع حق وباطل ولا فتنة

طيب اللي بينزلوا بيموتوا والدم بيزيد
ولو قعدوا في بيوتهم هندوق من الذل والمهانة اللي اصعب من الموت

حاساني في حرب بس مش بينا وبين اعداءنا
بقت بينا وبين ناس من دينا ومن وطننا ومن لحمنا ودمنا

نااااااااس قلبها مات وبيقول يستاهلوا
طيب هما فعلاً يستاهلوا
طيب يستاهلوا ازاي وهما بيموتوا لنصرة الحق

اقرب الناس ليا من اهلي لبيشتموني علشان بناصر الناس اللي بيتموت وتنزل الشوراع ويقولولي متزعليش عليهم ده كان مضحوك عليهم

طيب مزعلش عليهم ازاي ومنهم ناس ورب الكعبة ما عرفتهم الا علي خير

طيب لو هما مضحوك عليهم يبقي احنا كمان مضحوك علينا صح ؟
طيب هو احنا فعلاً مضحوك علينا ؟

طيب احنا مضحوك علينا في ايه ؟!!!

بيكرهوا الاخوان
طيب ما هو مش كل اللي نزلوا الاخوان دول بقول مجرد فصيل من الناس اللي نزلت

طيب هما الاخوان فعلا سبب في الدم اللي بيسيل ده والخراب اللي بيحصل ده ؟

طيب الحرق والدمار بلطجية بتعمله بس فيه اهالي غضبانة بتعمله صح ؟
طيب ده من حقهم ولا لأ
انا لو مكانهم واتحرقت علي حد عزيز عليا مش هفكر الا في الانتقام !

طيب هو ده غضب من ربنا علينا بسبب ذنوبنا صح ؟
انا عارفة انه غضب من ربنا والله وكنت بتعجب من حلم ربنا وصبره علينا

بس مكنتش اعرف ان العقاب هيكون شدييييييييد اوي كدة

بنموت في بعض !!!!!

بتمني ان عدو خارجي ييجي يحتلنا وقتها هنعرف ان عدونا بيموت فينا وان اللي ماتوا ماتوا شهداء فعلاً

فيه ناس بتقول ان اللي ماتوا مش شهداء طيب دول كلامهم صح ولا غلط ؟
طيب لو واحد نازل يدافع عن حقه وعارف انه ممكن يتقتل
ومات وهو في مواجهة مع القاتل هيبقي شهيد ولا لأ ؟

الناس اللي قاعدة في بيوتها دلوقت ايه نظامها
دي لازم تنزل لمنارة الحق ودفع الباطل
ولا قعدتهم لتجنب الفتنة دي صح ؟؟

دماغي هتنفجر مش قادرة افكر والله
لا اكل ولا شرب ولا نوم والواحد بيموت ألف مرة كل يوم بسبب اللي بيحصل

حسبي الله ونعم الوكيل
ربنا المنتقم

اللهم أجرنا في مصيبتنا وأخلفنا خيراً منها

[مخلصة لرب العالمين]

رد: أنا عايزة حد يجاوبني ... أنا تعبت

وعليكم السلام ورحمة الله تعالى وبركاته
----------------------------
نسأل الله تعالى أن يكشف عنا الغم

"لَيْسَ لَهَا مِن دُونِ اللَّهِ كَاشِفَةٌ"

بالنسبة لموضوع النزول فليكى حق تتشتتى
فهناك خلاف بين أهل العلم

هناك من يرون بالنزول حتى لا ندع إخواننا يقتلون بدم بارد
ويستشهدون بالآية الكريمة
وَإِنِ اسْتَنْصَرُوكُمْ فِي الدِّينِ فَعَلَيْكُمُ النَّصْرُ
والمسلم أخو المسلم لا يخذله

وآخرون يرون بعدم النزول وأنه لا يعقل أن ينزل من لا حيلة له ولا يستطيع الدفاع عن نفسه فى مواجهة دبابات ومدافع ورشاشات ... فى مواجهة جيش وشرطة وبلطجية ... وأنه بذلك يلقى بنفسه إلى التهلكة ...
ويستندون فى ذلك إلى فتاوى بن باز وبن عثيمين والراجحى والألبانى وآل شيخ والليحدان فى تحريم المظاهرات
لأن المفاسد أكبر .. ولا يجوز إنكار المنكر بمنكر أكبر منه
ويرون أنه لا يجنى من وراء النزول إلا سيول من الدماء البريئة

أسأل الله تعالى أن يرينا الحق حقا ويرزقنا إتباعه أن يرينا الباطل باطلا ويرزقنا إجتنابه
استخيرى الله عز وجل ...

