إعـــــــلان

**الخاضعة إلى الله** · 11-08-2013, 10:32 PM

رد: :: الحب ياسلام :: الحب ده كلام ::

ما اسمهوش الحب الاول .. ...سيبكم من كلام الاغانى و المفسديون .....

منهم لله.....حسبنا الله و نعم الوكيل
دى يا ولاداسمها ((الفتنه الاولى)) ....يعنى بيبقى قلبك زى الفل..ولأنك كبرت..واتغيرت...ومشاعرك نضجت....بتحس ان فيه حاجه جديده
الدنيا بقت حلوه . ..وردى...وردى...وردى..وردى.... وردى
وبقت القلوب فى كل مكان....على الكشاكيل ...وميداليات....وعلى الكروت...وسلاسل. .وأساتيك.....وشنط...وهناو هناك . ...

واديله بقى((تامر حسني .. عمر دياب))
أصلها بتيجى على الجرح. ..وبتساعد فى اقناع العقل بوجود الحلم....مع انه فى الاصل حلم
حد يعذب نفسه بنفسه!!
حد يفضل يشم فى الاكل اللى ريحته واصله من عند الجيران...وهو عارف انه صايم ...ومش حا يأكل الا لما المغرب يأذن!!وكمان ما يقدرش يسرق أكل من حد!!
ما هو أصل الموضوع كده
انت صايم. ..وانت صايمه .. .وماينفعش تشموا ريحه أكل حد
اصبروا على الصيام شويه.....لحد ما أذان المغرب يؤذن...ويأذن الله تعالى
ساعتها حا تفطروا...والاكل...((الحب)) حا يكون طعمه حلو قوى....لأنه
((حلال))....وفى مكانه... .
فكر شويه

يعنى ايه الكلام ده.. . ..

هو انتِ مبتعسمعيش ان الحب بعد الجواز مش موجود
وان الخطوبه أجمل فتره فى الحياه
وان...وان...وان

مين اللى قال.....برده...كلام المفسديون. ..فى الحوارات العجيبه.....
هو الحب ورده. ..وقلب. ..وغنوه. ...ونيل و هوا و ميه!!!
لأ....الحب بيتترجم لأفعال ايجابيه....يمكن مش بتشوفوها....البسوا معاى نضارة. . ..بالاشعه الفوق المعنويه ...واتفرجوا معايه
نظره جديده
طب قولوا انتم...بلاش أنا
بابا و ماما

طول النهار قدامكم...صح؟؟....فاكرين يوم ما بابا اتأخر...لما كان مسافر ....ماما وقفت ازاى تستناه...رايحه جايه. ...بصيتوا لوشها....شفتوا الخوف. ..والقلق...والفزع...سمعتوا دقات قلبها و هى خايفه.....
ما هو ده الحب....انك تخاف على حبيبك من الخطر..
شفتوا بابا و هو شايل شنطة سفر...ومعاد الطياره بعد ساعه.. .وقلبه بيتقطع و هو بيبوس راس ماما.....وبيمشى و دموعه بتجرى على خده (أول مره تشوف بابا بيعيط)
ما هو ده الحب......انك تكره فراق حبيبك
فاكر لما ماما كانت عيانه....وحرارتها عاليه. ...وبابا واقف فى المطبخ بيعمل الاكل بدالها...وهو راسم على وشه بسمه....بسمة حنان و عطف عليكم...بس مخنوقه...مخنوقه بألم...
ما هو ده الحب برده...انك تتألم لألم الحبيب
شفتى بابا لما مر بظروف صعبه...أد ايه كانت ماما واقفه معاه....واستحملت حاجات كتير...ما هو ده الحب برده...على الحلوه و المره
فاكر لما ماما فضلت واقفه تصحى بابا علشان صلاة الفجر. ...وراسها كانت بتقع....وفضلت لحد ما قام و صلى ....ما هو ده برده الحب.....انك تخاف على حبيبك من نار جهنم((مش تكون سبب فى دخوله نار جهنم... ..))
يبقى الحب...حنان...وموده...ورحمه....موجود جوانا فعلا...مش محتاج أغانى و هباب و فيديو كلاب...حا يطلع حا يطلع. ..
بس لما نسمع كلنا الاأذان
النور
يا سلام....حاجه حلوه انك تعمل حاجه فى النور.
...قدام كل الناس...من غير ما تستخبى
أصلك عارف انك صح...وانت عارفه انك مش بتعملى حاجه غلط.....
أمال مين بيستخبى..((الحرامى ))اللى بيسرق حاجه مش من حقه....
وخايف لأنه غلط فى غلط....حتى أحلامه غلط.....فبيخجل يحكيها
طب....ربنا يعلم ما فى الصدور.......
يا ترى جوه صدرك....ظلام... .واللا نور؟؟
يا رب يبقى نور فى نور
ألا بذكر الله تطمئن القلوب

يعنى أحبس نفسى و أعيش فى تلاجه!!

