Tweet
كيف حالكم يا شباب؟؟
وكيف حال حب الشباب؟؟!!
اقصد بحب الشباب الحبوب اللي تيجي بالوجه عند الشباب
اليوم زي ماهو واضح من العنوان
akne-mycin
ده مرهم لحب الشباب وفعال جداً ماشاء الله .. عن تجربة والله
المهم
اقولكم بقى كيفية استخدامه
استخدامه بقى كالآتي
.بتغسل وشك بميه دافيه (ضروري جدا الميه تكون دافيه)
_تنشف وشك بوفطة ناعمه على البشرة
بعدين تضع المرهم على وجهك وبالاخص على اماكن الحبوب دي
وبالشفا ان شاء الله
(ملحوظة : الكلام الخاص بالمرهم ده مظبوط )
يلا اي خدمة معلومة طبيه اهي
ام هند
المهم قصدي
ندخل بقى في موضوعنا
مش ملاحظ انه في موضوع المرهم ده انك لازم تغسل وشك بميه دافيه قبل ما تضع المرهم على بشرتك؟؟
يعني بالعربي
تحط المرهم على بشرتك بعد م تكون نضفتها بالميه الدافيه
يعني تحط المرهم على نضافة
مش تحطه ع بشرتك وهي متربة وملوثه وكده
ركز بقى معايا كده في اللي جاي
دلوقتي في المرهم وحب الشباب لازم تغسل وشك وبعدين تحط المرهم ده
وهكذا برده مع قلبك
!!
تنحت ليه وكده وعينك وسعت
اكيد مش هتحط مرهم وتغسل قلبك بميه دافيه
افهمك انا
بس قبل ما افهمك نحكي الموقف ده كده
وهو عن النبي صل الله عليه وسلم
وهي حادثة شق صدر النبي
( عن انس بن مالك ان رسول الله
اتاه جبريل عليه السلام وهو يلعب مع الغلمان فاخذه فصرعه فشق عن قلبه فاستخرج القلب فاستخرج منه علقة ، فقال هذا حظ الشيطان منك ثم غسله في طست من ذهب بماء زمزم . ثم لامه ثم اعاده في مكانه وجاء الغلمان يسعون الى امه فقالوا : ان محمدا قد قُقتل ...... ) .المستفاد ايه من الموضوع ده ايه!!
ركز..شوف جبريل عليه السلام بعد ما تم شف الصدر للرسول مش قفل على طول
لا طهر وعقم بذهب وماء زمزم !!
تمام!!
افهمك بقى الحكاية
((حكاية كل ما اتوب برجع لنفس الذنوب))
الحكاية على بعضها
انك مش بتغسل كويس
ايوة انت مش بتعقم كويس
انت لما تتوب وتنوي توبة صادقة لله
بتتوب وتقفل على مش نضافة بتقفل على النقط السودة اللي في قلبك
لا شيل الاول النقط السودة واقفل بقى على نضافة عشان ترتاح
هو ينفع واحد رايح يعمل عملية مثلا يقوم الدكتور ولنفرض شايل الزايدة مثلا ويخيط تاني .. ولا قبل م يخيط ويقفل الجرح بيعقمه ويطهره؟؟!!
اهو ده اللي حضرتك هتعمله بالظبط
المهم
النضافة دي هتعملها ازاي بقى مع قلبك ؟؟!!
بالاستغفاااااااااااااار
الاستغفار ده مهم اووووووووووي زي الميه الدافية اللي بتغسل بها وشك عشان تضع المرهم
اهو الاستغفار ده هو الميه الدافية اللي بغسل بيه قلبي عشان اتوب توبة صادقة بإذن الله
والخطوات دي هتساعدك بجد في كده
1) ألح علي نفسك برغبتك في الالتزام وتجديد الرغبة في الالتزام " أنا لم أخلق للمعصية , أنا يجب أن أتغير "
2) إستشعار مدي كرم الله عز وجل عليك ونعمه من الصحة و المال والزواج و...
3) إستشعار أي موعظة من الله فيشعر برحمه الله عز وجل
4) الحياء من الله فيشعر بأن الله مطلع عليه
5) الاكثار من الاستغفار عند بداية الالتزام وبعد الالتزام وداااااااااائماً
فوائد الاستغفار
* يقوم بتنقية القلب من الران وظلمة المعصية ويدخل نور الطاعه الي القلب فيستشعر القلب بحلاوة الطاعه والقرب من الله عز وجل وخاصة الاستغفار بالأسحار
* من أعضم الاسباب التي تنزل رحمة الله بها
* أمان من عذاب الله عز وجل
* الأستغفار أول طريق التوبة
* الأستغفار سبب السعادة الحقيقية والمتعه
* الأستغفار سبب الحصول علي القوة والمال
* الأستغفار سبب القرب من الله
6) أقل عدد للاستغفار يكون مائة مرة باليوم علي الاقل
7) بعض صيغ الاستغفار الواردة عن النبي صلي الله عليه وسلم
* أستغفر الله الذى لا اله الا هو الحي القيوم واتوب اليه
* اللهم انت ربي لا اله الا انت خلقتني وانا عبدك وانا علي عهدك ووعدك ما استطعت أبوء لك بنعمتك علي وأبوء بذنبي فاغفر لي فأنه لا يغفر الذنوب الا انت
سبحانك اللهم وبحمدك نشهد ان لا اله الا انت نستغفرك ونتوب الله
فما كان من توفيق فمن ربي وما كان من تقصير فمن نفسي
اللهم اجعل هذا العمل صالحا خالصاً لوجهك الكريم يارب العالمين
تعليق