Tweet
يا حبيب القلوب من لي سواك
ارحم اليوم مذنبًا قد آتاك
أنت سؤلي ومنياتي وسروري
قد أبى القلب أن يحب سواك
ليس سؤلي من الجِنان نعيم
غير إني أريدها لأرآك
كان بعض الصالحين يقول
ليت ربي جعل ثوابي من عملي نظرة ثم يقول كن ترابًا
ياتري ربنا رءآنا ونحن نقوم رءآنا وقَبِلنا وأخذ بأيدينا إليه
ياريت نظرة مش أكتر مش عايز
ليت ربي جعل ثوابي من عملي نظرة إليه ثم يقول بعد ذلك كن ترابًا
مش عايز حاجه لو نظر إليّ كفاني سيدي ومولاي وقره عيني
قال ذو النون
ماطابت الدنيا إلا بذكره ولا طابت الآخره إلا بعفوه ولا طابت الجنة إلا برؤيته ولو إن الله احتجب عن أهل الجنة
لستغاث أهل الجنة من الجنة كما يستغيث أهل النار من النار !!
فاهمين ؟!
بيقول لو إن ربنا سبحانه وتعالي لم آراه في الجنة ، لم آراه بعد أن أبلغ الجنة يوم المزيد
لو أهل الجنة مشفوش ربنا هيستغيثوا من الجنة
مش عايزين جنة عايزين أنت يارب
عارفين حديث رؤية الله عز وجل في الجنة
لما ربنا سبحانه وتعالي يقول لعباده من أهل الجنه سالوني
اطلب عايز إيه ؟!
فيقولون " نسألك الرضا "
فيقول الله لهم " رضايا أحلكم دار مقامتي "
لأني رضيت عنكم أدخلتكم الجنة
سالوني سالوني فيسألونه فيعطيهم فعندما يعودون إلي ازواجهم من الحور العين في الجنة لا يعرفونهم من كثره البهاء والنور اللي هيكتسوا بيه ساعة المتعة اللي مابعدها متعه يوم ماتشوف سيدك ومولاك وحبيبك ربك في الجنة
عايزين نتعود الحب ده وعايزين من الحلقه دي فما صاعد
نتكلم عن الأسباب التي تجلُب محبه الله في القلب
ويمكن هنتدارس أكتر من حاجه وعشرين سبب
فمعايا بقي ونكتب الأسباب دي أو العناوين دي نحس بقلبنا إن إحنا لابد أن نغير علاقتنا بربنا سبحانه وتعالي من مجهر الحب هنلبس عدسة الحب ونشوف الدنيا بشكل مختلف ونتعامل مع ربنا بشكل مختلف نصلي صلاه محب ونتصدق صدقه محب ونزكي زكاه محب ونصوم صيام محب هنتعرف عليه ونحبه أكتر وأكتر
تعالوا نشوف إيه هي الأسباب التي تجلُب محبه الله سبحانه وتعالي
بشكل عام
أكتر حاجه تجيب قلبك وأعظم شئ يُدلل على حبك تجلب المحبة
الـــبـــــذل
الإستعداد إن أنت تعمل أي شئ بس يحبك بس يرضي عنك
تعمل أي شئ أي شئ
تصلي بألف آية مقعدتش تقول صعبة وووو....