**الخاضعة إلى الله** · 11-08-2013, 10:32 PM

رد: :: الحب ياسلام :: الحب ده كلام ::

ما هو الظروف معروفه....ولسه مشوارى طويييييل.

...ولسه على ما أكون نفسى..طب أعمل ايه فى نفسى.....يعنى أعيش فى تلاجه!!

حتى لو حاولت....مش حا أقدر أبقى على طول فى التلاجه

أيوه...عارفه ان المشوار طويل...ويمكن لو عجبتك ((ستوته )) تتخطب و تتجوز

و تخلف و انت لسه بتكون نفسك..

يبقى انت فى الحاله دى خسرتها....وخسرت أحلى سنين عمرك لأنك ضيعتها فى

أحلام سلبيه...ولا بتودى و لا بتجيب...

قصدى بتجيب سيئات بس ...وبتدبح القلب لما تحس انك خسرت المعركه اللى كنت

شايف انها معركة حياه أو موت لقلبك الرقيق.....وبيفضل قلبك مجروح.. .ولو مريت

فى حياتك مع زوجتك فى المستقبل بأى مشاكل حا تلاقى شماعه كبيره

انتاج مصانع ((وساويس الشيطان)) ...تعلق عليها كل حاجه

أصلها مش فتاة أحلامى

أصلها مش حبى الاول

وبالمفتاح الكبير بتاع شيطون بيفتح لك الباب الاسود

(((((لو))))))) لو كنت اتجوزت ستوته كنت حا أبقى أسعد

كانت حا تفهمنى

كانت حا تسعدنى

أصله شاف الزواق اللى من بره بس....واللا صحيح...ممكن يكون ما اتكلمش معاها
أصلا..ولا عرف شخصيتها.....
((معلش أصلى نسيت ان المخرج شيطون طبع الصوره
و كمل باقى مسلسل الوهم من عنده))

ودى النهايه يا أصدقائى

بقى حزين... .بعد ما كانت بداية الرحله...قلب بيرقص.
...ودنيا ايه....فاكرين
وردى...وردى...وردى...
قصدى

بمبى..بمبى..بمبى بمبى

عارفه ان ستوته فيها مميزات كانت عاجباه. ...لكن كل انسان فيه مميزات. ..وعيوب. ...والحب هو نجاح التفاعل الكيميائى بين مكونات الزوج و مكونات الزوجه...مهما كانت المكونات دى....مش شرط تركيبه معينه....
لأن الموده و الرحمه...هى السبب الاساسى فى نجاح التفاعل
خلى عندك بعد نظر ..

حافظ على قلبك

حافظى على قلبك

ده ما فيش زيه...اوعى حد يكسره...واوعى انت تكون اللى كسرته ..
.((الله يسامحك))
رفقا..رفقا....حاول تساعده علشان يفضل خام ...وجميل

بطل تشم روائح كذابه...غض بصرك ....وافتكر دايما شكل الحور العين
((يا ترى قريت عنهم. .))

وطول ما انت صايم عن المعاصى. ...حا يفضل قلبك سليم...ولما يأذن الله بالحب حا يكون طعمه جميل

وساعتها حا نقول كلنا

((صوما مقبولا وافطارا شهيا ))

فكرفى بكره....هنا....وفى الاخره
ما تخليش منظارك أعمى....بيشوف بس تحت رجليه

تعالوا نرجع للبدايه

بس من عندكم....مش من عندى

يتـــــــــــبع >>>

**الخاضعة إلى الله** · 11-08-2013, 10:33 PM

رد: :: الحب ياسلام :: الحب ده كلام ::

تعالوا نرجع للبدايه

بس من عندكم....مش من عندى

افتح قلبك

وافتحى قلبك

سامعين......ايه ده..مين بيصرخ!!

يا ناااااااااااااااااس...يا هووووووووووه

أناعاوز اتكلم...اتفضل...واحنا سامعين

أنا...أنا جوايا حاجات كتير...عاوز أقولها و مش عارف

ساعات بأبقى عاوز أعيط...أيوه أعيط...

