Tweet
إلهي
إلهي لا تعذبني فإنّي ... مقرٌّ بالذي قد كان منّي
فما لي حيلةٌ إلا رجائي
لعفوك إن عفوت وحسن ظنّي
فبين يديّ محتسبٌ طويلٌ
كأنّي قد دُعيت له كأنّي
وكم من زلّةٍ لي في الخطايا
وأنت عليّ ذو فضلٍ ومنِّ
إذا فكّرتُ في ندمي عليها
عضضت أناملي وقرعت سنّي
أُجنّ بزهرة الدّنيا جنوناً
وأقطع طول عمري بالتّمنّي
ولو أنّي صدقت الزّهد فيها
قلبت لأهلها ظهر المجنّ
يظنّ النّاس بي خيراً وإنّي
لشرّ الخلق إن لم تعف عنّي
كتير مننا ده حاله ..
دايما بيشتكي من ذنوبه ..
تعب من كتر الهموم .. تعب من حاله ..
الذنوب أثقلت ظهره خلاص ..
تعباااااااااان .. مش قاااااااااااادر أستحمل ...
أنا بحب ربنا وبحب النبي صلى الله عليه وسلم والله ,, صدقوني ..
أنا عارف إنك بتحبهم وبتحبهم جدا كمان ..
بس المشكلة عندنا إن في مشاكل في القلب ..في اماكن فاضيه في القلب الشيطان بيدخل منها ..
وفي اماكن مشغوله بحاجات مش مكانها خالص ..
ده اللي بيفتح المجال للشيطان فيبدأ يوسوس لك ويبدأ يجتهد عليك ..
كتير بعد ما تبعد عن الذنوب يوم واتنين وأسبوع وشهر تحس إنك بقيت ملاك ماشي عالأرض !!!..
تحس بنشوة وفرح كبير ..
لكن مش بيدوم الإحساس ده .. !!
تبدأ تلاقي خواطر غريبه بتدخل عليك .. إيه اللي أنا بفكر فيه ده !!
أنا هرجع تاني ولا إيه ؟!!
يارب الحقني !
يارب متسبنيش !!
في اللحظه دي .. لحظة الضعف .. بيبدأ الشيطان يجتهد عليك مع نفسك الأمارة بالسوء .. وفي الجبهة التانية عندك الراجل الطيب اللي جواك .. داعي الإيمان ..
عمال يقول لك بلاش نرجع تاني .. متفكرش .. قوم من هنا ..
والشيطان يقول لك
يعم دي مرة وارجع توب تاني .. هيحصل إيه ؟
مش كل واحد عنده ذنب يعتاده كل فترة .. مش انت قريت ده في موضوع فلان !!
مش انت عارف إن كل بني آدم خطاء .. مش انت عارف إن ربنا غفور رحيم ..
انت ضعيف .. اعمل الذنب المرادي وبعدين أعد عيط شويه .. مش انت كل مره بتبكي لحد ما تنام من كتر العياط .. ربنا هيسامحك .. يلا مش مشكلة المرادي ...
في اللحظة دي بينقسم الناس إلى نوعين ..
الاول بيفشل في الاختبار اللي ربنا وضعه فيه !
والتاني بينجح بفضل الله ..
أيوه ده كان اختبار ..
بعد ما قلبك بدأ يدخله إحساس بالاستامة ..
وإنك بقيت نضيف وميه ميه ..
لازم اختبار عشان الهدايا الربانية اللي كانت جايه لك ..
ربنا بيختبرك عشان يرى مقياس إيمانك وصدقك .. وهو أعلم .
طيب ليه عندنا واحد نجح وقام جري اتوضا وصلى وبكى بس عالسجاده وهو بيصلي ..
والتاني وقع في الذنب بعد المعركة دي .. وبكى برده بس عالأطلال !!!!!
بكى على الراحة النفسية اللي كان عايشها وفقدها بوقوعه تاني في الذنب الحقير ..
بكى على اللذة اللي ضاعت بعد ما بدأ يحس بيها .. إحساس بالنضافه والطهر من الذنوب ..
