![](http://graphics.way2allah.com/sep/01-salam/01_59.gif)
بشكر كل واحد شجاع داخل يقرأ الموضوع
دامعناه انك حاسس بتأنيب ضمييير
لأن انا معاك انه واضح ان الامتحانات فعلا قربت وواضح إن في اجماع على كدا
لذلك متقلقش مش حنقفلها في وشك واقولك اعمل كذا وحرام عليك وقتك لإني زيك بالضبط عباس المحتاس
![](http://hanyhilmy.com/vb/uploaded/3_01356445701.jpg)
بس لاقيت حل
اول حاجة عشان نكمل مع بعض وتلاقي حل لمشكلتك حطلب منك تتخلى عن مبادئك اللي هي:-
اجعل هدفك في الحياة هو الراحة والإسترخاء.
حب سريرك فهو مملكتك الوحيدة.
ارتاح بالنهار لتتمكن من النوم بسهولة في الليل.
العمل شئ مقدس لذلك لاتقترب منه.
لاتؤجل عمل اليوم لبكرة مادام تقدر تأجله لبعد بكرة .
اعمل اقل مايمكنك عملك ويبقى خير وبركة لو لقيت حد يعمله بدال منك.
إذا احسست بأنك لديك رغبة جامدة في العمل استرخي قليلا حتى تزول هذه الرغبة.
ازنق تنجز.
ذاكر يابني آدم مذاكرة الوحوش الامتحان يجيلك في الجزء اللي مفتحتهوش يبقى مش حذاكر اصلا.
وأخيـرًا لاتنسى ان العمل مفيد للصحى لذلك اتركه دائمًا للمرضى.
![](http://www.sheekh-3arb.net/islam/Library/img/3ater/div/13.gif)
طبعًا سيادتك لو ناوي تكمل الترم بهذه المبادئ يبقى حترووووح أبوزعبل وحتجيب مجموع ميدخلكش معهد تجفيف الرنجة
وبما إنك بدأت تتخلى عن مبادئك العظيمة دي يبقى لازم تتحلى بحاجة تانية وإلا حتلاقي يوم والتاني وبدأت ترجع زي ماكنت
![](http://www.sheekh-3arb.net/islam/Library/img/3ater/div/13.gif)
طيب اكيد كتيييير مننا مشكلته
ان المذاكرة كتيييييييييييييير ومفتحتش كتاب
ولما بدأت اجمع اللي ناقصلي حسييت بإحباط وحاسس إني لو عملت إيه مش حلحق أخلص فبالتالي حذاكر على قد ماأقدر واللي ألحقه ألحقه يعني اعمل اموّت نفسي؟؟؟
لأ طبعا ميرضناش تموّت نفسـك مامتك عيزاك
بص ياسيدي عايزك تركز معايا خاااالص
حقولك حاجة عشان تقعد على الكتاب وتجمع كويس ومتنساش
![](http://www.sheekh-3arb.net/islam/Library/img/3ater/div/13.gif)
1لازم 100% تبقى دماغك فااااضية من أي حاجة
انسى ان ماما قربت تخلص الغدا اللي انت بتحبه
وانسى صاحبك اللي ضايقك وانسى اي حاجة ممكن تضايقك
واهم حاجة تنسى ان وراك حاجات كتيييييييييييييييير لسة مخلصتهاش وتقعد طول ماانت قاعد بتفكر ياترى حلحق اخلص ولا لأ !!
كل الحاجات دي بتكون عامل كببببير انك تفقد تركيزك وتاخد 3ساعات عشان تخلص صفحة من 100 صفحة
وبالتالي تتخنق وتضايق وتحبط وتجيب الغلط على المنهج وعلى نفسك وانت في الاصل السبب..!!
![](http://www.sheekh-3arb.net/islam/Library/img/3ater/div/13.gif)
سامعك بتقووولي كلام حلو بس انت مش شايف ان موضوع النسيان دا صعب!!
