صرخة مسلمة

[د.امل]

بسم الله الرحمن الرحيم

معلش هطول عليكو شوية

انا بنت مسلمة عادى
تربيت فى اسرة عادية
كنت احيا حياة عادية
دخلت مدرسة عادية
وكان عندى صديقات عاديات
وكنت بذاكر عادى وبنجح عادى
ولا اذكر انى كنت اعرف عن دينى

غير انى مسلمة
وان لا اله الا الله محمد رسول الله

وكنت فاكرة ان الدين حاجة على جنب فى حياتنا

عادى

ومن الثانوية العامة بدأت احافظ على الصلاة

ومن2ثانوي بقيت احافظ على اوقات الصلاة

لكن حياتى كلها كانت عادى

اتى رمضان وهدانى الله للحجاب الصح

ارتديت طرحة طويلة

وحيناها بدأت رحلتى فى الطريق الى الله

وظللت اعدل لبسى حتى يطابق ما فرضة الله

تبت من سماع الاغانى.
تبت من الافلام والمسلسلات
تبت من الذهاب الى الافراح

سمعت برامج دينية

وجدت السعادة الحقيقية

علمت ان الدين هو منهج حياة

لا حياة بدونة

اتغيرت حياتى

اصبح همى الوحيد فى الدنيا هو الدين

احببت ربى حقا
واصبح الاول والاخر فى تفكيرى

اصبحت افكر فى ابواب للخير لاتقرب بها الى موالى

اصبحت اهتم باعدادى كداعية

وامارسها من الان

ولكن:

اواجهة مشاكل منها:
اسرتى "تربيت فى اسرة عادية:" اكيد فاهمين.

قلة علمى.
لم اتعلم اشياء اساسية عن دينى.

التشتت والحيرة

كل ناس بتقول على داعية معين حاجة
وواحد يقول صح وواحد يقول غلط

طيب اسمع لمين
ايه الفرق دة كلها

فعلا نحن فى زمن القابض على دينة كالقابض على جمر

المهم انصحونى انا خايفة جدا

اعمل ايه
وانا ممكن اعمل ايه للاسلام

قدمووووووووو لى نصايح

ومين الدعاة الذين اسمع لهم

ومن الذين لا اسمع لهم

افيدونى فانى حيرانة

واشعر انى ضائعة ولم اقدم شئ لاسلام

انا فى سنة تانية طب
ومن مصر.

[nashwa24]

رد: صرخة مسلمة

حبيبتى الغاليه د/ امل
اولا ارحب بكى فى اسرتنا المتواضعه
ثانيا هنيئا لكى بهذا الشعور الطيب الذى ينبع من شخصيه محبه للايمان
حبيبتى الغاليه انصحك بان تكثرى الدعاء لله بان يهدى سبيلك للطريق الذى يرضي به عليكى وان يوفقك الى صالح الاعمال
دائما النيات الصالحه هى التى تهدى صاحبها الى ارشد الاعمال
ولذلك اكثرى من الذكر عمرى قلبك ولسانك بذكر الله فان اكثرتى من الذكر سيكون الله لكى عيناكى التى ترى بها واذناكى التى تسمعى بها وسيوفقك باذن الله الى ما يحب ويرضى
اما بالنسبه الى الشيوخ هناك اكثر من شيخ معروفون وموثوق بهم
مثل الشيخ محمد حسان _ محمد حسين يعقوب _ محمود المصرى _هانى حلمى _ابو اسحاق الحوينى _وغيرهم
ادعوكى حبيبتى الى القسم الخاص بالاخوات للتعرف عليكى اكثر
احبك فى الله
وفقك الله تعالى الى ما يحب ويرضى

[د.امل]

رد: صرخة مسلمة

مش بيدخلنى القسم الخاص مش عارفة ليه

[طالبة الجنان]

