يالا نشارك في فريق القيام.

[حور الحياة]

....أحبتي في الله جه في بالي فكره قبل ما اترك المنتدي للقيام,,,,,,,,,,,,,,,,,, اننا كلنا نقوم نصليه دلوقتي لان ده أفضل وقت للقيام الثلث الاخير من الليل وطبعا أكيد عارفين فضله ,,,وانا فكرت نعمل فريق او مجموعة نعين بعض علي صلاة القيام ونكون أخوات نعين بعض ونسأل بعض عليه وعلي كل العبادات لأن العمل الجماعي بيساعد علي استمرار العمل ويشجع عليه.


وياريت نتفق اننا نطيل في القيام مثلا نصلي بجزء الليلة ان شاء الله ونكثر من الدعاء والاستغفار وكمان نعين بعض علي صيام الاثنين والخميس والايام البيض ونذكر بعض بيها وبالمنسبة اذكركم بصيام الاثنين غدا ومتنسوش السحور الليلة .


أتمني مشاركة الاخوات في الطاعات وياريت مننساش الدعاء لكل الاخوات.

[ملكة بنقابي]

رد: يالا نشارك في فريق القيام.

السلام عليكم ورحمة الله**** بارك الله فيكِ أختي وزادك الله حرصاً لا يقيم الليل إلا رجال ،،،ذو حكمة وأبصار وإيمانأيا قوم إن الليل قد حان،،، وفي الآفاق يدوي نداء الرحمن

[طالبة الجنان]

رد: يالا نشارك في فريق القيام.

جزاكي الله خير اختي الحبيبة
وجعل ما قلتيه في ميزان حسناتك
واهلا بيكي اختي ملكة بنقابي منورة المنتدي

[روضـ الحياة ــة]

رد: يالا نشارك في فريق القيام.

السلام عليكم ورحمة الله وبركاته...............

يا سلام يا اختى بجد فكرة جت فى وقتها خاصةً ان ايام كتير مش بقيم الليل ممكن تقولى معظم الايام فهى اكيد حاجة تتضايق يا ريت تشدونى معاكم بقى وتقولولى اعمل ايه علشان اشد حيلى شوية

وادعولى وادعولى كمان علشان امتحاناتى قربت ادعولى انى اتغلب على الكسل اللى بيبهدل الواحد ده

[حور الحياة]

رد: يالا نشارك في فريق القيام.

جزاكم الله خيرا.
أخواتي في الله.
أخيتي العزيزة( من لي سواك):
ربنا يوفقك في امتحاناتك .ويعينك علي الطاعات .أنا عارفه انك مشغوله في الامتحانات بس مش لازم تشغلك عن القيام لان والله لو قيمتي الليل في عز انشغالك والله لربنا يبارك لك في الوقت وتحسي بالراحة .أنا لما كنت بمتحن مكنتش بسيب القيام بفضل الله وكنت بجمع الماده في يوم والحمد لله ربنا وفقني فصدقيني وقتك كله هيبقي بركة.
وايه رأيك تقيمي ساعه قبل الفجر بس جربي الليله وان شاء الله مش هتندمي.

[يمامة المسجد]

رد: يالا نشارك في فريق القيام.

جزاكم الله خيرا ً أختنا حور الحياة على حب الخير لنا

أختي الحبيبة من لي سواك لا تتركي قيام الليل ابدا وإن كنت تكسلين القيام فلو ركعة وتر بعد العشاء تصليها لن تشعري بها وتقرأي فيها بلو عشر آيات فقط " قل هو الله أحد ، وقل أعوذ برب الفلق ، وقل أعوذ برب الناس "

نوديتي يوم القيام من قائمين هذه الليلة واسم عندك الله في هذا اليوم ليس من الغافلين

[روضـ الحياة ــة]

رد: يالا نشارك في فريق القيام.

السلام عليكم ورحمة الله وبركاته..............

ازيكم جميعاً .....بتدعولى ولا ايه؟

المشكلة عندى مش ان القيام بيعطلنى عن المذاكرة لا خالص بس المشكلة ان بأجل يعنى بعد العشاء اقول خلينى قبل الفجر بشوية ومابقومش خالص

اختى يمامة المسجد هو اشتراكى فى الخاص هيتفعل امتى إن شاء الله ارجو السرررررررررررررررررررررعة

[شامخة بدينها]

رد: يالا نشارك في فريق القيام.