فعلا ساعات بتحصل قبل الامتحانات حاجات بتجلب عليك كل الهم وتبقى صعب انك تنساها لأن مش شغال بالريموت
طيب اعمل ايه عشان انسى؟؟
دا ممكن يكون ربنا كمان مش راضي عني والدنيا بايظة معايا خااالص والمذاكرة مش ببتظبط وانتوا عارفين في وقت الامتحانات محدش بيعرف حد او بمعنى اصح مفيش حد فاضي لحد يعني صاحبك اللي اكيد شبهك مش حيسيب اللي وراه ويتصل يطبطب عليك..اعمل ايه؟؟
عارف
انا ساعااااات بحس ان الدنيا كلها على ضهري
وبحس اني شايل ذنوب تهد جباال وواقع في مشاكل جااامدة
وحاجات انا بجد عاجز اني احلها عارف وقتها
برفع عيني اللي كلها دموع للسماء وأقول
فوضت أمري إليك يارب
أنا تعبت يارب ومش عارف أحل حاجة
ومهما كانت ذنوبي يارب أنا بجد ماليش غيييرك
ببكي من قلبي وبقول لاحول ولاقوة إلا بك يارب
انقطع الرجاء إلا بك ياارب انا ضايع ان بغرق انقذني
وقتها بجد بلاقي الفرج
وبحس إن ربنا بيلهمني حلول وحاجات كتيييييير
![](http://www.sheekh-3arb.net/islam/Library/img/3ater/div/13.gif)
عارف ليه؟؟
لأني تجردت من قوتي وشطارتي وانكسرت لله وفوضت امري وانا كلي ثقة ان ربنا مش حيسيبني وحياخد بإيدي..
طيب والمشاكل ؟؟
بص ياسيدي لو انت مزعل حد روح اعتذرله ولو انت زعلان من حد
سامحه والتمس له أعذار وقول لعله خير
لعله خير ازاي وهو اللي غلطان اقولك ازاي
؟؟
تعرف انا مرة كنت مخلص امتحان ورحت لواحد صحبي وكنت طالع من الامتحان دا مضاايق جدًا المهم رحت لصحبي دا قلتله ماتيجي نتمشى شوية قالي لأ انا عايز ارتاح من الامتحان دا ومفكرش فيه ...من الآخر زحلقني ومشيت لوحدي
بعدها زعلت جدًا ازاي دا لما بيحتاجني ولا اشوفه زعلان لا يمكن اسيبه حتى لو فيا ايه بس بعدها قلت يمكن ربنا جعل دا يحصل عشان ربنا لا يريدنى أن اظهر بشكل وحش قدام حد في لحظات ما انا مضايق.. ربنا يريد إن شكلي يفضل جميل قدام الناس وربنا يريد أن يعلمني ملجأش لحد غيره .
![](http://www.sheekh-3arb.net/islam/Library/img/3ater/div/13.gif)
اي مشكلة ليها حل يبقى حلها بسرعة وخد الأمور ببساطة وسيبها على الله وربنا حيفرجها..
كدا تمام فضييينا دماغنا
شكرًا ياعم انا رايح اذاكر بقااا >>>
لالالالالالالا استنى
قولي حتذاكر ايه؟؟؟ وحتذاكر في وقت اد ايه؟؟؟؟
وحتذاكر كام مادة؟؟؟
ووقت الراحة بتاعتك حيبقى كل اد ايه؟؟؟
ايه يابني الاسئلة دي كلها انا رايح اذاكر مش رايح اطلع بطاقة
![](http://hanyhilmy.com/vb/images/smilies/confused.png)
بصراحة عادي انا بمشي بالبركة
يابني البركة دي مية تشربها او تمشي بيها وانت خارج مع صحابك ومش لاقيين حتة تروحوها
مش تمشي بيها وانت بتحدد مصيرك
![](http://www.sheekh-3arb.net/islam/Library/img/3ater/div/13.gif)
2 بص يابني كل يوم قبل ماتبدأ مذاكرتك تجيب آخر الكراسة اللي انت بتذاكر فيهاااااا
(( الكراسة دي كووووم تااااني حنجيله دلوقتي))
وتكتب فاضل كام يوم على الامتحان
وتكتب المواد اللي عليك
وناقصلك فيها جزء اد ايه مذاكرتهوش خااالص
وتكتب قدام كل مادة فاضلي 40صفحة مثلا وهكذا
وتيجي قدام كل مادة تاخد من الاربعين صفحة دول 20 صفحة وتشوف مقدرتك تخلصهم في اد ايه
اقصى حاجة 3 ساعات
خلاص عملت الشغلانة دي وبعدين؟؟
اختار 3 مواد تذاكرهم النهاردة وتنجز فيهم ولازم تبدأ بالأجزاء اللي انت ابيض ياورد فيها
ومفتحتهاش خالص عشان خير اللهم اجعله خير لو ملحقتش تخلص تكون عندك خلفية عن المنهج كله ولو حتى طشاش
بعد ماتختار حدد عدد ساعات المذاكرة اللي انت حتذاكرها النهاردة
مثلا حذاكر 10 ساعات يبقى تقسم الثلاث المواد على العشر ساعات
![](http://www.sheekh-3arb.net/islam/Library/img/3ater/div/13.gif)
3 ذاكر في اي وقت تحس فيه انك بتقدر تركز فيه اووي
وأأحلى وقت طبعا بعد الفجر لأن البكور فيه بركة بيكون وقت كله نايم والدنيا هادية اصحى صلي الفجر وقول الأذكار وابدأ على بركة الله وكلك توكل على الله وتفائل ان ربنا حيكرمك وحيوفقك في اليوم دا ..