والفرق عظيم بين البكاء من شدة الفرحة للي نجح .. والبكاء من شدة الندم للي فشل في الاختبار ..
الأسباب كتيييييييره .. لكن أعظمها وأهمها ..
إن أخونا اللي نجح في الاختبار لجأ إلى ربه .. فعل زي سيدنا يوسف .. قال معاذ الله .. وجري من مكان الذنب .. عاوز يهرب .. فآواه الله .. وهداه الله .. وحفظه الله .. وطمأن قلبه .. وبعدها أعطاه من واسع فضله ..
الهدايا اللي مكنش هياخدها إلا بالاختبار ده ونجاحه فيه ..
لكن التاني عمل إيه ؟؟
رمى ودنه للشيطان وفضل يسمع منه .. ويفكر !!
وهنا مكمن الخطورة إنه لم يحرس خواطره من تسلط اللعين عليها ..
بدأ يسرح معاااااااااااه ,, وحصل اللي حصل
لكن يا ترى لما وقع في الذنب تاني الشيطان قال له نفس الكلام اللي قالهوله عشان يوقعه ؟؟..
قال له خير الخطائين التوابون زي ما كان بيقول له قبل الذنب ..
قال له ربنا غفور رحيم .. يلا استغفر شويه كده ..
قال له قوم بئى صلي ركعتين توبة ؟؟
قال له إيه ؟
أقول لك قال لك إيه بعد ما رماك في البحر وانت مبتعرفش تعوم !!
حتى مساعدكش عشان ينقذك ما الغرق !
لا ، ده بئى يغطس فيك أكتر عشان تموت وربنا غضبان عليك.. !!
قال لك
إيه ده !!
انت عملتها تاااااااااني ..
وقعت في الذنب ده بعد ما كنت تبت منه .. يا خسااااااااااااااره عالرجاله !!
انت مش نافع يبني تاني !!
ربنا أبدا مش هيقبلك .. انسى !!
انت بقالك كام سنة على دا الحال .. خلاص مش هينفع تتوب بئى .. يلا اعمل الذنب كمان مرة .. مش فارقة بئى ..
وذنب ورا ذنب .. ويوم ورا يوم .. وتعدي شهور وسنين .. على دا الحال ..
ونفس السيناريو اللي فوق ده بيتكرر مع كل ذنب بتعمله !!
وانت بمنتهى السذاجة بتسمع نفس الكلام من الشيطان كل مره !!
وتمشي وراه .. وبعدين يعايرك !
بس يا ترى هل هدفه منك مجرد يوقعك في ذنب وخلاص ؟
يا ترى هو عاوز منك إيه ؟؟
هدفه الكبير هو إنك تكفر بالله !!!!!!!!!!
انت بتقول إيه ؟ عمره ما هيقدر ! أنا أكفر !! أعوذ بالله ..
صبرك عليا متتعصبش اوي كده ..
هقول لك بيعمل كده ازاي ..
هو انت أحسن من اللي عبد ربنا 500 سنة وفي الآآآآآآآآآآآآآآآخر سجد لإبليس !!
انت أحسن من عباد بني إسراءيل اللي الشيطان وقعهم في الزنا بعد عشرات السنين من العزلة عن الناس والتفرغ للعبادة ؟!!!!
عشان كده أنا بقولك ده هدفه منك .. بس مش هيقولهولك مره واحده كده ..
هو مش بعد ما وقعك في الذنب بدأ المرحلة الثانية معاك ..
مرحلة إنه يعجزك وييأسك من رحمة ربنا ..
مش قالك انت مش نافع ... وخلاك بطلت تستغفر .. وخلاص قربت تبعد عن المسجد والصحبة الصالحة ..
مبقتش تقرأ قرآن ولا تسمع دروس !!
هي دي خطواته ..
بيأسك من رحمة ربنا .. وبعدين تسيب العبادات .. وبعدين تتمادى أكتر في المعاصي .. والطريق ده مش هينتهي .. طريق الذنوب ..
أنا خايف عليا وعليك ..
