Tweet
(آيبون.. تائبون ...عـــابدون.... لربنــا حامدون)
هو الشغل عباده ؟؟؟
هو قضاء الحوائج عباده ؟؟؟
هو الترفيه عباده ؟؟؟
هو الفرح عباده ؟؟؟؟
هو لييه الواحد مننا لما بينغمس ف الدنيا بيحس انه بعيد عن ربنا ؟؟؟؟
هو مش المفروض ان هو فـ عباده ؟؟!
أين الإشكالية ؟؟؟
عندنــا حاجات كتييير محتاجين نصححها من خلال عابدون
لكن مفهوم العباده حصل فيه تشويش
مفهوم العباده مش واصل للناس زي ما ينبغي ان يكون عليه كل فرد مسلم
عشان كدا هدفنــااا حاجتين
اول حاجة: نصحح مفهوم العباده عندناا
تاني حاجة: نعيش لذة العباده
عايزين نعيش حلاوة الإيمان ... عايزين نطعم طعم الإيمان
مش عايزين تبقى عبادات مجرده
لكن هو في شويه اخطاء ومحتاجين ان احنا نصوبها ونصححها
يعني يا جماااعة
بعض الناس بيتصور ان الهدف في الحياه
انه مثلاً لو صلى يبقى مفيش بعد كدا
وحده بتقول لو لبست حجاب او لبست خمار او لبست نقاب يبقى مفيش بعد كدا
أكبر حلم ليها انها تتجوز واحد صالح
أكبر حلم ليه انه يبقى طالب علم
أكبر حلم ليه انه يبقى داعي الي الله عز وجل
امتى تبقى بجد حاسس ان انت ملتزم؟؟
امتى تبقى بجد حاسس انن انت بجد عابــــد لله تبارك وتعالى؟؟؟؟
في تصور تاني بعض الناس تقوول
انا بحس ان انا عابد لما اعمر الأرض
مش ربنا سبحانه وتعالى طلب منا ان احنا نعمر الأرض "واستعمركم فيها"
انا لما استعين بـ اللي ربنا سبحانه وتعالى سخرهلنا فـ الكون عشان نصنع الحياه بجد
عشان منبقاش صفر ع الشمال
انا ساعتها بحس ان انا عابد
في ناس بتقول لا والله عمر مـ هنعيش المعاني دي ... وعمر مـ هيكون دا حاصل ولا هنبقى عباد ولا هنعيش طعم الإلتزام ولا الإستقامه إلا لما يبقى في منــاخ لما تبقى في دولة اسلاميه لما يبقى في حكم إسلامي هو دا الهدف اللي انا عايش من اجله
وانا اقووول ان كل الأفكار دي انها للأسف الشديد وسائل مـ تصلحتش انها تكون هدف من أجل نعيش
احنا يا اصحابي عايزين نقول ان العباده الحقيقية لما تبقى قايم بواجب الوقت
لما نيجي نقول الشغل عباده ؟
ايوووه الشغل عبــاده
لكن لما يجي وقت الصلاه
الصلاه دلوقتي العباده
دلوقتي وقت اذكار صباح ومساء دا هنااا العباده
دلوقتي وقت لازم تقبل فيه ايد والديك ورجليهم هي دي العباده
العباده دلوقتي تعود مريض
العباده دلوقتي تشيع جنازه
العبا\ه دلوقتي ترفه عن نفسك وعن اهلك
العباده دلوقتي تبقى فـ مهنة اهل بيتك
العباده دلوقتي ان انت بجد تبقى قائم لما يحب الله ويرضى
العلماء قالوا : العباده .. كل ما يحبه الله تعالى ويرضاه من الأقوال والأفعال الظاهرة والباطنة
العلماء بيقولوا : ان كل كلمه ان بتنطقها ربنا بيحبها كل شئ انت بتعمله ربنا بيحبه وبيرضى عنه هي دي العباده
العباده .. مش بس صلاه وصدقه وزكاة وصيام وحج وعمره و.. و..
مش هي دي العباده بس دي مجموعه من العبادات
لكن في عبادات تانيه احنا غافلين عنها
عشان كدا احنا عايزين نعيشها في عبادات قلبيه
التوكل ..........................................عباااده
الاحتساب ...................................... عباااده
ان الواحد يبقى مخلص لله تبارك وتعالى ... عباااده
الصدق ......................................... عباااده
الحب لله ....................................... عباااده
الصبر على البلاء ............................ عباااده
الرضا عن الله ................................ عباااده
و فـ نفس الوقت في مجموعه من المعاملات هي بردو عبادات
.......
هي دي الأخطاء اللي احنا محتاجين نصوبها
هي دي الأخطاء اللي احنا محتاجين نصححها
عايزين نتفق ع الشعار من هنـااا ورايح
هيبقى شعارنا
"لن يسبقني الى الله أحد"
كما قال بعض السلف لو أن رجلاً سمع بأحد اطوع لله أعبد لله كان ينبغي أن يحزنه ذلك
ونحقق معنا
آيبــــون
تائـــــــبون
عــــــــــابدون
لربنـــــــــــا حامدون
تعليق