رد: صرخة مسلمة

ماشاء الله لاقوة الا بالله
بجد قصتك فكرتي بحياتي
فانا برضه كنت انسانه عاديه في اسرة عاديه
وكانت حياتي عاديه
لحد ما ربنا من علي بالالتزام ويحسبني كذلك ولا نزكي علي الله احد
وغيرت نفسي بنفسي لم احد يقول لي هذا حلال او هذا حرام
بل الوسط الي كنت عايشه فيه كان عادي اغاني بناطيل افلام ولاحول ولاقوة الا بالله
والحمد لله علي نعمه الهدايه
بجد احساس جميل جدا لما تغيري حياتك بنفسك
وتلاقي كل يوم يتغيري حاجات كتيرة وتقبلي علي حاجات كتيرة بترضي الله
وتحسي فعلا هي دي الحياة
هو ده هدفك في الحياة ان تكون حياتك لله وبس
بصي حبيبتي
اعرفي ان الجنة حفت بالمكاره يعني بالصعوبات
يعني عشان توصلي لازم تضحي
لازم يكون في ابتلاءات
والانسان بيبتلي علي قدر دينه
واشد الناس ابتلائا طبعا هم الانبياء ثم الامثل فلامثل
فاعرفي انك مدام عرفتي الطريق او حتي بداتي تمشي فيه لازم تبتلي
والابتلاء لما ياتي لاما ياتي من النفس لاما من الاهل وده الشائع لاما من الناس الي حوليكي
يعني تعرفي انكي مخلصه او مش مخلصه من خلال الي حوليكي
لو اهلك حربوكي في التزامك ولقيتي ابتلاءات كثيره من الي حوليكي
تعرفي ان ده علامه من علامات الاخلاص
يعني مثلا مش هتلاقي الطريق كله مفروش بالورود والرمل
لا هتلاقي صعوبات وحواجز تري ان تمنعك عن الوصول لهدفك
الي هو رضي الله ودخول الجنة
اما بقي لو لقيتي كل الي حوليكي بيشكر فيكي والكل بيعاملك باحترام والكل بيمدحك
يبقي فتشي في قلبك
فاخاف ان يكون ده حظك من الدنيا
يبقي اعرفي ان الكثير والكثير بل الاغلبيه لم يوصلوا الا لما ضحوا
الي لبسك النقاب مش لبسته بسهوله بل ضحت وعانت لحد ما لبسته بل ما زالت تضحي وتعاني من اجل الثبات عليه
والي بتذهب لحضور الدروس برضه كده وغيرها وغيرها
يبقي نعلم ان احنا في زم الغربه
والغريب هو الي بيفر بدينه من الفتن
واحنا في عصر الفتن وانا لله وانا اليه راجعون
والقابض علي دينه كالقابض علي الجمر
شوفتي ازاي كالقابض علي الجمر
يبقي ده يجعلنا نفرح كما قال رسول الله صلي الله عليه وسلم
بدا الاسلام غريبا وسيعود غريبا كما بدا فطوبي للغربء
يبقي ده يخلينا نفتخر الي احنا غرباء في زمن الغربه
يبقي نجعل بقي نظرنا نظر الله وليس نظر الناس
وطزل ما يشتد علينا الابتلاء طول ما يسهل لنا الطريق للوصول لرضا وحب الرحمن

يبقي دي اول نقطه ان لازم يكون في ابتلاء من الي حوالينا
عشان الشيطان لما مش يعرف يثبط همم الاخوه او الاخوات يسلط الناس عليهم
يبقي علينا بايه بقي؟؟؟
اهم شئ هو الاستعانه بالله
تاني حاجه المسجد وما ادراك ما المسجد
بجد ده من اقوي وسائل الثبات
ودي الهديه الي انعم الله علي بها بعد لبس النقاب نسال الله لنا وللجميع الثبات
والصحبه الصالحه بجد دي عامل كبير اوي في الثبات
لما تكونوا مجموعه مجتمعين في الله ومتفرقين في الله
بجد اجمل صحبه هي الصحبه في الله
معلش مش قادره اطول عشان الوقت وعشان مش اطول عليكي

يبقي اهم شئ ضعي هذة الشعارات في دماغك
من يتوكل علي الله فهو حسبه
كفي بالله وكيلا
وعجلت اليك ربي لترضي
من يتق الله يجعل له مخرجا
بس انت ترضي
واخر حاجه لاطاعه لمخلوق في معصيه الخالق