أنا بفكرك بالكلام ده مش عشان تيأس أكتر ..
لا الكلام ده عشان تصحى وتفوق ..
عشان تبطل تمشي ورا عدوك وتبطل تبعد عن حبيبك ..
الكلام ده كله بيحصل معاك ولا أنا بألف ؟
طيب لو بيحصل أنا فهمتك معناه لو مكونتش واخد بالك منه !
لسه مش عاوز تتغير ..
أنا مش جاي أكلمك عن الرجاء والطمع في رحمة ربنا وإنه غفور رحيم وبس !
لا أنا جاي أقولك ربنا شديد العقاب ..
ربنا إذا أخذ الظالم لا يفلته !
جاي أفكرك إن ربنا امهلك كتير .. وسابك كتير .. مش مكسوف منه ؟
ربنا بعت لك مليون رسالة .. صاحبك اللي مات عالمخدرات .. واللي ماتت وهي بتزني .. واللي مات وهو ............
امثلة اكتر من إني أعدهالك ..
ياترى بعد الرسايل دي كلها .. انت مش خايف !!
أنا جاي أفكرك بإنك بتحرم نفسك من أعظم لذة في الدنيا والآخرة ..
اللي انت جربت جزء منها وفرطت فيها ..
لذة القرب من الله في الدنيا والنظر والتمتع بالقرب منه في الآخره .. سبحانه وبحمده ..
ليه مش عاوز تفكر في حياتك وتعيد حساباتك ؟؟
ليه مش عاوز تاخد بالك من الإشارات دي كلها ؟؟
يلا ساعدني وهات إيدك عشان نعدي لبر الامان مع بعض .
أنا بمد لك إيدي وبقولك يلا هنتوب دلوقتي ..
والله يارب خلاص هنتوب دلوقتي ..
انوي دلوقتي .. وهو مش هيخذلك والله ..
هيساعدك وياخد بإيدك زي ما خد بإيدك قبل كده ميت مره .. نسيت ولا إيه ؟؟
يلا قول دعاء سيد الاستغفار دلوقتي ..
وابكي وانت بتقوله ..
اندم على اللي فات ..
وقول له يارب والله ما هرجع تاني بس انت ساعدني ..
قول له يارب أنا تعبت بئى خد بإيدي ..
يارب نجيني ..
مش هبعد عنك تاني ..
أنا عبد ضعيف حقير .. ذليل ..
مليش غيرك ..
يلا مستني إيه ؟؟
اللهم أنت ربي لا إله إلا أنت، خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء بذنبي، فاغفر لي فإنه لا يغفر الذنوب إلا أنت.
ربنا يتقبل توبتنا يارب ..
اللهم خذ بأيدينا إليك أخذ الكرام عليك ..
أنا واثق من إنك مش هترجع تاني بعد انهارده ..
وعارف إنك هتبدأ تقرب من ربنا صح ..
وهتطهر قلبك من كل حاجه وحشه فيه ..
يلا عاوز شعارك من هنا لحد ما تموت بإذن الله..
( قل إني أخاف إن عصيت ربي عذاب يوم عظيم )
( وعجلت إليك رب لترضى)
( معاذ الله إنه ربي أحسن مثواي)
(الله يراني .. الله مطلع علي .. الله معي .. الله يسمعني ويحصي علي )
عشان كده
لازم تتابع معايا الدروس الجاية دي مخصوص عشانك ..
والله عشانك انت ..
هنطهر بيها قلوبنا ..
هنتكلم عن القلوب .. وأمراضها .. ونطهرها ازاي .. وازاي أحمي حسناتي ونفسي من إبليس وأعوانه ..
دروس عن الاستعداد لرمضان
ودي استعدادا لرمضان عشان نطهر قلوبنا ونعتق من النيران من أول ليلة من رمضان بإذن الله ..
وكل سنة وانت طيب
وأشهد الله عزوجل أني أحبك في الله
دعواتكم .
أستودعكم الله ..
والسلام عليكم ورحمة الله وبركاته .
م/ن
تعليق