![](http://www.sheekh-3arb.net/islam/Library/img/3ater/div/13.gif)
4 لما تيجي تذاكر بعد مافضيت دماغك وحددت حتذاكر ايه
امسك كل مادة شوف لو امتحنت قبل كدا اخطائك كانت بسبب ايه
مثلا مكنتش بحل كتيييير مع اني بذاكر كويس جدًا وبحفظ القوانين لكن مكنتش بطبق يبقى حخلي بالي اني لازم اركز على الحل جدًا واشوف الدكاترة او الاساتذة بتوعي كانوا بيركزا على ايه في الشرح وحذاكر..
![](http://www.sheekh-3arb.net/islam/Library/img/3ater/div/13.gif)
5لكن في مواد بتكون مقالية وكتيييييييرة اووووي وبمجرد ماتفتح الكتاب بتحس انك مش طايق تبصله لانه فعلاكتيروالمواد اللي زي دي محتاجة تلخيييص ومفيش وقت للتلخيص
لو في ورق حد ملخص كويس جيبه ، طب لو مفيش
يبقى امسك الصفحة واستعين بالله وركز فيها اقرأها بسرعة بفهم
وبعدين ارجع اكتب النقط اللي انت حاسس انها مهمة
اعمل مخططات مثلا حتلاقي عنوان كبير مثلا اهمية الحضارة تروح حاططها في دايرة ومن تحتها تنزل اسهم تشير الى الاهمية دي وجوا الاسهم مثلا الحضارة بتجيب فلوس تطلع سهم عن طريق السياحة سهم تاني عن طريق كذا
بالشكل دا حتلاقي نفسك لخصت 10 صفحات في 3 صفحات
اسمع الكلام والله انامجرب الحكاية دي اللي هي الخرائط الذهنية
لأن مخك بعد كدا مع التوتر والزنقة بتاعت الامتحانات حتلاقيه بيفتكر بالأماكن وبيفتكر الأشكال دي جدًا
![](http://www.sheekh-3arb.net/islam/Library/img/3ater/div/13.gif)
6 تعالوا نتكلم عن وقت الراحة و ناخد مثال عملي عشان تفهم كل اللي اانا بقصده دا
جيب ورقة شوف المواد اللي بتدرسها ايه واكتبها وشوف كل مادة ناقصلك فيها حاجات اد ايه محاضرتين او 10 محاضرات
وبعدين حدد النهاردة حتذاكر ايه بالضبط مثلا عربي وانجليزي وفيزياء وخط مثلاً بقول
شوف حتدي وقت اد ايه لكل مادة مثلا العربي حذاكر الجزء دا حسب مقدرتي في ساعتين تمام اجيب العربي افتحه الجزء اللي حذاكره فيه كام صفحة مثلا 30 صفحة تمام ال30 صفحة دول قسمهم حاخد اول 10 صفحات في ساعة واضبط منبهك خلصتهم ادي لنفسك راحة 10 دقايق
ومتفتحش النت في ال10 دقايق دول لأنك حتدخل النت حتلاقي حاجة تقعد تفكر فيها ساعة بعد العشر دقايق راحة دول من الآخر وقت راحتك متعملش حاجة تستهلك أي جزء ولو بسيط من تركيزك بعد كدا
ممكن تروووووح
تساعد مامتك... اغسل كوباية الشاي بتاعتك ..
جيب ازازة مية
عشان متعملهاش حجة وتقوم تضرب مشوار لحد المطبخ نصف ساعة عشان تشرب وترجع تذاكر
وبعدين ارجع كمل
زهقت من العربي خد مادة خفيفة رياضة مثلا لو عندكوا رياضة او انجليزي حاجة
متستهلكش تركيز جامد وبعدها ارجع كمل..
