Tweet
نصيحة لأختي اللى بتكلم واحد من ورا أهلها
- Conversation started today
السلام عليكم ورحمة الله
هقولك حاجه يا بنوته يا اللي بتكلمي ولد من ورا أهلك
أنتِ كده بتعملي 3 حاجات :
أولآ بتجعلي ربنا أهون الناظرين إليكِ
لأنك بتخافى من أهلك ومش بتخافي من اللي خلقك !!!
ثانيآ بتخوني أهلك وزوجك المستقبلي كمان
ما هو متقنعنيش إن اللى أنتِ بتكلميه ده هيبقى زوجك ولا هيثق فيكِ أصلاً فى يوم من الأيام ويتزوجك هو إيه اللى ضمنه إذا كنتي مشيتي معاه هو بس ولا مشيتي مع حد غيره !!!
ثالثآ هتدمري نفسك كلياً وهتفقدي الثقة فى كل اللى حواليكِ
ما هو بعد كلام الحب والحاجات اللى بيضحك عليكِ بيها دي ساعة الجد هتلاقيه بيقولك سلام وتفضلي بقى قلبك يوجعك وتقولي خاين ومش خاين وكلام الأفلام ده وهتتجرحي فعلاً وتفقدي الثقة فى كل الناس !!!
يبقى ليييه بقى كل ده يحصل من الأول ليه متراعيش ربنا فى نفسك أول حاجه وفى الناس اللى تعبت فى تربيتك تاني حاجه وفى اللى هيتزوجك مستقبلاً
ع فكره ما عند الله لا ينال إلا بالطاعة صوني قلبك يا بنت الناس الطيبين وحافظي على نفسك ومتسمحيش لأي حد يجرحك أو يفقدك الثقة حتى فى نفسك وألحقي نفسك من دلوقتي قبل ما تدخلي فى سكة اللى يروح ميرجعش وهتندمي
أنتِ كويسه ع فكرة ومن جواكِ حد جميل جداً حافظي بقى ع نفسك قبل فوات الآوان
الطيبـــــون للطيبـــــــــات
منقوووووووووووووووووول
تعليق