طالما هو يحب كده هعمل لما تسمع
" إِنَّ ٱللَّهَ يُحِبُّ ٱلْمُحْسِنِينَ "
طيب أنا هجود عملي ، أنا هعبد الله كأني آراه فإن لم أكن آراه فإنه يراني
هراقب ربنا سبحانه وتعالي
" ٱللَّهَ يُحِبُّ ٱلْمُتَوَكِّلِينَ "
حنرمي الحمول عليه
" ٱللَّهُ يُحِبُّ ٱلصَّـٰبِرِ*ينَ "
مهما عاملني بأشياء صأصبر وسأحتسب وسأرضى
" ٱللَّهُ يُحِبُّ " تسمع يحب دي تبقى عايز تعمل أي حاجة
قال أبو العباس بن مسروق
شجره المحبه تُسقى بماء الإنفاق والموافقة والإيثار
اكتب الـ3 حاجات دول:
شجرة المحبة
عايز شجرة المحبة تسقيها علشان تترعرع وتزداد وشكلها يبقى بهاء أعظم وتبقى أعظم ثمار
شجره المحبه تُسقى بماء الإنفاق والموافقة والإيثار
1-الإنفاق:
آدي البذل لله تبارك وتعالي
2-الموافقة:
يعني إيه الموافقة ؟
يعني راضي بكل شئ ربنا سبخانه وتعالي بيعاملك بيه وتوافق علي كل شئ معندكش حته التسخط اللي اتكلمنا عليها دي
توافق الشرع بيقول كذا امين الشرع بيطلب منك كذا سمعنا واطاعنا
3- الايثار
بان تؤثر الله علي هواك
ده القانون العام البذل - الموافقه - الايثار
بشكل خاص بقي
تعالو نكتب بقي الاسباب الجالبه لمحبه الله
بن القيم ذكر حوالي 10 حاجات
بتجلب محبه الله عز وجل في القلب لكن احنا هنتوسع شويه في الموضوع عايزين النهارده ناخد
أعظم سبب وهو المعرفة
معرفة الله عز وجل عايزين نأصل للمعنى ده ونشوف إزاي نتعرف على ربنا سبحانه وتعالى
لأن العلماء بيقولوا معرفة الله عز وجل أصل الأصول الأصل الأساسي
أي حاجه لازم تصب هنا تفتح أي كتاب تتعلمه تبتدي في حفظ القرآن ومدارسة القرآن أي شيء في حياتك لازم تربطه بمعرفه الله سبحانه وتعالى
شعارك قول النبي صلي الله عليه وسلم
تعرف إلى الله
اتعرف عليه عايزك تعرف هو مين ؟
وهو بيتعرف ليك بأشياء كثيره قوي
عارف بيتعرف لك بإيه ؟؟
بيتعرف لك بالنعم علشان كده سمى نفسه الودود
الودود الذي يتودد الي عباده الصالحين يبعتلك حاجه علشان تعرفه أكتر
ممكن يبتليك علشان تعرفه علشان أنت ساعتها هتنكسر وتقول له يارب ألحقني
فتعرف له في الرخاء
اللي عايز يحب ربنا لازم يبتدي من النهارده يدرس الأسماء والصفات
عايزاكم تشتروا أي كتاب من كتب الأسماء والصفات بالذات الكتب اللي هي درست هذا الموضوع باستفاضه
* عندنا الموسوعة بتاعت الشيخ محمود عبد الرازق الرضواني موسوعه ممتازة
* عندنا الشيخ النجدي عامل كتاب جيد النهج الأسمى في شرح أسماء الله تعالى الحسني
في بعض الكتيبات الصغيرة جدًا
اللي فيها شرح الأسماء بس تعرف يعني إيه
مثلا
علشان نضرب مثال يعني إيه مُقيت ؟
مُقيت من الوقت يعني ولا من إيه ؟
مُقيت الله هو المُقيت
يعني إيه المُقيت ؟؟
من القوت اللي بيقوتك
