مفيش عنوان

[منار سعيد]

اللامبالاة ..
احساس وحش جدا
وقتها محدش هيحس بيك و لا هيعذرك .. غير اللى عايش فى نفس حالتك
غير اللى فى دايرة مقفولة .. بيلف فيها لوحده زيك
ف ياريت بلاش تستنى من حد يفهمك وقتها او يطبطب على كتفك ويقولك انا معاك

لأن حتى اللى عايش نفس حالتك .. مستنى نفس الطبطبة اللى انت مستنيها بقالك كتييير
خليك لوحدك ف حالتك طلَّع منها نفسك بنفسك او حتى اتسجن فيها مهما عملت محدش هيفيدك غير دعوة لربنا ف عز الليل انه ينقذك من السواد اللى بقى حواليك
..
..
بالله عليكم يا بنات ادعووولى لانى انا والله تعبت اووووى


باختصار مشكلتى هى انى مليش اصحاب خاااالص .. وحيده جدا و الوحده دى بتموتنى
مع انى فى كلية ( مجتمع مفتوح ) بس مش لاقيه الصحبة الصالحه اللى توجهنى للجنه او ممكن اكون مش عارفه الاقيها لانى انطوائية اووى ... ارجوكم لو حد يقولى ازاى افرح نفسى انا بعمل حاجات كتير بقرأ قرآن و بصوم و بقرأ فى الدين و بعد امتحاناتى ان شاء الله هحضر دروس دين فى المسجد بس بردو حاسه بوحده و مش عارفه اعيش بجد تعبانه اووى ادعولى بالله عليكوا ....
حتى من خنقتى كان امتحانى النهارده مروحتوش و محدش سأل عليا أانا اصلا سراب مش ليا وجود فى اى مكان
أعمل اى ؟؟؟؟؟؟؟

[باحثة عن السعادة]

رد: مفيش عنوان

السلام عليكم ورحمة الله وبركاته

ايه يامنار هونى على نفسك ياحبيبتى ايه اللى حصل علشان ده كله وبعدين مالكيش اصحاب ليه بقى امال احنا روحنا فين !

اولا امتحان ايه اللى ماروحتهوش ؟

ثانيا : الوحدة خير من جليس السوء ...قالوا كده .

ثالثاً : الانسان لما بيكون كويس واخلاقه كويسة وسط ناس مختلفين عنه مش ملتزمين قد كده مابيلاقيش فيهم الصحبة الصالحة فمايببقاش له فى وسطه اصحاب بس ده معناه انه كده وحش وانه كده يضايق وينكد على نفسه كده ولا يحمد ربنا انه اصطفاه من بين الناس دى ودله على طريق الخير مجرد وجودك فى المنتدى هنا ان شاء الله خير .

ياحبيبتى سيبك من الصحاب البرانى ماتصاحبى مامتك واخواتك هما بجد اولى الناس بالصحبة اتونسى بيهم وقربى منهم.

يمكن الوحدة دى احياناً نعمة تستاهل ان الواحد يحمد ربنا عليها .
روقى كده .......والمنتدى هنا فيه ناس تشرح القلب بجد
ربنا يوفقك وينجحك ويشرح صدرك ويفرح قلبك يارب .