Tweet
أنا عايزك بس تحط نفسك قدام السؤال ده
إشمعنا انت ؟؟؟؟!!!!
اختارك ليه؟؟
هيربيك ليه إنت بالذات ليه ؟
هيخليك جند من جنوده ليه ؟؟؟
فى الكليات العسكرية بيختاروا على الفرازة بعد عشرين إمتحان ليه ؟؟
إشمعنا ده دخل ؟؟؟؟!!!!
لإنه نجح في امتحان اللياقة ونجح في امتحان ............
وعمل ايه .... وقوامه ايه؟؟ وطوله ايه .؟؟
اه اختارته لان ده كله فيه
انت هُتنتخب ليه ؟؟!!!
مفى مقايس اختيار عند ربنا
انت هتُختار ليه؟؟؟
قلبك حاله إيه ؟؟
إخلاصك حاله إيه؟؟
رغبتك إلى الله اد ايه؟؟
{ ولقد آتينا إبراهيم رشده من قبل وكنا به عالمين }
[البقرة/87]
شوف {آتينا } دي وعيش معاها
شوف حظك هيبقى منها اد إيه
{وكنا به عالمين}
المفسرين مختلفين فى تفسير الآية دية
فى البعض قال إن جبريل نزله
والبعض قال لا سيدنا جبريل لسا منزلهوش
كان لسا سيدنا إبراهيم بيُجهز علشان يوصل لربنا
{وكنا به عالمين}
لما تلاقي الدنيا ضلمت فجأة البيت قايم عليك
وأبوك مولعها عليك
الأخت مثلاً أُمها مطلع عنيها بسبب إلتزامها
والكلية حصل فيها مشاكل ونفسيتك داقت
والدنيا بتتقفل
تلاقي نفسك واقف إنت سيبتني يارب ولا إيه
إنت سيبتني لااااا {وكنا به عالمين}
ربنا بيقول لسيدنا محمد أنا مسيبتش إبراهيم هو كان
بيحارب أبوه وبيرموه فى النار وقومه بيحاسبوه وأبوه بيقوله
لأرجمنك والناس كلها بتهددوا ودول بيسخروا منه هو كان ممكن يقول انت سبتني يارب
{انت مبعتليش حد ينصرني ليه؟؟}
لااااا {وكنا به عالمين}
إوعى تفتكر إنه سايبك
إوعى يحبيب قلبي ولا إوعى يأختي في الله
لما تلاقي حياتك بقيت مشاكل بسبب الإلتزام تفتكر ان ربنا سابك
لاااااااا
أومال اللى بيحصل ده ليه؟؟؟؟!!!!
لما أبو واحد ينزله يشتغل
أبوك ممكن يكون غني جداااااا
مليونير
بس سايبك تشتغل صنايعي
طب ليه؟؟؟!!!!
علشان الولى ينشف
علشان يتمتن
ولله المثل الأعلى ربنا لما يبتليك
بيبتليك ليه ؟؟؟؟
علشان تتمتن
علشان تنشف
كذلك يإخونا {وكنا به عالمين}
لما تنقطع الرسائل الربانية
بتنقطع ليه؟؟
لما تلاقى نفسك في باطن أزمة وبتجاهد وبتحاول
مفيش رسايل !!
مفيش رؤيا تطمنك إنك صح !!
مفيش حاجة تقولك إنك صح إثبت وكمل !!
ليه؟؟!!!
ليه أحياناً ربنا بيعامل العبد كده
إنك متلاقيش رسايل جايه لك
عارف ليه؟؟؟
علشان ربنا يختبر صدقك فى الطريق
علشان ربنا يختبر ثباتك
يختبر يقينك في ما أنت عليه
يختبر إصرارك في ما أنت عليه
انت ثابت أديه
شوف إبراهيم أثبت الخلق بقى {وكنا به عالمين}
يإخونا اللى عايز يوصل لربنا لما بيلاقى مشاكل فى الطريق لربنا
مبيعرفش يعيش
شوفوا عبد الله ابن أم مكتوم لما ربنا وصفه قال إيه
{ وأما من جاءك يسعى وهو يخشى } [عبس/9/8]
يخشى إيه ؟؟؟!!