عارف القوت اللي هو متقدرش تستغنى عنه اللي بيقوتك اللي قوت القلوب هو قوت الأبدان بيده هو ربنا سبحانه وتعالى
مثلا الله هو القدوس
تلاقي النبي صلى الله عليه وسلم لما كان يصلي الوتر يروح يهتف باسمه القدوس
سبحان الملك القدوس ، سبحان الملك القدوس ، سبحان الملك القدوس
ويمد صوته كده ويرفع صوته بيها قوي
طيب يعني إيه قدوس ؟؟
القدوس المُنزه عن كل النقائص والعيوب المُطهر سبحانه وتعالى عن هذه الآفات سبحانه وتعالى
طيب إيه يعني اللي يدخل موضوع اسم القدوس في الوتر ؟
الذي يراك حين تقوم
أنت في الآخر خالص عبد وغلبان وسرحت في الصلاة
وللأسف لازم هيكون فيها بعض الخلل فلازم يحصل فيها بعض الأمور اللي تخرجها عن معانيها
فيقول سبحان الملك القدوس آه يارب أنا أصلي أنا فيا كل العيوب إنما أنت بس يارب اللي مُنزه عن العيوب علشان كده أنت القدوس
فالعبد يحس بالإثم في موطنه هو حاسس بإنه مقصر تجاه ربنا سبحانه وتعالى عارف يعني إيه عبد وعارف يعني إيه رب
هنا هو ده تعرف إلى الله في الرخاء يعرفك في الشدة
شوف ربنا يحبك تتعرف عليه قوي
يقول النبي صلي الله عليه وسلم " إن الله ليعجب _وصفه العجب من الصفات الثابته لله سبحانه وتعالي علي الوجه الذي يليق به سبحانه وتعالى_
إنَّ اللهَ لَيعجبُ من العبدِ إذا قال : لا إلَه إلا أنت ، إنِّي قد ظلمتُ نفسي فاغفرْ لي ذنوبي ، إنَّه لا يغفرُ الذنوبَ إلا أنت ، قال : عبدي عَرِفَ أن له ربًّا يغفرُ و يُعاقِبُ
الراوي: علي بن أبي طالب المحدث:الألباني - المصدر: صحيح الجامع - الصفحة أو الرقم: 1821
خلاصة حكم المحدث: صحيح
لما يقول لا إله إلا أنت
يارب لا معبود بحق إلا أنت
قلبي يارب ملكك وليك
قلبي ملك ربي وربي حبيب قلبي
لا إله إلا أنت مينفعش أتذل لغيرك
مينفعش شهوتي تذلني
مينفعش علشان نفسي في كذا وكذا وكذا أتذل لمخلوق
ذُلي لك لا إله إلا أنت قد ظلمت نفسي فاغفر لي فإنه لا يغفر الذنوب إلا أنت
فربنا يعجب بهذا العبد اللي يقول الكلمات دي
اكتبها علشان تقولها وعلشان تحفظها وترددها علشان ربك يحبك
فيقول الله جل وعلا " عبدي عرف أن له رب يغفر الذنب ويعاقب قد غفرت لعبدي "
لما حسها خلصت الدنيا
بن أبي الدنيا بيذكر في بعض الآثار
إن عابد من عباد بني اسرائيل كان في طريق سفر فجن عليه الليل فنام
الراجل وهو ماشي في الطريق فتعب فنام
فلما استيقظ فتح عينيه مرة واحدة وهو نايم فبص لقى السماء بالشكل المهيب والعظيم ده والنجوم وشكل القمر
فقال أشهد أن لكِ ربًا
اللهم اغفر لي فغفر الله له
هي سهلة ما هو خلاص بقى يبقى كلنا هنقعد نبص للسماء كده
أشهد أن لكِ ربًا اللهم اغفر لي
لأ ... أصله حسها
حس يعني إيه رب عرف صفة الرب فلما حسها في وجدانه قوي علشان كده طلعت فلما دعي استجيبت دعوته