السلام عليكم ورحمة الله وبركاته
اخواتى فىالله جزاكم الله خيرا على ما تقدموه لدين الله
اتمنى ان اشترك معكم فى هذا الموضوع
واالله اتحرق شوقا للقرب من الله ولكن ؟؟؟؟؟؟؟
عايزة بس مش قادرة ..... كان عنوان محاضرة للدكتور حازم بارك الله فيه
كل يوم المنبه يرن ولكن نوم عميق .... اكيد كبلتنى ذنوبى كل يوم اقول ( لو احبك لاقامك )
معلش كانت شويه فضفضة ولكن لى عودة معكم
وارررجو منكن الدعاء لى بالثبات

[روضـ الحياة ــة]

رد: يالا نشارك في فريق القيام.

السلام عليكم ورحمة الله وبركاته................


يااااااه يا اختى شامخة بدينها تقريباً نفس اللى بيحصل معايا يا ريت بجد تدعولنا يا اخوات ولو فى حد كان بيحصل معاه نفس اللى بيحصل معانا ده يا ريت يقولنا عمل ايه علشان يخلص من المشكلة دى

[غفرانك ربي]

رد: يالا نشارك في فريق القيام.

جزاكم الله خيرا اخواتي

اخواتي شامخه بدينها ومن لي سواك

والله يااخوات ذنوب هيا االي بتكسلنا عن القيام

هقولكوا نصيحه ناموا علي طاعة ذكر لله قراءة قرآن سماع شريط اي طاعة

واظبطوا المنبه وحطوه بعييد عنكوا وخلوه يرن لمده طويله عشان تقومي وتتحركي لغاية متقفليه

جاهدوا يااخوات أنفسكم

ربنا يعينا ويهدينا واياكم يارب

[حور الحياة]

رد: يالا نشارك في فريق القيام.

جزاكم الله خيرا
حبيبتي في الله (شامخه بدينها ) ان شاء انتي صادقه في حبك لله لان احساسك بالتقصير اكبردليل ومين فينا مش مقصر كلنا مقصيرين
بس خليكي فاكره ان اللي بيحب حد بيشتاق قوي لمقابلته وانتي اكيد مشتقاله . والقيام بيجي بالتدريج يعني في الاول تصلي ركعات قليلة وخفيفه وبعدن تزودي تدريجيا لحد ما توصلي الي 11 او 13 ركعه لان انتي نفسك هتحبيه وتحبي الاطاله .
بس في حاجات لازم تعمليها علشان تعينك انك تقومي وهي.

1. حاولي تنام بدري عند معاد نومك ولوساعه
2. اتفقي معي صحبة صالحه علي القيام وانهم يرنوا عليكي ولو قبل الفجر بربع ساعه تصلي فيهم الوتر وطبعا انتي هتقومي للفجر , فتقومي بدري ربع ساعه مش هتحسيها .
3. اضبطي المنبه علي نفس المده
4. ابعدي النبه عنك علشان متقفليهوش وتنامي تاني لانه لو بعيد عنك هتقومي علشان تقفليه .

النيه اهم شئ وان شاء الله هي اكيد متوفره .
بعد كل ده ان شاء الله هتقومي حتي لو مقومتيش بتخدي الاجر ان شاء الله لان النيه موجوده وعملتي بالاسباب.
اخيرا حاولي تتغلبي علي نفسك متخليهاش تتغلب عليكي .
وربنا يرزقك أختي الحبيبه القيام ولذته .

[حور الحياة]

رد: يالا نشارك في فريق القيام.

جزاكم الله خيرا.
حبيبتي في الله (من لي سواك).
والله بدعيلك وأسأل الله كما جمعنا في الدنيا علي طاعته يجمعنا في الاخرة في جنته.
الكسل اللي عندك ده ممكن يكون فتور واحسن حل للفتور اسمعي درس عن الاخره او الموت للدكتور حازم شومان او اي من علمائنا الكرام اللي كلامه بتحسي انه بيأثر فيكي او تحضري مجلس علم بجد ده اسرع علاج للفتور.
انا نفسي بحس بالنشاط جدا في الطاعه لما اسمع الدكتور حازم.
جربي النهارده واسمعي شريط انتي بتتأثري بيه واعملي الحاجات اللي زكرتها قبل كده وان شاء الله ربنا هيعينك .
وفي حاجه كنت بعملها بتجبرني اني أقوم وهي تأخير الوتر قبل الفجر والله ساعدتني كتير لاني غصب عني لازم اقوم الحق اصلي الوتر .