وساعات بأبقى محتاج حد يطبطب عليه

وساعات بأحس انى عيل صغير
وساعات باحس انى مقهور...ووحيد...وحزين...ويائس
وساعات بيبقى جوايا طاقه كبييييره..وعاوز أجرى...وأجرى..وأجرى
زى الحصان على شط البحر لحد ما أتعب
وبرده مش مرتاح..طب أعمل ايه

صدى الصوت
حاجه تمام زى الصوت...انت تقول...وهو كمان
انت تعيط..وهو كمان
انت حا تضحك...حا يضحك قوام
صاحبه ..وحاول تفهم قصده...وعاوزايه...علشان خاطره
يعنى ايه؟؟
يعنى حاول تفهم نفسك...ما تفتكرش انك غامض..لا..لا..
الموضوع ساهل....وواضح
الحزن اللى جواك لأنك ناقص....((مش قصدى أهينك...لأ...))
قصدى ان نصك التانى لسه ما ظهرش علشان تكتمل الصوره..وحا يفضل جواك حنين له...رغم انك ما تعرفهوش...وحا تفضل تحلم بيه لحد ما تشوفه...بس ما تخليش الشيطان يمسكك من ايدك اللى بتوجعك...ويدس راسك فى النار...ويملاالفراغ اللى موجود....بوسوسه...وسوء
طب و العياط...والحزن...واليأس...و...و...
عادى جدا.....تفاعل لأنك ببساطه....((انسان))ليك مشاعر و أحاسيس..
ولأنك مامليتش الفراغ بالنور.....علشان تقدر تعيش...وتكمل مشوارك خطوه خطوه...لحد ما توصل..أو يوصل لك...نصك التانى
طب و الحل ايه؟؟

يتــــــــــــــــبع >>

**الخاضعة إلى الله** · 11-08-2013, 10:35 PM

رد: :: الحب ياسلام :: الحب ده كلام ::

طب و الحل ايه؟؟

مد ايدك...بسرعه

الله....وضوء.......ميه حلوه و حاجه صافيه
اغسل وشك....واتمضمض...وما تنساش تغسل قلبك
يا اللا قوام...ارفع ايدك...
((الله أكـــــــــبر))
الله....يا رب....اشرح صدرى...يارب...هدى سرى
يارب اغفر لى..وتب على من ذنبى
ربى أتيتك سائلا ...أمنا لنفسى من زمانى
ما كنت أعلم حين سرت على الدروب بما عرانى
أسجد.....و انت لوحدك....وفضفض...واحكى...وادعى براحتك
هه؟؟...خلصت...

وبعد غسيل القلب؟؟
اوعى تكون وياها لوحدك!!!!
هى مين؟؟
نفسك....نفسك الاماره بالسوء......

طب ازاى...؟؟مش هى برده نفسى...وجوه نفسى؟؟
طب أروح منها فين؟؟
هناك..هنااااااااااااك

واقفين....صحبه حلوه....ولمه أحلى
كون معاهم...ودور عليهم.....شم ورده من ايديهم
كل واحد ريحته حلوه....وشكله أحلى..
عارفين ليه....؟؟
لأنه بيحب ربنا....وربنا بيحبه
مش برده اللمه أحلى!

يعنى أتكلم؟؟
لأ...لأ.........مش أى حد تحكى له همك
اوعى تسرب قوام سرك,....ومش كل صاحب حا يحفظ سرك
أنابأتكلم عن احساسنا بوجود الناس...وبوجودهم حوالينا..
اكسر حاجز الوحده..لأنها بتطفى النور....وتملا قلبك غم...وغيوم...وحا تعميك عن طاعة ربك
مش لازم يكون الكلام عنك....بس اتكلم....حا يخف همك
حاول تتأمل...فى الطبيعه...واتكلم
خد راحه...واستراحه....وفى ملكوت الله ...اتعلم