أما الذى لا خلاف عليه :
أنه من ينزل ليس الإخوان وحدهم .. بل كثير من فصائل مختلفة من الاسلاميين .. وأيضا من غير الاسلاميين

أنه من نزل _ وأحسبهم من خيرة الشباب والله حسيبهم_كان يدين لله أن فى النزول نصرة لدينه وأنه نزل فى اعتقاده أنه مدافعا عن دينه .. فنسأل الله تعالى أن يتقبلهم فى الشهداء وأن يدخلهم فى رحمته ونعيم مقيم وأن يربط على قلوب أهلهم ويلهمهم الصبر ويثبتهم

أنه من لا يحزن عند رؤية أخوه المسلم مسفوك دمه ومحروق ومسحول بل ويقول لك " يستاهلوا " فهو لا قلب له .. .قلوبهم كالحجارة أو أشد قسوة .. فالتعاطف معهم هو أقل درجات الشعور الإنسانى !
والله أنا لست إخوان ولا أنتمى لهم فكريا ... ولنفترض أنهم أخطأؤوا ... هل الحل بإحتوائهم أم إبادتهم وسحقهم !!

"قتل جيكا جريمة لا تغتفر .. وقتل 2200 مسلم موحد بالله صوام قوام مسألة فيها نظر "
أقل شئ واجب فعله إنكار المنكر ولو بالقلب !

مما لا خلاف عليه أخيتى

أنه هناك الآن إقصاء وعداء لكل ما هو إسلامى ومحاولة من وسائل الإعلام لبث الفتن وتحريضهم لعوام الناس على إبااااااااااااادة كل من له سمت إسلامى سواء ملتحى أو منتقبة

هناك تمييز واضح جدا فى التعامل مع الاسلاميين وغيرهم مع إنهم جميعهم أبناء هذا الوطن
وهناك إذهاق للأنفس البريئة بغير وجه حق ... وهذه كبيرة تستوجب اللعن أى الطرد من رحمة الله عز وجل وماذا بقى للإنسان إذا طرد من رحة ربه ؟!
وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيما

لما الناس راحت الاتحادية عشان تشيل مرسى وشالوا السلك الشائك وحاولوا يقتحموا القصر واعتدوا على الأمن
ساعتها الأمن إلتزم بأقصى درجات ضبط النفس وده شئ يشكر عليه
بس ليه لما مؤيدين مرسى يروحوا عند القصر يتم التعامل معاهم بأقصى درجات العنف والدموية

ليه دلوقتى بس بيقولوا على المؤيدين يستاهلوا هما اللى جابوه لنفسهم ... واللى يقرب من الحرس الجمهورى لا يلومن إلا نفسه
كان فين كلامكو ده قبل كدا...

ليه الراجل اللى بيرمى الناس من فوق السطوح اتجاب فى لمح البصر
والناس اللى بتدبح فى الاسلاميين مطلوقة كدا بمباركة سلطات الدولة
يدبح .. يسلخ .. يشوى ... براحته
مدام بيقتل إسلاميين يبقى تمام !!!!!!!!!
ده يرضى ربنا
وبسبب القنوات العلمانية الممنهجة بتاعتكم دى العوام زاد احتقانها وكراهيتها للإسلاميين .. وينظرون إليهم بالفعل على إنهم إرهابيين

إيه القذارة الاعلامية فى التعامل مع المجازر اللى حصلت دى
يعنى يوم التفويض ... وقفوا المسلسلات والفلام احتراما " لقدسية اليوم "
ويوم المجزرة .. ترجع الأفلام والمسلسلات والبرامج الهايفة .. .... كإن خرفان واتدبحوا بجد .... مش بنى آدمين
مفيش حتى شريط إسود بس للحداد منظر يعنى عشان ماء الوجه
فى الوقت اللى لو حد من معارضين الإخوان اتخربش بس فى صوبع رجله الصغير كل قنوات العار دى تجيبوا
ليل نهار .. الاسلاميين سلخونى ... الاسلاميين عذبونى ... الاسلاميين

بسبب قنوات الفتنة دى والجانب الهجومى الممنهج على الاسلاميين
مفيش واحد ملتحى بيمشى فى الشارع الا لما حد يإذيه ... ده إذا لم يتم الفتك به كإنهم لقوا غنيمة