![](http://hanyhilmy.com/vb/mwaextraedit6/extra/06.gif)
![](http://hanyhilmy.com/vb/mwaextraedit6/extra/06.gif)
7 كافئ نفسك لو سمعت الكلام وانجزت في الوقت اللي انت محدده
قول لنفسك لو خلصتي العربي والرياضة حخليكي تدخلي النت نص ساعة
حتلاقيها قالت هييييييه وقعدت تذاكر كويس واتشجعت بعد كدا تخلص بسرعة
عشان تاخد وقت الراحة بتاعهـا..
![](http://hanyhilmy.com/vb/mwaextraedit6/extra/06.gif)
![](http://hanyhilmy.com/vb/mwaextraedit6/extra/06.gif)
8في يومك كله حدد اولوياتك
بتاعت اليوم يعني وانت بتكتب وراك ايه مذاكرة اكتب وراك كمية معينة حتحفظها قرآن او حتقرأها
اكتب الأذكار اكتب مساعدة أهلك في البيت اكتب صلة الرحم او تتصل بحد من أهلك تطمن عليه
متخليش يومك كله لنفسك وبس .. صدقني كل الحاجات دي بتزيد من بركة اليوم وبتاخدلك دعوة من مامتك وانت في أمس الحاجة لدعاااااااااااااااااااااء ماما اليومين دول ..
![](http://www.sheekh-3arb.net/islam/Library/img/3ater/div/13.gif)
طيب افرض قصرت في مهام يومك ومذاكرتش وضيعت وقتك ع النت ومعملتش اي حاجة تعمل ايه؟؟؟
تعيط ولا تكره الكلية ولا تقرر انك تذاكر اي كلام وتكروّت عشان تخلص؟؟؟
ولاحاجة من دول امسك نفسك عاقبها واحلف عليها والله العظيم مااناا فاتح النت ولا دخله الا لما اخلص الكم المعين دا من المذاكرة احلف بجد
واعرف ان اي غلطة حتكلفك صيام 3 ايام
وانت مفكش نفس اصلا !!!! بس كدا خلاص
![](http://www.sheekh-3arb.net/islam/Library/img/3ater/div/13.gif)
بس بالشكل دا حتقدر تجمع إن شاء الله
بس في شوية حاجات خلي بالك منها
اوعى تكون من الناس الدحيحة اللي بيذاكروا ويقعدوا يحبطوا في صحابهم ويعملوا كدا
![](https://fbcdn-sphotos-h-a.akamaihd.net/hphotos-ak-ash3/576277_403956256354094_1572691158_n.jpg)
اوعى
تقعد تحبط في حد وتقلل من عزيمته حتى لو انت كمان كدا حاول تحمسه وتقوله تعالى نبدأ وانا حساعدك..
لو عملت
مخططات او عملت اي حاجة تقدر تساعد بيها صحابك حتى لو هما وحشين اعرض عليهم يصوروها منك
من الآخر اوعى تبطّل تحب الخير للغير لو عندك خلل في الحتة دي ادخل اقرأ الموضوع دا
؛؛ × اوعى تبطّـل تحب الخيـر للغيــر × ؛؛
آخر حاجة
حقولك خلاصة اللي قلته
توكل على الله واعرف ان اي حاجة انت بتشوفها وحشة ربنا بيعلمك منها حاجة وبيرسلك رسالة
اعرف وأتأكد اووي ان ربنا مش بيضيع تعب اللي بيحسن عمله فلو تعبت ودخلت الامتحان غلطت قووول الحمدلله لعله خيييير وربنا شايلي حاجة احلى قدام
وانت بتذاكر فضي دماغك من أي حاجة وخلي اهدافك اللي نفسك تحققها قدامك وتوكل على الله وخليك متطمن ان ربنا جنبك ومش حيسيبك وطمن الناس اللي حواليك وقسم وقتك زي ماقلتلك وحدد وقت المذاكرة والزم نسك بيه
![](http://hanyhilmy.com/vb/mwaextraedit6/extra/06.gif)
ومستنيييين تيجوا تبشرونا بأحلى نتيجة بإذن الله
والأهم إن نتيجتك دي تكون من تعبك انت يعني مغشتش من حد
والأهم أوووووووي ان ربنا يكون راضي عنك
والسلام مسك الختام
منقــووول
تعليق