كان عُتبه الغلام
وعتبه ده من المحبين وهو اللي كان بيقول " أنا العطشان من حبك لا أُروى أنا الجائع الذي لم يشبع من حب ربه "
وكان يقول لا إله إلا الله إن المحب لفي عناء
فكان من كلامه الحلو قوي اللي بيبان فيه إنه عرف يعني إيه حب بيقول إيه
من عرف الله تعالي والله العظيم اللي يعرف ربنا والله العظيم اللي ينزل عليه كرم ربنا اللي يعرف يعني إيه رحمة ربه اللي يعرف يعني إيه ود الرب
اللي يعرف صفات ربنا بجد " من عرف الله أحبه لا محالة " بالتأكيد
" ومن أحب الله أطاعه ومن أطاع الله أكرمه ومن أكرمه أسكنه في جواره "
أنت معايا في السكة تعرفه تحبه ، تحبه تطيعه ، تطيعه يكرمك ، يكرمك يخليك في معيته في جواره ومن أكرمه أسكنه في جواره
فكان يقول عتبه فطوباه فطوباه فطوباه فطوباه
فما يزل يقول هكذا يا هناه يا هناه يا هناه
حتي يسقط مغشيا عليه
تعرفه تحبه
علشان كده عايز نتعلم الكلام ده
قولت لك عايزاك :
1- تجيب كتاب في الاسماء والصفات وذكرت لك بعض الحاجات وتقعد تدرس أو الناس اللي بتدخل علي المواقع أو على النت وتنزل بعض السلاسل في مجموعه سلاسل موجوده شرح الأسماء والصفات تسمع كل يوم اسم من الأسماء دي وتشوف يعني إيه رب شكور يعني إيه رب حميد يعني إيه كذا وتعيش المعني ده أول شئ تتعرف بيه علي ربنا
2- الأمر الثاني
اتعرف علي ربنا بإنك تتفكر في ملكوت السماوات والأرض
وإحنا خدنا المثال الراجل اللي قعد ينظر إلى السماء
فأنا عايزه واجب عملي النهاردة بالله عليكم عايزاكم تتأملو كده وتتفكرو وتقعدو تبصو للسماء كتير
آه والله ليها طعم تاني
وأنت قاعد كده تحس بعظمة خلق الله عز وجل وتحس إن أنت بتناجي رب هو فوق سبع سماوات فوق العرش
والله النظر للسماء عبادة التفكر دي من أعظم العبادات اللي تعرف الواحد علي ربنا
كان سيدنا أبو الدرداء
وكان هو الصائم القائم العابد هو وزوجته أم الدرداء اللي كانت بتجمع النساء في بيتها وتآخذ في قيام الليل لغاية ما النساء كانت بتمسك حبال يعملوا حبال كده يمسكوها علشان ميتساقطوش من شده قيامهم وتألمهم
كان سيدنا أبو الدرداء اللي هو صائم قائم وعارفين قصته مع سيدنا سلمان لما كان دخل عليه والنبي صلى الله عليه وسلم قال إن سلمان أفقه من أبو الدرداء القصه المشهوره اللي كانت بتجسد إن سيدنا أبو الدرداء كان شديد العباده
تتصوروا أم الدرداء مقالتش كان أبو الدرداء قوامًا صوامًا
قالت كان جُل عبادة أبي الدرداء التفكر
هي دي اللي كانت متقلاه هي دي اللي كانت مخلياه يقف بالساعات هي دي اللي كانت بتخليه يصوم الأيام ومهما كان شدة الصيام عليه
لأنه كان أتعرف علي ربنا بالتفكر
يبقى أول حاجه من الأشياء زي ماقولنا خدنا