اما بالنسبه للفرق والجماعات
ما علينا الا بمنهج الكتاب والسنه بفهم سلف اهل الامه
كما قال حبيبنا صلي الله عليه وسلم
تركت فيكم ما ان تمسكتم بيه لن تضلوا بعدي ابدا كتاب الله وسنتي
يبقي علينا بقال الله وقال رسول الله
بدليل من الكتاب والسنة
وكما ان الرسول صلي الله عليه وسلم قال
في تكلمه الحديث هتفترق امتي علي 73 فرقه كلها في النار الا فرقه واحده
ما انا عليها واصحابي
وهي اهل السنه والجماعه
الي القران والسنه منهجهم وشرعهم
وقال رسول الله عليكم بستني وسنة الخلفاء المهديين من بعدي فعضوا عليها بالنواجذ
يبقي ليس لنا الاالانتماء لمنهج محمد صلي الله عليه وسلم واصحابه الي هما السلف
ومش لينا دعوي باي جماعه اخري لان يراس اي جماعه شيطان يجر من يتبع هذة الجماعات جهنم ولا حول ولاقوة الا بالله

اما نقطه نستمع لمين برضه لمن هم علي الكتاب والسنه
قولهم قال الله وقال رسول الله باحاديث صحيحه
وهم ماشاء الله نحسبهم علي خير ولا نزكي احد علي الله
ومنهم الكثير والكثير نذكر منهم شيخنا الفاضل محمد حسان وشيخنا المربي الشيخ محمد حسين يعقوب
والشيخ ابو اسحاق الحويني والشيخ مصطفي العدوي والشيخ حازم شومان والشيخ ايمن صيدح والشيخ مسعد انور والشيخ محمود المصري والكثير الكثير
بارك الله فيهم

وعليكي اختي صدقيني بالاستعانه بالله والاخلاص له
وان يري الله منك الاخلاص
واصدقي الله يصدقك
وعليكي بالصحبه الصالحه
وبالذهاب للمسجد بحضور دروس العلم
الي اجر الدرس منهم كحجه
وعلكي باكثار الدعاء يا مقلب القلوب والابصار ثبت قلبي علي دينك
ونسال الله لنا ولكم الثبات حتي نلقاه
ويا رب اكون قد استطعت ان افيدك ولو بالقليل
واقبلي تحياتي من اختك الفقيره الي الله
وبارك الله فيكي

[د.امل]

رد: صرخة مسلمة

ربنا يكرمكم جميعا

وبارك الله فيكن

وانا فعلا احتاج الى اناس مثلكن

[أمية الله]

رد: صرخة مسلمة

مش بيدخلنى القسم الخاص مش عارفة ليه

السلام عليكم ورحمة الله وبركاته ...
أختى الفاضلة
والله لا أستطيع قول شئ بعد قول أخواتى الفضليات
وحقاً استفدت كثيراً مما كتبن
ولكن فعلاً يا ليت تقدمى فى القسم الخاص
القسم الخاص لابد أن تقدمى الاول قبل دخوله
لانه لا يدخل أى أحد فيه إلا بكلمة السر
وان شاء الله قدمى وأسأل الله أن ييسر لكِ

[أمية الله]

رد: صرخة مسلمة

http://way2allah.com/forums/showthread.php?t=18164

هذا هو رابط الموضوع أختاه يا ليت تقدمى فيه وأسأل الله لكِ التيسير

[ترجو التوبة]

رد: صرخة مسلمة

اهلا بكى د\ امل............ نورتى المنتدى...........
ان شاء الله تستمرى معنا وتشاركينا .........
وانا برده ادك فى العمر والدراسه كمان....
انا برده غالبا تاهية بس ربنا بيهدينى لسماع الشيخ حازم شومان .. ومحمد حسان...... والحوينى وابو عمار.... ومصطفى حسنى
..........وكمان الى بياثر فيا اووووووى ذهابى للمسجد والصحبه الصالحه حاولى تتمسكى بيها اووووووى....وحاولى يكون لكى ورد يومى........ووفقى الله الى مايحبه ويرضاه......
اختك ترجو التوبه...

[يمامة المسجد]

رد: صرخة مسلمة

يبدوا إن كلنا لنا نفس القصة

أنصحك أختي بحضرو دروس لأهل السنة حسب منطقتك

ولو إنتي من المنصورة إن شاء الله أضيفك وأخبرك بأهم مواعيد الدروس

ومن هناك هتبدأي تضعي يدك على أول الطريق إللي تفهمي من خلاله تسمعي لمين بالظبط

هدانا الله جميعا ً

[ola ebrahim]

