Tweet
عملتي كل اللي كان نفسك فيه ؟
كان نفسك تلبسي ع الموضة ... ولبستي
كان نفسك يتقال عليكي أشيك بنت وأجمل بنت ... واتقال
كان نفسك تخرجي كل يوم والتاني في مكان شكل مع اصحابك وصحباتك ... وخرجتي واتفسحتي
كان نفسك تكلمي شباب وتصاحبي ده وتشيتي مع ده وتهزري مع ده وده ... وعملتي كدة
كان نفسك تثبتي وجودك في البيت وتعمليلك كيان فبقيتي تعلي صوتك علي مامتك وتسخري من رأيها وتقولي عليها دقة قديمة !
وانتي بتعملي كل ده فاكرة نفسك إنك كدة بتحققي السعادة صح ؟
طيب بالله عليكي إنتي فعلاً سعيدة ؟؟؟!!!
حاسة بقلبك مرتاااح ومطمن ؟؟!!!
حاسة بهدوووء وسكينة جواكي ؟؟!!!
إجابتك هتكون (((( لأ ))))
طيب وانت ؟؟
كان نفسك تلبس ع الموضة وتبقي شاب إستايل سلسلة بقي وإنسيال في إيدك ومش ناقصك إلا توكة في شعرك ... ولبست واتشيكت
كان نفسك تصاحب طوب الأرض علشان يتقال عليك إنك مقطع السمكة وديلها ... واتقال
كان نفسك كل يوم والتاني تخرج مع اصحابك وتسهر لوش الصبح علشان تفك عن نفسك ... وخرجت وسهرت وفكيت عن نفسك
كان نفسك تثبت رجولتك في البيت وإن خلاص بقي ليك شخصيتك فبقيت تعلي صوتك في الطالعة والنازلة وتزعق لأمك وأبوك وتاخدهم بالصوت العالي وهما علشان ميحصلش مشاكل بيمشولك اللي انت عايزه وانت فاكر إنك كدة خلاص بقي بقيت راجل !!
لا وعلشان الرجولة تكمل لازم علبة السجاير متطلعش من جيبك
وفاكر بردو إن إنت لما تعمل كدة هتبقي سعيد
طيب بالله عليك إنت حاسس بسعادة من قلبك ؟؟؟!!!
حاسس براحة وطمئنينة في قلبك وانت بتعمل اي حاجة من الكلام ده ؟!!
حاسس إنك فعلاً رااااااجل ؟؟!!
لو قلبك سليم هتقول ((( لأ ))))
انتوا عارفين لأ لييه ؟!
ببساااطة شديييدة لأنك يا أختي ولأنك يا أخي دورتوا علي السعادة في طريق عمره ما هيوصلكم ليها بالعكس ده هيوصلكم للنقيض تماماً
عمرك ما هتحس إلا بضيق في صدرك وخنقة وزهق وملل وهتفقد لذة كل حاجة انت بتعملها
السعادة والراحة والسكون اللي نفس قلبك يوصل ليهم عمرك ما هتلاقيهم الا في طريق واحد بس ومستحييييل هتلاقيهم في طريق غيره
طريق ربنا
جربتي يا أختي وجربت يا أخي تمشي في طريق ربنا ؟
جربتي لذة الوقوف بين ايديه في الثلث الأخير من الليل وتتكلمي معاه وتحكيله عن كل اللي جواكي وتحسي إن لوح ثلج نزل علي قلبك بعد ما كان أحر من الجمر ؟
جربتي تواظبي علي ذكره في كل خطوة بتخطيها في يومك وتحسي إن لسانك معطر بذكره وإن الملايكة بتتباهي بيكي وإن ربنا فرحان بذكرك ليه ؟
إنتي عارفة إن ربنا بيحب يسمع كلمة ( يا رب ) من عباده
يــــــــــاه إنتي متخيلة معايا إن ربنا يحب يسمع منك إسمه وانتي بتناديه
احسااااااس فوق الوصف للي يستشعره بقلبه
طيب جربتي تسيبي حااجة إنتي بتحبيها بس عارفة إنها بتغضب ربنا وتقولي (( سايباها علشاااانك يااااا رب )) وتلاقي فعلاً ربنا عوضك أحسن منها بكتيييييير لأن (( من ترك شيئاً لله عوضه الله خيراً منه ))
إنت عارف يعني إيه تبقي قريب من ملك السموات والأرض ؟؟
ده الواحد لو ليه علاقة مقربة برئيس جمهورية بيبقي ماشي يقول يا أرض إتهدي ما عليكي أدي
ما بـــــــال لما تكون مقرب من (( مــــــــلــــــك السموات والأرض ))
اللي أوجدك في الدنيا أساساً اللي متحكم في كافة أمور الكون اللي بيسير حياتك إزاي تتوكل عليه وتبقي خايف ولا تبقي قلقان من اللي هيحصل
إزاي مش قادر تتخلي عن حاجة بتغضبه علشان ترضيه وتقول لأ آأصلي خايف أسيبها علشان كذا ولا كذا أصلي مش هقدر أصلي إتعودت خلااااااص
يا سبحاان الله !! .. إزاي مش قادر تسيب ذنب وإنت عارف إن اللي بتعصيه قاادر يخسف بيك الأرض وإنت قاعد مكانك وقادر يقبض روحك علي معصية وتبقي فضيحة في الدنيا قبل الآخرة
بالعكس ده صااااااابر عليك ومستنييك ترجعله
لأ وبعد كل اللي عملته وبعد كل عصيانك ليه وبعد ما جعلته أهون الناظرين إليك بمجرد إنك ترجعله وتقوله إقبلني يااااااااا رب مش هيردك
بالعكس هيبقي فرحاااااااااان برجوعك ليييه
إنت مستشعر مدي رحمة ربنا ،،،، يا الله إحساس ميتوصفش
يعني معاصينا طالعاله ونعمه نازلالنا
شوفت حلم أكتر من كدة
ربنا ميستحقش مننا اللي بنعمله
ميستحقش التخاذل اللي احنا فيه
ميستحقش اننا شايفين دينه وشريعته بيتهانوا واحنا ملهيين في الدنيا ولذاتها وشهواتها
يااااااا ريت كلنا نفكر ونعيد حساباتنا ومنبيعش كل حااجة (( جنة عرضها السموات والأرض )) بولا حاجة (( دنيا فانية ))
تعليق