1 ) دراسة الأسماء والصفات
2) التفكر في ملكوت السماوات والأرض وعباده التفكر في خلق الله عز وجل تغرس محبة الله ومعرفة الله سبحانه وتعالى في القلب
3) معرفة وتعداد النعم
عايز تتعرف عليه عدد نعمه عليك
ابن القيم له كلام في المعنى ده تحديدًا بيقول عايز توصل لده عليك
بأربع حاجات
1) تتفكر في اسمائه وجميل صفاته
2) تتفكر في أفعاله ومدى فضله وبره
اللي هي النعم
فتبتدي تقول عدد لي النعم كده منّ عليها بالعافية وإيه كمان ؟
والهداية وإيه كمان ؟
هتلاقي نفسك قولت 10- 20 نعمة
" وَإِن تَعُدُّوا۟ نِعْمَةَ ٱللَّهِ لَا تُحْصُوهَآ ۗ "
علشان كده وصف الإنسان بإنه كنود
يعني إيه كنود ؟؟
يعني يجحد نعمه الله عز وجل ووصف
الإنسان بانه ظلوم كفار ينسى ويجحد النعم
علشان كده مش عارف تدوق
أنت مش عارف تقول عرفت حبيبي لأنك مش عارف تتأمل في هذه المعاني
فعلشان كده
عايزين نكتب 20 نعمه ربنا أنعم علينا بيهم بس من غير حفظ
يعني إيه ؟
" أَلَمْ نَجْعَل لَّهُۥ عَيْنَيْنِ * وَلِسَانًا وَشَفَتَيْنِ * وَهَدَيْنَـٰهُ ٱلنَّجْدَيْنِ "
يقولك ياسلام النعم هو في أكتر من كده ربنا أداني لسان وربنا أداني عين وربنا أداني إيد وربنا أداني كذا
آدي ياعم 20 نعمة خلصنا أهو
بقى أنت حاسس إن دي كده
طيب ما أنت بتقول إنه إداك عين وإدى غيرك إداك إيد وإدى غيرك وإداك كذا
أنت مش هتحس بالنعمة دي اللي لما تُسلبها أو تشوف حد سُلِبها
إنما أنا عاهيز بجد النعمة اللي أنت حاسس بيها قوي اكتبها هتعرفك على ربنا اكثر واكثر
3) تالت حاجة من اللي بيقولها ابن القيم ورابع حاجه عندنا في الجدول العملي
قال " أن يتفكر في المقابل في خاصة نفسه فيرى ما فيها من الصفات القبيحه التي تُبغض الله ليتخلص منها "
بيقولك عايز تعرف ربنا أعرف نفسك
علشان كده قالو العلماء
من عرف نفسه عرف ربه
يعني من عرف نفسه بصفات النقص هيعرف ربنا
فأنت لما تقعد تقول أنا غلبان أنا محتاج
واحد شاب عايز يتجوز عايز يتعرف على ربنا سبحانه وتعالى الجواز وطول انتظاره للزواج يعرفه بربنا والله
يعني تخيلوا إزاي المعني ده يتحقق ؟؟
طيب شوفوا كده لما ربنا سبحانه وتعالي يقول
" وَمِن كُلِّ شَىْءٍ خَلَقْنَا زَوْجَيْنِ لَعَلَّكُمْ تَذَكَّرُ*ونَ * فَفِرُّ*وٓا۟ إِلَى ٱللَّهِ ۖ "
إيه المعني ؟؟
ربنا بيقول كل حاجه جعلنا منها زوجين ذكر وأنثى علشان تتفكر في إيه ؟؟
علشان تتفكر في إن الله لم يتخذ صاحبة ولا ولدًا
إن أنت غلبان محتاج زوجة لو ملكش زوجة هتقعد بقى وتقعد تقولي الشهوات والمشاكل وووو.....
عايزين نتجوز وهي تقعد تقول أنا برده أتاخر عليا الزواج ونفسي أعف نفسي ويبقى استقرار وبيت وكذا عايزه رجل يحميني ويبقي....