خد بالك
كل شويه القلب حا يصرخ...وحا يتألم....وحا يتمنى...وحا يتعلم
عرفتوا ليه الاغانى بتفتن....لأن فى الفيديو كليب..الابطال بيحققوا الاحلام اللى انت ما تقدرش تعملها لأنك بتخاف من ربنا....وبتحاول تتقى الله...
وبييجى الشيطان يوهمك....ويخلى عينك تذلك...وتبقى أسير الهوى....ويشل فكرك
وتفضل عايش فى دنيا ((أمانى و أغانى))
يبقى لازم تلاقى البديل....علشان يفشل مخطط الشيطان الرجيم
بس!!
بس ايه.....هو لسه فيه بس!!
أيوه
اتفضلى قولى...اتفضل قول
ايه ده....دموع...يا نهار زى بعضه
((أنا حاسس انى بأحب...وانتم مش مصدقينى))
لا..والله....مش بنكذبك...ولا انت كمان يا أختى
بس الامر مش كده.....واحده...واحده
باحترم مشاعرك..وبأقدرها...
بس اسمحوالى أقفل على القلب شويه.....بالمفتاح..وهاتوا عقولكم
ودلوقتى....عرفت منين انه حب؟؟

يتـــــبع >>>

معلش ياجماعة هو الموضوع طويل شوية بس خلاص قرب يخلص بإذن الله
وطبعاً للامانة كام ذكرت فى الأول الموضوع منقووول
بارك الله فيكم

**الخاضعة إلى الله** · 11-08-2013, 10:40 PM

رد: :: الحب ياسلام :: الحب ده كلام ::

ودلوقتى....عرفت منين انه حب؟؟
* حسيت انى على طول بأفكر فى الطرف التانى....ونفسى أشوفه على طول...ونفسى أسمع صوته....ونفسى أكلمه
_طب تفتكر ليه؟؟
*مش ده المهم....المهم ان الاحساس موجود
_طب ممكن أسأل شويةاسئله...وجاوب عليها لوحدك...علشان تخطط لحياتك

1 عندك كام سنه؟؟ومعاك كام؟؟امكانياتك ايه ؟؟
2 ما هو تصورك لمدى تحمل و صبر وانتظار الطرف الاخر لك؟؟
3 انت طبعا شايف مميزات الطرف التانى..طب ايه عيوبه؟؟
4 الحب ده بيدفعك للامام...يعنى بيخليك تذاكر و تشتغل أكثر..واللا بيأخرك...وبيسلسل حياتك بالالم
5 يا ترى لو رحت النار على السيئات اللى أخدتها نتيجة حبك...ممكن الطرف التانى يشيلها معاك...واللا حا تكون فى القبر لوحدك؟؟

أكيد
أكيد الاجابه حا تختلف حسب سنك...ودراستك.
ولو كنت معاك شهادتك و امكانياتك مناسبه..وتستطيع تقييم الطرف الاخر اللى عجبك .وتقدر تاخد خطوه ايجابيه فورا...(ما فيش مشكله)
ربنا معاك...ويا ريت تاخد خطوتك...وابقى اعزمنا على فرحك
ولو كنتى أخت خلصتى أو لسه ما خلصتيش دراسه و عندك الشعور ده و من طرف واحد .....أو طرفين((فيه مشكله ...وكلمتين))
لو من طرف واحد...اوعى ترخصى نفسك...وحاولى تكونى حكيمه.وعززى نفسك...واحفظيها ..واصبرى...وما تخليش تفكيرك فيه ياكل كل حياتك..لأنه ممكن ببساطه جدا...ما يشوفكيش و احفظي قلبك لربك و حاولي تطلعي المشاعر اللي عندك دي برة قلبك لأن قلبك لواحد بس هو زوجك

ولو كنت طالب....ومافيش امكانيات...((هى دى المشكله))
مش حا أقول انت لسه صغير...ومش حا أفكرك بدراستك...ومش حا أحسبها بالفلوس..ولا حا أقلل من شعورك...
بس حا أحكى لك تفكيرأى أب لما يلاقيك رايح لبنته
((أنا عارف انه بيحبها...بس يا ترى حا يقدر يخلص و ياخد شهادته؟؟
طب حا يلاقى شغل؟؟طب حا يصرف عليها منين؟؟
طب لو بعد 6 سنين.هو حا يتغير و هى حا تتغير...وحا تمشى سنين المراهقه..
يا ترى حا يفضل عاجبها؟؟
يا ترى حا تفضل بنتى حلوه فى عينه و اللا مش حا تعجبه؟؟
طب لو سبتهم يحبوا بعض...يا ترى حا يقدروا يتحكموا فى تصرفاتهم..؟
أنا عارف بنتى...مش حا تستحمل
لا...لا....أنا ما أقدرش أمشى ببنتى على جسر لسه ما كملش...الاحسن أستنى شويه...وأنا شايف عرسان جاهزه...ولو 50 %...يبقى أنقى الاحسن ليها))
الاب...بيفكر صح....ولازم تحط أفكاره فى خطتك العمليه

طب اسمعونى
حا اقول لها انى معجب بيها...وحا أطلب منها تستنانى...