يخشى كل حاجة جاي ملهوف
جاي بيجري على النبي
جاي بيجري على المربي
جاي بيجري على مصدر الهداية بتاعه
وهو يخشي ملهوف
مرعوب أحسن النور اللى في قلبه يروح
مرعوب أحسن الباب لما تفتح يتقفل تاني
مرعوب أحسن إنه ميقدرش يوصل للي هو عايزه
أحسن يموت قبل مايعمل حاجة للإسلام
أحسن يموت قبل مايوصل للمقامت العلى
مرعوب أحسن ربنا مايقبلهوش
أحسن ربنا ميتوبش عليه
أحسن ربنا ميفتحلهوش الطريق
أحسن الشيطان يفتنه
أحسن الفتن تضيعه
أحسن يرجع تاني زي ما كان
هو ده حال السالك إلى الله
مرعوب ماشي ملهوف وهو يخشى زي سيدنا إبراهيم كده
{ فنظر نظرة في النجوم فقال إني سقيم } [الصافات89/88]
نار مولعة في قلبه مش قادر
عارفين زي إيه؟؟؟
زي مواحد كده تاه عن أبوه تاه وهو طفل رضيع
ونشأ في قبيلة في الصحراء فيقوم مرة كده واحد
يوريه صورة لغرش فظيع إيه ده ؟؟
ده عرش الملك فلان
بعد فترة يلاقي تجارات وقوافل رهيبة معدية رايحةجاية إيه دي ؟؟
دي تجارات الملك الفلانيالغني غنى فظيع
بعد فترة يلاقى ناس ملمومين وواحد بيحكلهم عن الملك الفلان الغني وعظمته ورحمته وحكمته
خلاص مذهول
يقوم واحد يقوله انت عارف الملك فلان ؟
اه
ده أبوك
إيه ده أبوية أنا ده اللي غناه بالغنى ده ورحمته بالرحمة دى
وعظمته بالعظمة دي
أوصله إزاي ؟؟؟!!!
أنا عايز أوصله
أنا مش هدوق الراحة إلا لما أوصله
هي دي
ولله المثل الأعلى
إنت عارف اللي رفع السبع سموات دول
إنت عارف اللي خلق المعجزات في الكون
إنت عارف اللى بيدبر رزق الملييارات دى كلها
إنت عارف اللي له الأسماء الحسنى دي كلها
ده ربك
ربى ومولاي أوصله إزاي ؟؟؟؟
هو ده ياجماعة
اللى عايز يوصل لربنا مبينمش
ميعرفش يقعد
ميعرفش يهدا
حياته زي مابقول لكم
حياة ساخنه
حياة مش باردة
حياة مش باهته
لإن عنده وظائف فى كل لحظة عند مهمة
عايز يعملها
عايز يوصل
هيوصل لإيه ولا لإيه ؟؟؟
{ ولقد آتينا إبراهيم رشده من قبل وكنا به عالمين } [البقرة/87]
ظاهريا جبريل منزلهوش
إنما حقيقةً أنا كنت عالم بيك
وكنت رقيب عليك
وكنت سامع مناجاتك
وكنت عالم بالحب والإصرار اللي في قلبك على إنك توصلي
أنا مسيبتكش دي رسالة لكل واحد فينا ياجماعة
ربنا ماسبناش {وكنا به عالمين}
إلهي وخلاقي وحرزي وموئلي
إليك لدى الإعسار واليسر أفزع
إلهي لئن جلـت وجمت خطيئتي
فعفوك عن ذنبي أجل ُّ وأوسع ُ ُ
تعليق