Tweet
كنت مقضّيها..وعادى
كنت قاعد على الفيس عادى زى اى يوم بكلم اصحابى
ومشغل اغانى ..سمعت الفجر بياذن طبعا كل اللى عملتة
انى وقفت الاغنية لغاية الاذان ميخلص بس صوت الاذان
اليوم دة كان غريب اوى فضلت مشدود للاذان شوية
حاسس ان فية حاجة غريبة اوى .. روحت راجع ومشغل
الاغنية تانى وكملت على الفيس بوك .. وبعد ساعة
سمعت صوت حد بيصرخ بس ماكانش صوت عادى كان
اعلى صوت سمعتة فى حياتى طلعت اجرى اشوف فية اية
طلعت فى الشارع لقيت الشارع مليان ناس وكلة مستغرب
اوى وباصص للسماء ... بصيت للسماء وسالت هوة فية
اية .. محدش راضى يرد عليا .. كررت السؤال محدش رد
عليا غير امى وقالتلى .."الشمس طلعت من
الغرب .. باب التوبة اتقفل يابنى"... حسيت ان كل اجهزة
جسمى وقفت بعد ماسمعت الكلمة دى .. معرفتش بعدها
انا بعمل اية فضلت اجرى زى المجنون واقول لكل واحد
إدينى حسنة .. إدينى حسنة .... محدش بيرد عليا والكل
بيجرى محدش فارق معاة ابن ولا فلوس ولا ام ولا اب ...
ساعتها رن فى ودانى حاجة واحدة بس ..قولة تعالى
"يَومَ يَفرّ المَرء من أَخيه وَأمّه وَأَبيه وَصَاحبَته وَبَنيه لكلّ امرئ منهم يَومَئذ شَأنٌ يغنيه"
جريت على امى وقعدت اصرخ ... ودى كانت اول مرة
ماصعبش على امى .....
دة كان حلم ..بس اول ماصحيت
قولت طول ما باب التوبة مفتوح هفضل اققول يارب ...
مش هعيش غير للاخرة هغلط اه بس هققول يارب ...
احنا لية واثقين ان احنا هندخل الجنة من غير مانعمل
اى حاجة تشفعلنا ..
ماتيجى نبدا من دلوقتى قبل مانتفاجىء باليوم دة ..
قبل ماتتفاجىء بملك الموت جاى يقبض روحك ....
ربنا بينادينا كل يوم ...
,,
تعليق