أنتظروااااااااا أخر جزء بإذن الله
بارك الله فى الجميييع

**الخاضعة إلى الله** · 11-08-2013, 10:42 PM

رد: :: الحب ياسلام :: الحب ده كلام ::

طب اسمعونى
حا اقول لها انى معجب بيها...وحا أطلب منها تستنانى...على قد ما تقدر
مش حا أقف معاهاو لا حا أعرضها لشبهه
مش حا أسىء لها بأى تصرف أو نظره أو كلمه
طــيب ده حتى ينفع ياعم ؟؟؟

ودينا هل بيسمح بذلك ؟؟

يعنى ترضى واحد يقول لاختك انه معجب بيها أو حتى يقف معاها
أكييد لا
وزى ما بتحافظ على أختك...لازم تحافظ على بنات الناس

أيه ده الموضوع بقى صعبتوا عليا كده ليه؟؟
هو القرار صعب كده.....ده أنا كده مش حا أكلم حد...أومال هتجوز ازاى
مش صعب و لا حاجه....ربنا كتبلنا هنتجوز ميين من قبل مانتولد
يبقى ليه نبدأ حياتنا بشىء يغضبه
ما بنى على باطل فهو باطل
ليه نتعرف ونخدش قلوبنا ونغضب ربنا
والأمر محسوم من الاف السنين ومكتوب لنا مين اللى هنتجوزه
يعنى أعمل ايه ؟؟
أصبر وسيبها على ربناا
وأعلم
"من ترك شيئاً لله عوضه الله خيراً منه "
ولو ربنا كتبها لك هتخدهاا من غير مانغضبه
ولو ربنا كتبه ليكى هتخديه من غير ماتغضبيه
ومعايا هديتين أقبلوها منى :)

دى للشباب : بتحبها؟؟؟ بتحبيه؟؟؟
ودى للبنات :): أنا بس هقوله بحبه وهمشي !!

يبقى لازم نحافظ على قلوبنا على الجوهره اللى جوانا....وبلاش نخربشها بتجارب احنا فى غنى عنها...علشان تلمع قوى...لما ييجى الوقت....ونسمع الاذان...ونفرح بصيامنا...ونفخر بفطارنا

بأتمنى لكم حياه حلوه...كلها فرحه...وحب و طرحه
من غير خساره.وبإلتزام ...وفى طاعة الله

اللهم آتنا فى الدنيا حسنه و فى الاخرة
:: منقول ::

**الخاضعة إلى الله** · 11-08-2013, 10:44 PM

رد: :: الحب ياسلام :: الحب ده كلام ::

أجمل ما في حب الله
أنك تستطيع أن تحبه بكل طاقتك وأن تتقرب له ليل نهار فهو لن يمل منك ومن حبك

أجمل ما في حب الله

أنك تستطيع أن تكشف أمامه ضعفك (وهو أعلم به) وأن تطلب منه الملجأ والسند في كل وقت فهو لن يستغل ضعفك ولن يتخلى عنك.

أجمل ما في حب الله
أنك تجده معك في كل مكان وفي كل وقت وهو يعرف سرك وجهرك وقتما أردت أن تناجيه تجده هو السميع البصير، تناجيه بالساعات وهو يسمعك، ولو كنت بين الناس وعلت أصواتهم فصوت قلبك عند الله أعلى منهم.

أجمل ما في حب الله
أنك لا تحتاج أن تنقل له ما تفعله لتثبت له أنك تحبه فإذا ذكرته في نفسك أو في جمعٍ هو يسمعك وإذا فعلت شيئا لوجهه لا يراه أحد هو يراه سبحانه بل يعلم ما لا تعلمه أنت عن نفسك لذا فإنه لا يظلمك أبدا ولا يبخسك حق حبك أبدا.

أجمل ما في حب الله
أنه سيتسامح معك إلى أبعد الحدود طالما عدت إليه وطلبت السماح ولن يذلك ليسامحك أو يحمل ضغينة تجاهك كما يفعل البشر.

أجمل ما في حب الله

أنه ليس له نهاية

إعـــــــلان

:: الحب ياسلام :: الحب ده كلام ::

:: الحب ياسلام :: الحب ده كلام ::

تعليق

تعليق

تعليق

تعليق

تعليق

تعليق

تعليق