ده لو لقوا يهودى مكنوش حيعملوا فيه كدا
واحد غلبان ملهوش نشاط سياسى ليه يتضرب ويتسحل ... ذنبه إيه
ذنبه إنه ملتحى ؟؟؟
ليه تفتنوا الناس فى دينهم
حتى النساء لم يسلموا من الاعتداءات وجريمتها أن منتقبة
كان الأول يقولك دى زى أمى وأختى
دلوقتى خلاص انتهكت الحرمااااااااااااات

مما لا شك فيه أن الرحمة إنعدمت من قلوب الكثيرين
كيف طاوعته يده على قتل أخيه والتمثيل به بهذه الشاعة!
تبريرك للعالم أنهم إرهابيين ... وأنت تعلم أنهم مسالمين
ماذا سوف تقول لربك يوم الحساب ؟!
بأى حجة سوف تنجو من عذابه
أهى أوامر من قادتك بإبادة أى إسلامى يواجهك لأنى إرهابى ؟!

وَإِذْ يَتَحَاجُّونَ فِي النَّارِ فَيَقُولُ الضُّعَفَاءُ لِلَّذِينَ اسْتَكْبَرُوا إِنَّا كُنَّا لَكُمْ تَبَعًا فَهَلْ أَنْتُمْ مُغْنُونَ عَنَّا نَصِيبًا مِنَ النَّارِ (47) قَالَ الَّذِينَ اسْتَكْبَرُوا إِنَّا كُلٌّ فِيهَا إِنَّ اللَّهَ قَدْ حَكَمَ بَيْنَ الْعِبَادِ (48) وَقَالَ الَّذِينَ فِي النَّارِ لِخَزَنَةِ جَهَنَّمَ ادْعُوا رَبَّكُمْ يُخَفِّفْ عَنَّا يَوْمًا مِنَ الْعَذَابِ (49) قَالُوا أَوَلَمْ تَكُ تَأْتِيكُمْ رُسُلُكُمْ بِالْبَيِّنَاتِ قَالُوا بَلَى قَالُوا فَادْعُوا وَمَا دُعَاءُ الْكَافِرِينَ إِلَّا فِي ضَلَالٍ (50) إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ (51) يَوْمَ لَا يَنْفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ (52)


"يَوْمَ هُمْ بَارِزُونَ لَا يَخْفَى عَلَى اللَّهِ مِنْهُمْ شَيْءٌ لِمَنِ الْمُلْكُ الْيَوْمَ لِلَّهِ الْوَاحِدِ الْقَهَّارِ * الْيَوْمَ تُجْزَى كُلُّ نَفْسٍ بِمَا كَسَبَتْ لَا ظُلْمَ الْيَوْمَ إِنَّ اللَّهَ سَرِيعُ الْحِسَابِ"

وَيَسْتَعْجِلُونَكَ بِالْعَذَابِ وَلَنْ يُخْلِفَ اللَّهُ وَعْدَهُ وَإِنَّ يَوْمًا عِنْدَ رَبِّكَ كَأَلْفِ سَنَةٍ مِمَّا تَعُدُّونَ ( 47 ) ... وَكَأَيِّنْ مِنْ قَرْيَةٍ أَمْلَيْتُ لَهَا وَهِيَ ظَالِمَةٌ ثُمَّ أَخَذْتُهَا وَإِلَيَّ الْمَصِيرُ

"ثُمَّ قِيلَ لِلَّذِينَ ظَلَمُوا ذُوقُوا عَذَابَ الْخُلْدِ هَلْ تُجْزَوْنَ إِلَّا بِمَا كُنْتُمْ تَكْسِبُونَ"

البر لا يبلى والإثم لا ينسى والديان لا يموت افعل ما شئت كما تدين تدان


مما لا شك فيه أخيتى أنه ما تصيبنا من سيئة فهو من عند أنفسنا
فقد تمادينا والله يرحمنا ... فنتمادى ونتجاوز والله يمهلنا
وغرنا حلم ربنا وتناسينا أن عذابه عز وجل هو العذاب الأليم
ربنا اكشف عنا العذاب إنا مؤمنون
فلنكثر من الاستغفار ولنتضرع إليه سبحانه

حسبنا الله ونعم الوكيل
ربنا عليك توكلنا وإليك أنبنا وإليك المصير
-----------------------
ملحوظة : أنا لم أصرح عن رأيي فى النزول من عدمه خشية الدخول فى جدال
فقط عرضت الرؤيتين ...
فرجاااااااااااااااء فضلا وليس أمرا
أستسمحكن ألا يتحول الموضوع إلى نقاش وجدال سياسى ومشاحنات وتبادل اتهامات ...حتى لا يغلق الموضوع
----------------------
دورنا إيه فى الأزمة الحالية ؟