Tweet
" دااارى على شمعتك تقيد "؟؟!!
كلنـا عارفيين المثل اللى بيقول " دارى على شمعتك تقيد "
وبنطبقه فى حياتنا ومعاملاتنا وبينجح !
طب ما تيجى نطبقه فى عباداتنا وعلاقتنا مع ربنا ؟!
هتقولى ازااى ؟؟
نضرب مثل ...
واحد بيقول لصاحبه : ده انا نويت الشهر ده انى احفظ 5 أجزاء .. وانى
أراجع 10 أجزاء من اللى حافظهم ... ونويت كمان إنى اشترى كتب للشيخ
الفلانى عشان أقرأها وناوى اعمل ختمتين أو تلاتة كمان الشهر ده !!
وبعد ما الشهر يخلص تفتكروا هينجز اللى قال عليه ؟؟؟
طيب نفس الشخص نوى نفس الأشياء دى لكن مقالش لحد عليها خاالص
خلاها بينه وبين نفسه .. بينه وبين ربنــا
تفتكروا هينجزها ؟؟
إحتمالية إن الشخص اللى مقالش عن الأشياء دى فى انه ينجزها اكبر بكتيير
من اللى قالها !
لأن اللى قال ده [ شـــاف نفسـه ]
وبالتالى
[ أعجـب بنفسه ] وهو لسة مبدأش العمل أصلاً
يعنى لما يلاقى اللى قدامه شغال يقوله : ماشاء الله إيه الهمة دى يا بنى ؟؟
إيه الحلاوة دى يا شيخ فلان ؟ ده انت محدش قدك بقى !!
وكلام من ده كتيير تفتكروا مش هيشوف نفسه ؟؟
فاللى بيشوف نفسه مش هيقـدر ينجز العمل ده
ده غير انه لو استمر بالإعجاب ده عمله " يُحبـط" كأنه لم يكن !!
الايمان يحسد , استعينوا على قضاء حوائجكم بالكتمـــــــان
فأن كل ذى نعمة محسود
استر عملك حتى عن عين نفسك .... لاتــــــــــراه .
( الفتور اللى انت بتشتكى منه نتيجة طغيان القلب ... طغيان النفس )
النفس شافت العمل فطغت " كلا إن الإنسان ليطغى , أن رآه استغنى "
عليك بالستر ... الخمول ... الاستخفاء و التوراى
هتقولى استر ايه ؟؟؟
استر تسبيحك ,, استر ركعتين ,, استر جزء قرآن قرأته ,, استر صدقه
"فأخفاها حتى لاتعلم شماله ما أنفقت يمينه"
استر حالك مع الله
استر همتك ( لئلا تنزع منك قبل ان تعمل )
معروف بنقض العزائم
تبقا عازم و تنقض عزيمتك ... فالستر فى اللى مبيتكلمش كتير .. هتقول
(انا خلاص من النهادره نويت اصوم اثنين
و خميس , نويت اصوم كل يوم , انا خلاص قررت بقا انى أحفظ قرآن
خلاص لقيت شيخ هيحفظنى ..... الخ )
اسكــــــــــــــت
استر حالـــــــــــك ... و استر نفســـــك ...
استر عملــــــــك
يقول جعفر الصادق " لا يتم معروف الا بتعجيله و تصغيره و ستره "
وهـو ده المعنى اللى عايزين نوصله ...
اما الشخص اللى مقالش مسمعش ولا كلمة من دول فبالتالى مش شايف
نفسه غير مقصر فى حق الله وانه يجب عليه انجاز أكتر وأكتر
فهيحاااول بقدر المستطاع انه ينفذ اللى عزم عليه ..
" دااارى على شمعتك تقيد "
يعنى مش أى عمل نويت إنك تعمله تعمله نشرة أخبار !!
كده مش هيتم ... استـر نفسك لكيلا يحسدك الآخروة أو ترى انت عملك
وتشوف نفسك فيه وتنسى ان مجرد التفكير فى العمل ده فضل ونعمة من الله
فما بالك لما يتم ؟
أسأل الله تعالى ان يجعل أعمالنا كلها خالصة لوجه الكريم
اللهم آمين
تعليق