رد: صرخة مسلمة

السلام عليكم د.أمل
اسمك جميل يا أختي أسال الله ان يكون لكي حظ من اسمك ويرزقكي دائما الأمل في عفوه وغفرانه ويرزقكي حسن الظن به
حبيبتي كلنا لنا نفس القصه كما قالت يمامه جزاها الله خيرا وكما قالت الاخوات عليكي بالكتاب والسنه
حبيبتي اصابني ما اصابكي من حيره ولكني الحمد لله كنت في وسط اخواتي في الله في المنصوره في بداية التزامي فجعلهم الله سببا في تثبيتي
ولكن بعد حوالي سنتين تزوجت بعيدا عنهم وفارقتهم ولكن منَ الله عليَ وعدت الي بعضهم هنا في المنتدي مع انهم لا يعرفون تفاصيل عني ولكن يعرفوني شكلا فقظ واما من كن يعرفني جيدا اراهم حينما اسافر لاهلي فالحمد لله لم يحرمني الله منهم... وانا ادعوا الله دائما ان يرزقني بالصحبه الصالحه
فكأن الله يؤكد لي انهم هم خير الصحبه
واذكر اني كنت في حيره كبيره يوما ونمت بعدما صليت الفجر وانا افكر كثيرا في هذ الحيره... اسال نفسي هل انا فعلا في وسط اهل السنه الذين قال عنهم رسول الله انهم هم الناجون من النار ام لا
فحلمت حلما اظنه رؤيا وكنت وقتها اتذكره بتفاصيله وكتبته في ورقه وبعثت اليه بالداعيه المفضله لدي د.سميه في المنصوره
والآن اخاف من ان اقصه عليكي فانسي شيئا او واغير شيئا فأكون كذبت في الرؤيا
ولكني سأقص عليكي معناه
حلمت ان د.سميه تقوم بتغسيل الموتي وان اهل الموتي يأتون بجثثهم اليها في عربات اسعاف
وانه جاءت عربة اسعاف ومعها إمرأتين وبها جثه وفتحوا العربه ليخرجوها للدكتوره سميه لتقوم بتغسيلها
ثم اذكر جيدا انها كانت جثه معفنه وريحتها نتنه
فانزعجت د.سميه وغطت انفها باصبعها كي لا تشم الرائحه وقالت لاحدي الامرأتين كلاما(وهذا هو ما لا اتذكره جيدا
ولكن معناه :الجثه معفنه خالص واتبهدلت... و أننا اهل السنه والجماعه نغسل الموتي علي طريق السنه وانا نسهل عليكم الامر... ولو تركناكم انتم لهذه المهمه هتبهدلوا الجثث وقالت لها (بنفس اللفظ وهذا اتذكره):ايه اللي جواكي ده
فبكت المرأه وقالت بصوت عالي يا رب يارب يا رب
وبعدها ذهبت للجامع صباحا لاحضر لدكتوره سميه... فسمعت منها :يا جماعه اهل السنه والجماعه بيوصلوا ليكوا الحاجه مقشره وجاهزه ليه تشتتوا نفسكوا وقالت ايضا مره أخري : وعلي رأي الشيخ أبوا إسحاق الحويني فرقة أهل السنه والفرق التانيه اللي هي ملتزمه ايضا لكن مخطئه في حاجات كتير زي اللمبه والاشعه الخارجه منها اهل السنه فوق عند النور القوي وبعد كده النور يبتدي يخف.. والجماعات التانيه تحتها اقل نورا يعني
فعلمت ان هذا هو تفسير الرؤيا
ألا أشتت نفسي وان التزم بالمنهج الصحيح الخالي من الفتن والبدع والشبهات
وهو منهج اهل السنه والجماعه
وبعد ذلك لما تزوجت وجدت في بلدي فرق اخري ملتزمه الي حد ما ولكنها تتبع منهج فيه اخطاء ليست بالهينه
فمن الممكن ان تحلل الشبهه تماما ولا تتقيها البته مع ان رسول الله صلي الله عليه وسلم اخبرنا بانه الحلال بين والحرام بين والشبهات ليست واضحه تماما و التي يجب ان تتقي وهم لا يفعلون ذلك فتؤدي الشبهه بهم الي الحرام
كما ان منهم من يحلل بعض البدع مع انه من الواضح انها بدع لانها في الدين
فعليكي بمنهج اهل السنه مثل الشيخ الالباني وابن العثيمين ابن القيم وابن تيميه
وعليكي بالداعيه محمود المصري وابواسحاق الحويني ومحمد حسين يعقوب ومحمد حسان
ود.حازم شومان ود.عبد الرحمن الصاوي ود.غريب رمضان

[lمشتاقه للنور]

رد: صرخة مسلمة

جزاك الله خيرآ