" إِنَّ خَيْرَ* مَنِ ٱسْتَـْٔجَرْ*تَ ٱلْقَوِىُّ ٱلْأَمِينُ "
عايزين الرجل اللي يبقى فيه معني القوة في مقابل ضعف المرأه يحتاج أي حد مننا إلى هذا الأمر
إنما الرب " مَا ٱتَّخَذَ صَـٰحِبَةً وَلَا وَلَدًا "
علشان كده قال " لَعَلَّكُمْ تَذَكَّرُ*ونَ * فَفِرُّ*وٓا۟ إِلَى ٱللَّهِ ۖ "
فأول ما تعرف إن أنت فيك صفة النقص دي تفر إلى ربك سبحانه وتعالى
شوف أنت بقي فيك حاجات كتير من هذا القبيل
محتاج حاجات كتير ، فيك نقص كتير ، تحتاج تنام
صفة من صفات البشر أما الله سبحانه وتعالي " لَا تَأْخُذُهُۥ سِنَةٌ وَلَا نَوْمٌ ۚ "
أنت تغضب ويشدد غضبك وغضبك ده يخليك تقع في آفات وتقع في مخالفات وتقع وتقع وتعمل فيك صفات نقص
أما الله عز وجل فهو الحليم سبحانه وتعالى وإذا غضب فإنما غضبه على ما يليق به إنما مش غضب النقصان بتاعنا ده غضب على الكمال سبحانه وتعالى
أنت كده فلما تعرف الصفات دي وتشوف عكسها تمامًا وعلى جهة الكمال المُطلق في حق الله تعرف حبيبك فتحب حبيبك
4) رابع حآجة بن القيم بيقولها
أن يعرف الصفات المحمودة التي يحبها الله فيتقرب إلى الله بها
يقول بقي تعرف ربنا بيحب إيه فتتقرب ليه فتتعرف عليه علشان كده قولنا حظ المؤمن من أي اسم من أسماء الجمال إن هو يعمل حاجة منه
ارحم تُرحم ، اعفو يُعفى عنك ، اغفر يُغفر لك ، أحسن يُحسن الله لك
" وَأَحْسِن كَمَآ أَحْسَنَ ٱللَّهُ إِلَيْكَ "
لما تعرف الصفات دي فلما تشوف نفسك إن ربنا سبحانه وتعالى منّ عليك بكذا وكذا وكذا من الصفات المحمودة اللي ربنا بيحبها فتتقرب إليه
فتتعرف عليه أكثر وأكثر وأكثر يزداد حُبه في قلبك
كده خدنا خمس حاجات أربع حاجات قالها لنا بن القيم إزاي نتعرف بيها على ربنا سبحانه وتعالى وقولنا دراسة الأسماء والصفات
الخمس حاجات دول نتعرف بيهم علي ربنا سبحانه وتعالى ونتفكر
نزود عليهم ويبقي آخر شئ
الأمر السادس
إن إحنا نتعرف عليه من كلامه
عايزاك النهاردة يا ريت تكتب ورقتين ثلاثة كده وتكتب فيهم هذا حبيبي
اقرأ القرآن واتعرف على صفة من صفات ربنا سبحانه وتعالى وعايزه ارطب قلبي وقلبكم ونحس إزاي ممكن اقرأ بمثال واحد بسيط في النهاية
شوف كده لما ربنا يقول " فَٱذْكُرُ*ونِىٓ أَذْكُرْ*كُمْ وَٱشْكُرُ*وا۟ لِى وَلَا تَكْفُرُ*ونِ "
وتحسها بقلب المحب تقرأها بشكل تاني
تقول ربنا بيقول " فَٱذْكُرُ*ونِىٓ أَذْكُرْ*كُمْ "
أنت مش عايز تذكرني ليه ؟
لو ذكرتني سأذكرك
تحسها بمعني التودد اللي ربنا بيتودد بيه لعباده الصالحين
تلاقي نفسك يارب أنت بتطلب مني " أَنِ ٱشْكُرْ* لِى " هى كده تقرأها بالإحساس ده فتكتب هذه المعاني
عايزاكم تكتبو علي الأقل النهارده عشرين آية تحت اسم هذا حبيبي
ومع كل آية تقراها كده تقولو يااااااااه يااااااه على صفة ربي وسيدي ومولاي
تحبه أكتر وتتعرف عليه أكتر وتُقبل عليه أكتر
يارب يارب يارب حبنا يارب
يارب اجمعنا جميعا بحبك في ظل عرشك يوم لا ظل إلا ظلك
وإحنا مُتعرفين وإحنا مُقبلين وإحنا قلوبنا متعطشة لحنانك وودك يارب
ربنا أحبنا يارب أحبنا يارب
تعليق